探討以扣飯鐘錢去懲罰故意碌車車長的可行性

原帖由 Hw2481 於 2013-5-27 08:37 發表
講真,九記有D線時間又唔係好,D車又鎖到咁緊,慳油慳到起步又唔識起,加速又唔識加,仲要係咁捉超速,咁你想Dcarlo點?
係咪真係想carlo轉轉過十幾分都照做,由頭到尾咁直踩呢?司機都係人姐,你都為左自己既利益,咁司機都有 ...

簡單啦,碌車冇合理報告既就要扣錢,搞掂.

定期隨機放蛇監察司機或抽查黑盒,或者在司機位裝cctv。

咁又係，又唔係你揸，d carlo做到死係佢地既事姐，你只不過比小小錢坐果程車姐
如果呢間公司係超速又扣錢，碌車又扣錢，咁不如鋤多日假係屋企休息好過，等公司收多部車唔洗扣錢啦掛

原帖由 Hw2481 於 2013-5-27 10:45 發表
咁又係，又唔係你揸，d carlo做到死係佢地既事姐，你只不過比小小錢坐果程車姐
如果呢間公司係超速又扣錢，碌車又扣錢，咁不如鋤多日假係屋企休息好過，等公司收多部車唔洗扣錢啦掛 ...

身為巴士公司員工,要遵守紀律,確保行車的穩定性和班次穩定,是應份的事.
如果因為要留住班車長而容許作出一些擾亂乘客的事情,咁不如話香港警察要留住差人而容許佢地貪污?

咁呢個的確係應份既事，但而家九記好多車又裝慳油，搞到部車唔識郁咁濟，踩快小小又捉超速，試過有carlo踩51都比人捉，而有d線行車時間嚴重唔夠，咁係唔超速底下以50公里行車又要站站睇下有無客既情況下過鐘，咁算唔算碌車呢？
只想話唔係個個想碌車，但好多係因為九記既制度同車既因素會令到司機唔想快
就好似N122,N260,N281咁，就算唔係多人，踩超速都會過鐘
如果比你係揸果個你仲有無心機去死踩爛踩而結果得返去廁所既時間，定會選擇由佢過鐘之後有牌搞，可以有返d休息時間，只可以話揸果個唔係你，唔會明果種辛苦，而班次既穩定性唔單止係司機既責任，公司都有責任，行車時間不足可以加時，薪金，福利，而家月薪車長過低已經令到工作既熱誠減低，試問咁既工作環境又會唔會工作愉快呢，而制度問題上，新巴除左食飯時間之外仲有茶點時間，而見主任係車長係放假或得閒去見，而新城係用工作時間去見，兩者既不同已經足以影響員工對公司既工作熱誠

[ 本帖最後由 Hw2481 於 2013-5-27 12:03 編輯 ]

原帖由 Hw2481 於 2013-5-27 11:59 發表
咁呢個的確係應份既事，但而家九記好多車又裝慳油，搞到部車唔識郁咁濟，踩快小小又捉超速，試過有carlo踩51都比人捉，而有d線行車時間嚴重唔夠，咁係唔超速底下以50公里行車又要站站睇下有無客既情況下過鐘，咁算唔算碌車呢？
只想 ...

好似101咁,點解新記班車長踩到死咁滯返到裕民坊落車去個洗手間就即刻上客開車走,但九巴班車長就永遠同你漫遊(晚上10點後就踩到盡)? 大家都係得65分鐘行,擺到
明過硬鐘!

另一例子就係263M,班單層車長都唔知係咪腳抽筋,架車去到30KM/H就縮,結果呃到成個幾鐘一個單.

仲有一個例子就係44,由於青衣村冇站長,有些6叔返到青衣村唔打卡,等過鐘先再打卡,避免青衣城站長要佢地提早開車,結果每個星期日既開車時間都可以唔同.

所以話公司制度問題，公司都要負責任，唔可以成日都針住carlo，點解新記食完飯仲有茶點時間九記無，點解新記見主任係用工時去見九記要自己時間去見，咁係咪已經有兩間公司對員工既分別出左黎，而都可以見到點解九記果d會碌，而你都講到新記果d死[踩]爛[踩]，以我所知新記果邊唔會點捉超速緊係踩，九記果d得閒就捉你超速扣錢點同，收工就緊係個個人都快啦

九巴既話  如果

你有足夠理據   同埋投訴係合理既話 (例如綠燈停車  後車不合理地追上)

可以打27454466投訴  並記低熱線員名字及參考編號  要求回覆

呢度有人灣岸上身啊~~~

攪清楚,全香港道路唔係九記專用,當其他車冇到?就算全香港道路係九記專用,
咁多兩蚊客,快D都碌低,仲踩黎托,車長點會用自己份工甚至係D分黎滿足各巴迷速度慾....?


想都唔好想~~

認同，碌車安全踩好多，打份工唔洗搵命博，安全慢慢黎又一day咪幾好，但又一個問題如果本身係果個carlo手車唔得，又唔知算唔算碌呢？