伊利沙伯醫院可能重建 部分設施及服務或遷至啟德

政府新聞稿:
食物及生局局長談伊利沙伯醫院重建及私家醫院收費（只有中文）

--始終伊利沙伯醫院部分設施已很殘舊, 政府都應該考慮重建了.

另一方面,廣華亦會重建,

其實有冇諗過平均地重新分佈九龍中醫院地點,現有QE同廣華以救護車車車程計講緊差5-10分鐘車程...

而且九龍城+啟德陸續發展,再加上原先黃大仙未有全科醫院,對油尖旺區黎講,2間重點醫院應該要拉遠番距離,順道覆蓋未受全科/急症醫院區分,...

或者廣華將日間護理方面原址保留,其餘搬上QE現址,現有QE搬去啟德,做一個醫療中心....

九龍中聯網龍頭是伊利沙伯醫院, 如果將廣華醫院從九龍西聯網剔出, 撥入九龍中聯網較為可取,
始終九龍中聯網蜀中大將只得伊院, 反而九龍西聯網仲有瑪嘉烈醫院能夠擔得起龍頭地位,
而即將落成的北大嶼山醫院也是屬於九龍西聯網, 醫療設備和專科等硬件配套也會與日俱增.

反觀現時九龍中聯網在這方面只得伊院較為全面, 鄰區如九龍東不設服務的專科也會被轉至伊院,
增加其負荷, 除了考慮到伊院與廣華在地理位置上非常接近, 當有突發事故發生時易於協調,
九龍醫院在聯網內提供到的服務和功用有限, 如能將其功能完全改為復康和護養, 服務對象為現時
九龍西.中.東聯網所有病人, 相信有一定效用.

小記:
一年前, 有次由西區搭113去花墟會友, 坐到西營盤有位婆婆上車, 走黎我隔離坐, 問我去廣華醫院邊度落,
我當時第一個反應唔係諗教佢邊個站落車, 而係心裡打左個突, 心諗點解港島西居民要去廣華醫院覆診,
要長途跋涉坐架113仲要唔係醫院門口附近落車! 最後我有指示佢響維景酒店落車, 仲同佢講落車之後
行番轉頭大概15分鐘就到. (如果佢響巴士站撞到我, 會叫佢搭104)

可想而知, 通常身處聯網沒有提供的專科, 會被轉介至鄰網, 例如小弟家母的九龍東聯網內沒有神經外科
而被轉介至鄰網(九龍中聯網)的伊院睇症.

另外, 如將廣華醫院轉撥往九龍中聯網, 巴士公司可能要將部份九龍東路線改行窩打老道, 不知這是否
開辦經窩打老道的觀塘<>西區西隧線的誘因呢?!

廣華基本上已落實重建﹐在未完成之前﹐QE 都唔會急於重建或大規模番新﹐甚至服務調整(吸納廣華重建時的服務外)。

此舉以免同區2間醫院同時有工程﹐重大影響醫療服務﹐出現應付唔到需求。


而新聞所講﹐係有計劃重建QE﹐但暫時未有計劃係搬去啟德﹐分拆服務去啟德﹐還是保留QE兼啟德再加新醫院﹐更加係無講幾時會落實重建。

作為市民﹐亦唔需要而家去想日後安排。因為起碼要等廣華重建完﹐QE 才會有機會重建/番新/重整服務﹐介時可以係十年八載之後的事﹐到時啟德一帶的建設應該都大致完成 (或者規範唔會再改)﹐那時點去安排可能易決定過而家。
只要黃大仙連同啟德及附近地區﹐一帶人口達標﹐便可以加建醫院﹐到時便未必會用「搬」QE方案﹐可能會用重整服務﹐同時借機大番新/重建。

... 其實點解唔一早喺啟德起定間？

原帖由 238X 於 2013-6-2 10:38 發表
... 其實點解唔一早喺啟德起定間？

因為之前一直以來只計劃過興建兒童專科醫院（兒童專科卓越醫療中心），而於2007年的施政報告亦曾建議興建神經科學專科卓越醫療中心，但是似乎已沒有下文了。

原帖由 hkaiw 於 2013-6-2 14:57 發表

因為之前一直以來只計劃過興建兒童專科醫院（兒童專科卓越醫療中心），而於2007年的施政報告亦曾建議興建神經科學專科卓越醫療中心，但是似乎已沒有下文了。 ...

應該是由啟德規劃改變導致, 記唔記得啟德本來主要發展什麼?

舊機場本身規劃主要唔係用來起樓, 而啟德醫院用地本來已經響度, 計及起動九龍東帶來額外的通勤人口, 將來實際人口比原定計劃大幅增加,
如果唔趁啟德有塊醫院用地起一間全科醫院, 或者重整九龍各聯網的服務, 將來九龍中醫療服務勢將受到極度嚴峻的考驗.

故此, kei_hk兄話等廣華醫院十年八載後重建完成, 啟德大致發展完畢後, 再諗解決辦法根本無可能, 因同時要面對人口增長和人口老化
對醫療服務日益增加的現實.

啟德醫院用地發展兒科中心實現當初願望係可以, 但更迫切要做的是解決服務龐大人口的伊院(甚或整個九龍中聯網)資源不均/短缺問題.

另外提到廣華醫院重建, 病人應該是先被轉介到聯網內其他醫院診治, 網內沒有該專科的才會轉介至鄰網.

廣華重建期間, 急症室會繼續維持服務, 所以如有急症人士需要轉介至專科, 應該係先轉介至明愛和瑪嘉烈, 除非自行到急症室求診者
由以往去廣華轉為去伊利沙伯, 故此後者醫護人員的工作量應不會大幅提升.

原帖由 kei_hk 於 2013-6-1 22:57 發表
廣華基本上已落實重建﹐在未完成之前﹐QE 都唔會急於重建或大規模番新﹐甚至服務調整(吸納廣華重建時的服務外)。

此舉以免同區2間醫院同時有工程﹐重大影響醫療服務﹐出現應付唔到需求。


而新聞所講﹐係有計劃重建QE﹐但暫時未 ...

而家QE同KWH根本唔同cluster，就係廣華重建主要都係瑪嘉烈(最主要，因為佢係九龍西聯網龍頭大院)同明愛接收

原帖由 EX-TL 於 2013-6-2 20:48 發表

應該是由啟德規劃改變導致, 記唔記得啟德本來主要發展什麼?

舊機場本身規劃主要唔係用來起樓, 而啟德醫院用地本來已經響度, 計及起動九龍東帶來額外的通勤人口, 將來實際人口比原定計劃大幅增加,
如果唔趁啟德有 ...

根本就應該該重畫cluster去平衡各聯網人口數字(尤其九龍西/中/東)，不過咁又會去到資源分配問題，既得利益者未必贊成
單睇聯網人口九龍中已經係最細，但長期QE都overload，或者將廣華畫番俾九龍中會有改善

[ 本帖最後由 cheungtszfung 於 2013-6-2 22:43 編輯 ]

兒科醫院在九龍灣海邊祥業街

[ 本帖最後由 ksmbh 於 2013-6-2 23:04 編輯 ]