救貓愛心司機因為救貓而被照肺?

網上流傳 "救貓愛心司機因為救貓而被照肺", 有無人可以證實?
如果係, 果間公司真係好無良.

有無記者可以跟進下?

原帖由 bbtong 於 2013-5-12 08:12 PM 發表
網上流傳 "救貓愛心司機因為救貓而被照肺", 有無人可以證實?
如果係, 果間公司真係好無良.

有無記者可以跟進下?

http://orientaldaily.on.cc/cnt/news/20130512/00176_081.html

請參看方一報的報導最後ㄧ段。

其實如果無人投訴，呢件事應該唔會理，尚且比人照肺，對公司係一場災難

照肺都唔驚佢啦... 唔通車死隻貓咩

點解貓就要去停喺度救，又唔見有人會為隻蟑螂停喺度？

我建議你將依條問題應該post係香港各大討論區又或者一啲寵物討論區詢問,
一定會有好多熱心嘅人士必定能解答到你嘅問題

原帖由 GK3258 於 2013-5-17 16:05 發表
點解貓就要去停喺度救，又唔見有人會為隻蟑螂停喺度？

即係如果下次你訓喺馬路度都唔應該救你，照車落去，對嗎？

原帖由 GK3258 於 2013-5-17 16:05 發表
點解貓就要去停喺度救，又唔見有人會為隻蟑螂停喺度？

如果在垃圾堆填區見到曱甴, 你又會唔會打死佢?

如果你有養貓, 習慣玩到佢半生不死咁, 被人知道人地會點睇?
如果你屋企有竇曱甴, 你會唔會搵方法殺左佢地?

貓同蟑螂一樣係動物，一樣係生命，點解貓就有特權，甚至連人都要讓佢地？我唔係想架車去碌死隻貓，只係覺得應該一件事還一件事。避貓還避貓，遲還遲，既然他真係阻住左個交通同人地嘅時間，點解唔使照肺呢？講番隻貓，我覺得既然都係自然嘅生命，就應該受到相同對待，所以我唔會養動物，亦唔會故意殺任何動物。＃7的人所講的又大錯特錯了，第一我不是代表要殺動物，第二，人不只是動物，是有思想靈魂的生物，用此來與貓作比較實在是十分不合理的

其實呢,好彩你只係係依度發表你依篇偉論,
如果你將依篇偉論發表係D字頭同U字頭嘅討論區,我相信你會俾大部份人插鑊金!
第一,如果你話人係一種有思想靈魂動物,咁貓又何嘗唔係呢？
第二,你都識講人同動物都係自然嘅生命,唔同人嘅生命比貓嘅生命緊要？
第三,大錯特錯果個係你,Nickk兄講得冇錯,又係你自己講應該受到相同對待,
換轉隻貓係你,我地見到係咪要隻手遮天,抽手旁觀呀？你會唔會覺得你自相矛盾呢？
第四,雖然有某部份嘅香港人近年質素差咗,但係我相信大部份人都會有一種同理心,恕我直言,係咁嘅情況,應該冇人好似你諗得咁衰因為咁嘅原因而想投訢或者照肺個司機!
仲有阻唔阻交通同人地嘅時間關你咩事？當時你係現場？
最後,我唔係有冇特別鐘意嘅寵物或者動物嘅人,
而我相信係依度都會有唔多唔少嘅板友係鐘意寵物或者動物,甚至有養寵物,
如果你要搬埋依啲所謂大家都係動物,相同對待嘅理論,
麻煩你唔該你諗清楚先好攞出嚟講!
如果你想向板主投訢,隨便你