有關以前巴士總站響鐘提示巴士開出

印像中以前有d九巴總站好似會響鐘黎提示巴士開出
唔知呢樣野係幾時開始冇?
又係咪個個總站都有呢個做法?

以前長靑巴士總站係有呢樣野，想問是不是站長打鐘？還是鐘自動到時自動響？

原帖由 bobbycheng 於 2013-5-12 20:00 發表
印像中以前有d九巴總站好似會響鐘黎提示巴士開出
唔知呢樣野係幾時開始冇?
又係咪個個總站都有呢個做法?

現時
好似 樂富及西貢 仲有

以前藍田都有這一類設施﹐唔知而家仲有無。

記得係站長站窗上面有一排燈﹐有不同路線﹐而站長室窗前亦有一排制﹐鐘聲只有一款﹐所以嚮鐘只是叫司機睇燈開車。

其實有時在想﹐究竟以前係因為手錶都唔係平 (講緊幾十年前)﹐所以當司機不在站長室便看不到鐘﹐不知時間開車﹐所以要站長提示﹐這個傳統一直留到近代。
定係司機們唔聽話﹐有時早/遲開車﹐所以便要站長出馬﹐要司機一律聽站長指示。

但係﹐又唔係所有總站都有這一類鐘/燈﹐又用什麼依據去安排這些開車提示裝置?

我記得尖沙咀天星碼頭巴士總站都有響鐘提示。鐘響，巴士就開出。站長唔使“吹雞”叫車長開車。

好記得當年竹園邨總站都有呢樣野

相信如果用舊款站長室的總站就一定有呢樣野。

原帖由 AD15113 於 2013-5-12 21:57 發表
以前長靑巴士總站係有呢樣野，想問是不是站長打鐘？還是鐘自動到時自動響？

一定唔係自動的.

以前順利總站如果站長不在站長室, 佢會用哨子吹雞開車添.

除左提車長開車, 仲提埋追車乘客好跑快D, 候車乘客上快D, 其實好有用, 以前觀塘大部分總站都有.

早幾年偶然係錦英個路邊站聽過87s個站亭有鐘聲提醒