九巴路線派車禁令兩問

1. 以前久不久會聽到話九巴部份路線不能使用12米的尾轆車，但現在可以經常見到這些車輛行走例如35A、68X等路線，究竟是因為以前派車政策過於保守？還是現時路面情況有改善呢？
2. 為什麼臨近退役的巴士不能行走途經高速公路之路線呢？

2. 有關禁令近一、兩年已經名存實亡，73X 兩架 GP 豪仲係度日日跑吐露港公路。

2.現在62X有一部GR牌3AV作掛牌。

城隧印象中唔係高速公路

原帖由 kiwks-616 於 2013-6-10 10:04 發表
城隧印象中唔係高速公路

正解

記得一開波個陣個禁令真係做到好足 , 連柯打都唔可以出續命車 (e.g 40 柯打 219X)
不過過左一兩年就

原帖由 3AD170 於 2013-6-9 22:37 發表
1. 以前久不久會聽到話九巴部份路線不能使用12米的尾轆車，但現在可以經常見到這些車輛行走例如35A、68X等路線

聽聞菲林明道同百福道都有同樣嘅禁令

但係新巴日日有尾軸車
而905都係晚晚有...

我估除了一些地理/環境真係行唔到之外(例如鑽石山荷理活廣場﹐ap 行得快會抄底 ; 51要指定用車﹐這些係真正的禁令)﹐禁令多數只是盡量避免派相應的車行走﹐並非真係唔用得這些車。
以前車輛數目多﹐咪可跟足這些 "指令"﹐唔夠車咪要有車便要用﹐唔通真係玩收車咩。

唔派尾驅車行某些路線﹐都只係轉灣唔夠中驅車靈活﹐所以便落order優先派某一類車去行這些線﹐方便司機好過。此情況唔係話尾驅車行唔到﹐可能只係偷位偷盡一點﹐又或者唔習慣部車要倒車才可轉某些灣。


而快夠17年的車唔可行高速 (定係over 18年的續命車)﹐以前有人影過九巴的派車通告post過出來﹐不過張通告無講原因的。有說係運輸處唔容許﹐亦有說係九巴內容唔想批車行高速﹐又有人講保險唔包﹐但係到現在都無人講到/証實到真正的原因。

原帖由 kei_hk 於 2013-6-10 14:39 發表
我估除了一些地理/環境真係行唔到之外(例如鑽石山荷理活廣場﹐ap 行得快會抄底 ; 51要指定用車﹐這些係真正的禁令)﹐禁令多數只是盡量避免派相應的車行走﹐並非真係唔用得這些車。
以前車輛數目多﹐咪可跟足這些 "指令"﹐唔夠車咪要有車便要用﹐唔通真係玩收車咩。

唔派尾驅車行某些路線﹐都只係轉灣唔夠中驅車靈活﹐所以便落order優先派某一類車去行這些線﹐方便司機好過。此情況唔係話尾驅車行唔到﹐可能只係偷位偷盡一點﹐又或者唔習慣部車要倒車才可轉某些灣。


而快夠17年的車唔可行高速 (定係over 18年的續命車)﹐以前有人影過九巴的派車通告post過出來﹐不過張通告無講原因的。有說係運輸處唔容許﹐亦有說係九巴內容唔想批車行高速﹐又有人講保險唔包﹐但係到現在都無人講到/証實到真正的原因。

先講下你指出17年車唔行公路的可能性~~事先聲明, 小弟並不知道實情, 只係憑一些客觀的事實去分析~

1. 所謂既高速公路, 照計城隧, 甚至尖山隧道既九龍出口都已經算係高速公路 (車速限制80km/h或以上), 當然, 如果九巴自己有另一套
計法, 咁就另計啦~

2. 既然高速公路的定義很有可能並不是跟法例上的定義, 咁就講唔通保險包唔包呢個問題~ 況且, 只要部車獲發牌行走, 保險係一定要包, 即使行錯路亦然~
只係呢d情況下保險公司可能有reduced liability, 同返巴士公司拆掂佢~ 更何況, 九巴既保險係自己承保的, 所以大部份關於保唔保既問題, 都可以說是
較為冇可能~

3. 九巴唔想批車行高速, 一來批車安全標準都係十幾年前, 有咩事又會好似早年咁俾人大做文章~ 加上車齡較高既車, 壞車率都可能較高,
係公路出事就比較麻煩而且風險較高~

4. ,運輸處唔容許既說法, 可說是不攻自破~ 不用說太多啦~不然就是巴士公司鑽空子, 運輸局監察不力了~

我自己這樣看 :

部車要壞的話﹐行市區流水線定係高速都係會壞﹐會唔會行高速比率較高﹐九巴內部統計過才知道。
這是我唯一比較相信的可能性。但比率較高﹐係唔係足以令九巴唔派這一些車行高速公路。相差一年的車﹐情況又係唔係有大變化?

其他的﹐政府唔容許行高速﹐老實講除非比我看到行車証/牌簿等文件有註明﹐否則我係唔會相信的。
事關非專利車都無此限制﹐點解會獨特地限制專利車?

保險問題﹐除非政府真係有限明部車唔可行駛某些地方﹐否則保險又點會此失效。(此句套用非九巴的情況)
而九巴的保險由自己負責﹐原則上亦唔會關係到保險唔包的問題。因為正常情況﹐當第三者保險失效﹐又遇到要賠償﹐便會由車主負責﹐車主及保險都係九巴﹐又點會有問題。(ps. 以前九巴係用九巴保險部﹐而家有無分拆出來做保險公司﹐我唔清楚)

車的安全標準﹐仲好笑。城巴的非專利車成日行高速公路﹐咪仲危險過九巴的17/18年車


所以﹐除了九巴內部統計出故障率的因素外﹐我想不到點解會有這些限制。
認真的講﹐以前討論的時間﹐其他人講出我上面提出的可能因素﹐我都唔信部車唔可以合法/有保險的情況下行高速公路﹐只係信相關通告只是內部派車的"安排"﹐而非有真正的"禁令"。

[ 本帖最後由 kei_hk 於 2013-6-10 16:21 編輯 ]