我想問地鐵月台消防系統既問題

我聽人講救火的水會沿隧道流去另一個車站, 引起問題, 所以一般唔會用水滅火, 咁點解我係地鐵月台仲見到有消防喉轆?? 如果真係用水滅火 點樣解決去水問題 (假設係地底月台)???

隧道正常都有水泵....救下火都水浸？

利用 GOOGLE 找到一篇舊文﹐入面話車站結構唔用得自動灑水。

可參看 : http://www.hkitalk.net/HKiTalk2/viewthread.php?tid=37580


如果用此文的內容理解﹐如果係垃圾桶著火之類﹐用水係無問題。
如果用水唔適合的情況﹐便會用氣體方式。

隧道方面﹐應該用水都唔係唔得﹐事後可能麻煩D。同埋可能會用泡沫代替水﹐相對地泡沫去滅火可能會更佳。

[ 本帖最後由 kei_hk 於 2013-4-26 22:25 編輯 ]

好似有樣大家都未講, 就係地鐵系統發生火災最大可能都會係同電有關, 重點係用水都救唔到呢D火, 所以必然係選擇其他如泡沫或集體. 至於水可以用的情況, 樓上有提

月台/軌道位置，基本上絕大部份情況，
唔到死人塌樓都會儘量避免用水

因為開得水救火的話，唔講電纜停電問題，
救火後要整套系統回復正常都絕非一日半日可以還原....


北角站單野，用得水的話唔會搞到咁煩

原帖由 h2o 於 2013-4-26 23:10 發表
好似有樣大家都未講, 就係地鐵系統發生火災最大可能都會係同電有關, 重點係用水都救唔到呢D火, 所以必然係選擇其他如泡沫或集體. 至於水可以用的情況, 樓上有提 ...

其實，歷史上多次大型的地鐵/鐵路站大型火災都不是因為電力問題..

另外更正大家一個經常出現的誤會，
泡沫是絕不可用於救電火的 (一樣會導致觸電)。
電火只能以乾粉/氣體滅火桶撲救。


一般地鐵站 (其實出面尐建築一樣)，高危 + 高價值地方 (如信號設備/通訊設備房/掣房等)
是會有自動氣體滅火系統保護

smoke detector / heat detector 探測到房內有火警後，
房內的警鐘會響起，所有房內的人要即時離開及關好門，
三十秒內後便會放出所有的滅火氣體

由於氣體要有一定濃度才有滅火能力，
而且所有氣體系統只會儲存僅夠一次滅火用的氣體
(每次 refil gas 都講緊過十萬..)
所以放氣時必須要關好門，
即使消防來到，也會等待確定火警完全熄滅後才會開門入內


至於門外的 panel ，就是在緊急時可以即時啓動 / 停止滅火系統的運作用
(一般在這些特別房間工作的話，也會先手動暫停滅火系統運作)


可以自己睇睇 Demo..
http://www.youtube.com/watch?v=AnDEHgWpmGA
http://www.youtube.com/watch?v=xI_jWN2fWIY

[ 本帖最後由 mrm23 於 2013-4-27 00:22 編輯 ]

其實大家係月台會見到有"泡沫"的地台蓋, 其實呢d位置係用於俾消防灌d 泡沫 入去路軌,
主要用黎救列車車底起火, 因為當起火列車停左係月台, 消防員有水都好難救到車底的火...

至於用唔用水問題, 如果大火, 本身基本上無得點選擇, 月台/大堂除左消防喉轆, 亦有消防hydrant,
俾消防拎水, 泡沫本身都係有用水再打氣製泡....所以用水是無可避免....除非細火到可以滅火筒解決,
如上次幕門火

用左水, 當然好多野唔可以即時復原了...

用氣體滅火的位置, 本身唔係多, 亦不是公眾可見範圍

[ 本帖最後由 3ASV196 於 2013-4-27 01:02 編輯 ]

原帖由 h2o 於 2013-4-26 23:10 發表
好似有樣大家都未講, 就係地鐵系統發生火災最大可能都會係同電有關, 重點係用水都救唔到呢D火, 所以必然係選擇其他如泡沫或集體. 至於水可以用的情況, 樓上有提 ...

固然好似6樓咁講，重要設施會有自動氣體滅火系統。
但去到危急情況，連呢重保護都唔足以收效，控制中心係會截電，防止救援時出事。
就算係去到電力公司幾十萬伏0既變壓器，必要時都容許用水救火。
消防員都唔可能運咁多氣繼續救。

正如一般家居、工商業設施必然有電力裝置，但個火大小小，消防有理無理都係用水“啡”。
係有石化燃料先至加泡沬。

事後要處理當然麻煩，但除非講緊係垃圾桶呢D完全無關係0既野起火，否則用唔用水都要搞一輪先可以恢復運作。
只不過要用水就要檢查更多野咁解...

[ 本帖最後由 s3n370 於 2013-4-27 01:46 編輯 ]

原帖由 kei_hk 於 2013-4-26 22:21 發表
同埋可能會用泡沫代替水﹐相對地泡沫去滅火可能會更佳。

磚家大人，所謂泡沬係水入面添加化學劑，令水面形成泡沬。主要係救比水輕的燃料引致的火警架。

原帖由 s3n370 於 2013-4-27 01:06 發表


固然好似6樓咁講，重要設施會有自動氣體滅火系統。
但去到危急情況，連呢重保護都唔足以收效，控制中心係會截電，防止救援時出事。
就算係去到電力公司幾十萬伏0既變壓器，必要時都容許用水救火。
消防員都唔可能運咁多氣繼 ...

基本上放得消防員落路軌，都一定要控制中心截電的了..