警署/消防局與其他政府部門共用樓宇的可行性

香港市區建築普遍向高密度發展，但旺區之中總會出現兩座低密度建築物，它們就是警署和消防局。

警署和消防局的存在是必須的，但若果它們以單幢低密度建築物存在於市區，又好像浪費了市區的空間。

究竟它們能不能與其他政府部門，甚至私人辦公室共用樓宇呢？即警署/消防局只佔用地下的3-5層，以上層數作辦公室用。

這樣會不會阻礙發揮警署/消防局的功能，或者帶來安全問題呢？

（上述問題是小弟日前路徑皇后大道中，看見商廈樓下有個「警察服務中心」而忽發奇想的，歡迎討論）

其實高樓下有消防局已有先例


http://goo.gl/maps/acyG7

其實可唔可以將警署/消防局樓下起公務員宿舍呢?
咁樣既可以充份運作土地資源
亦唔需要怕區議會反對呢呢路路

原帖由 ka31 於 2013-5-21 23:46 發表
其實高樓下有消防局已有先例


http://goo.gl/maps/acyG7

果棟係「消防總部大樓」，正如灣仔警察總部樓下都係一間警署咁，樓下做埋消防局好正常。
但既然旺角工業貿易署都被建議樓下轉做商場賺錢，

我覺得起警署／消防局果陣將樓上規劃成為商廈／市政大廈都十分合理，

起碼真係節省到土地資源，外租更可以增加庫房收入添。

以私人物業來說，鄰近的新東海商業中心是一個例子，它的基座是尖東救護站。

一，保安問題。
二，G/IC用途可以喺高密度發展之間提供通風、日照、視覺等走廊，調劑市民生活環境。

何文田救護站就係例子，建於何文田政府合署樓下，與其他政府部門共用。其實係港英政府年代，都有警署／消防局同救護站與其他政府部門共用樓宇的例子，調景嶺、坪洲同大澳就係例子，調景嶺就郵局消防局（已拆卸）。坪洲就警崗、郵局同消防局，不過坪洲消防局已搬遷，警崗就改建。大澳就郵局、消防局（舊）同其他部門，唯一大澳就無變過！至於救護車站當年就多數與公屋共用，即係樓上住人，樓下就係救護車站用途，就有秀茂坪救護車站，慈雲山救護車站，白田救護車站等等。不過以上的救護車站都拆卸同重建。至於警署／消防局與私人辦公室共用這個問題，尤其係警署唔係咁好，世界上好多國家都冇咁嘅例子，基本上都係一座警署（警崗除外）唔會同私人樓宇共用！第一保安問題，首先警署有槍械等武器，同要拘留犯人，兩者都要嚴密保安同監控，一定要一間獨立建築物先比較安全，第二一個警區比較多部門，與私人辦公室共用只係得幾層怕唔夠用！

其實堅城0既摩星嶺救護站同柴灣0既興華救護站亦
都係個好例子，前者樓上係消防署宿舍，後者樓上
係公屋。

原帖由 JX9097 於 2013-5-22 02:29 發表
其實可唔可以將警署/消防局樓下起公務員宿舍呢?

油麻地同長沙灣消防局樓上係宿舍

原帖由 exspeed 於 2013-5-23 00:12 發表
油麻地同長沙灣消防局樓上係宿舍

牛池灣都係
小弟意思係可唔可以咁樣發展落去?
反正公務員都要搵地方起宿舍
亦唔怕其他勢力走出嚟話"影響民生"