九巴鬼祟 班次被消失

其實692跟本唔使全面取消
保留上繁6-10出中環, 下繁6-11入將軍澳
去程跟692P跟行, 北角至銅鑼灣請搭地鐵
回程興發街上橋, 坑口居民覺得無用可以擺尚德/ 彩明
星期日可以學而家268B咁, 始終較多老人家/小朋友上落

原帖由 ctb8107 於 2013-6-16 13:06 發表
強烈反對692取消！

注意

請勿灌水

admin26

原帖由 PB602 於 2013-6-16 16:01 發表


其實你回緊咩？


如果你想講692同18，我會講呢個正正就係政策下既悲劇。將軍澳路面交通過海客量下降，根本一早就應該用小巴取代巴士。如果當初可以透過擴大18港島區服務範圍去取代692，就唔需要搞到今日咁，小巴取消，之後巴 ...

可以塞滿架小巴，但唔等於做得住，
小巴如果路程長，車費唔高，回車又慢，無流水客，根本係無咩可能維皮。
如果照收返 $13.4，一架小巴載盡 16 個客一單先收得 $214.4，隧道費已經要 $41，得返 $173.4，車程 20 公里氣費成舊水，即係得返 $70 收入，仲要俾司機人工，點維持？
如果你係獨市生意，都仲話「社會責任」，但打殘 692 的係更平更快更密既港鐵，仲有咩好講？

18 個 case 根本唔會有人肯接黎做，因為蝕，
你要佢食埋 692，即係要呢條蝕緊既線再加車，只會更蝕，而且要 18 食埋 692，即係比 692 更長途，亦唔會有人搭。
有時唔係運輸署唔俾小巴做，而係小巴根本承受唔起呢o的蝕爆線，有時講就好易巴閉好理想，但現實係經營唔到。

同樣又係適用於 268B 個 case，
你放小巴行晒 268B 原路都無用，佢車費收返 $17.7，一單載滿車費收入先得二百幾，路費都 $100，根本做唔到落去。
依家元朗出佐敦小巴收二十幾蚊一位仲要做流水先做得掂，上公路根本生存唔到。

[ 本帖最後由 3ASV174 於 2013-6-16 16:37 編輯 ]

原帖由 PB602 於 2013-6-16 15:44 發表
嘩，公共交通服務要玩到要熟客先識搭，而家咩年代？中華巴士？

咁大枝站柱掛張細細粒字通告就想免責？放張顏色紙A3 Size通告，大大字寫明更改服務時間，其實又有幾難？ ...

一般巴士服務改動，通告都只會掛兩三星期，
之後有咩都係睇豬紙，張通告無可能永遠o係度。

對比以前既九巴通告，
依家既格式已經簡潔易明好多，你搭車個巴士站有張通告，望下係咪講你搭條線先決定睇唔睇落去，都唔會好阻大家時間吧。

如果好日都唔搭，真係唔可能保證條線o係你上次搭同你今次搭中間無做過任何改動，
搭車前先望下張豬紙，好辛苦？

原帖由 ctb8107 於 2013-6-16 15:37 發表
你講呢句證明你一係唔係人，一係唔係熟將軍澳，唔該你下次話692冇客之前搭一次692睇清楚先！先生，你唔搭唔代表將軍澳人唔搭。

692 咁掂的, 駛鬼比人減到二十分鐘一班, 載客率一直偏低?
無謂作垂死掙扎啦, 692 咁的死款, 死遲十年已經皇恩浩蕩,
有港鐵, 仲要692?

每一區總有人想有選擇權,唔想港鐵獨佔,但巴士係專營,低客量自然取消,否則浪費資源/製造污染。

今時今日互聯網咁發達,仲有智能手機可上網,乘客為何在站頭等時,唔上網睇九巴官方網頁,睇下路線有無取消呢?268B已經在5月中講咗削減服務,貼曬通告,啲投訴客究竟係唔係268B常客,睇都唔睇通告?
現在東方連濕碎野當新聞,變相鼓勵無理投訴,之前佢仲報道大陸遊客來港暢泳會整污泳池沙灘,但香港人唔會嗎?總之東方報道好偏頗,不睇也吧!

[ 本帖最後由 groom1002 於 2013-6-17 10:06 編輯 ]

其實出左通告之後，九巴有係 268B 沿線掛一張放大左既通告畀各位乘客大大睇，奈何呢個世界實在有好多文盲同低頭族。
我試過一次平日下晝 5 點鐘係紅磡搭 269B 入天水圍，沿途望到個個站都有人係到排緊 268B，諷刺地佢地前面都有張放大版既通告。
我見到咁既情況都打左去九巴，想佢地再加多啲通告，而九巴亦好快做到野。
近日又係差唔多時候搭 269B 入天水圍時，又係見到有人排緊 268B 條隊。我真係唔知佢地係真係咁得閒諗住等到 6 點先坐 268B，定係想挑戰自己既耐性喇。

原帖由 張偉沖 於 2013-6-16 16:38 發表


692 咁掂的, 駛鬼比人減到二十分鐘一班, 載客率一直偏低?
無謂作垂死掙扎啦, 692 咁的死款, 死遲十年已經皇恩浩蕩,
有港鐵, 仲要692?

692 呢舊大毒瘤， 根本應該盡快消滅， 將資源調去開將荃線！

原帖由 3ASV174 於 2013-6-16 16:34 發表
一般巴士服務改動，通告都只會掛兩三星期，
之後有咩都係睇豬紙，張通告無可能永遠o係度。

對比以前既九巴通告，
依家既格式已經簡潔易明好多，你搭車個巴士站有張通告，望下係咪講你搭條線先決定睇唔睇落去，都唔會好阻大家時間 ...

而家香港好多人一係文盲,一係通告都懶得睇
根本唔關九巴d通告事
你試下4點幾去美孚巴總睇下6條坑就知
轉左咁耐,大大份通告寫到明都仲有人4點幾5點走去美孚巴總等6
有時仲成條龍排隊tim