乘客不肯儘量行入車廂的迷思

其實真係好睇條線本身客流係點，
我搭 98A 返工放工，基本上每日總有最少一程係頂閘有人上唔到車，
但好似 98A 咁，出觀塘 apm 同程秀暉樓都係大站，之前既站都唔會有幾多人落車，但一停就頂閘車都會落半車客，班客就會好願意企到最入，
雖然中間可能都唔會企到好逼，但肯企到最入就好唔同，
好明顯大家肯企到最入，係因為大家都知去到呢兩個大站，你企幾入都一定好順利落到車，連逼出去都唔使，因為好多人都一齊落。

但有o的流水線，架車不斷有人上落，但架車 keep 住有咁多人既話，企得後你真係好難逼返上去落車，
如果有座位客要落，都要讓得好辛苦，呢類線班客自然唔會肯企咁入。

其實又話走廊窄又話坐位乘客落車讓黎讓去咁多理由
我相信如果落車門改為設於車尾
到時走廊幾窄，要點讓座位乘客落車都好，對貴客黎講都唔再係問題

只可惜暫時未有此種設計巴士的成功例子

原帖由 kks 於 2013-6-16 14:40 發表
其實又話走廊窄又話坐位乘客落車讓黎讓去咁多理由
我相信如果落車門改為設於車尾
到時走廊幾窄，要點讓座位乘客落車都好，對貴客黎講都唔再係問題

只可惜暫時未有此種設計巴士的成功例子 ...

加尾門根本無意思，
如果加尾門，驅動軸都會令走廊只有 1 個人身位咁闊，企到人都無人可以行得過，
而且機件會佔用更多車廂空間，令載客量下降，結果可能係架巴士載客量用盡，但每架巴士就同依家班客唔企入去一樣載咁多人，有意義嗎？

與其話乘客唔企入去令巴士載客量用唔盡，不如話依家巴士企位限額都不設實際，
好似 ATENU2 打後咁改用窄凳，企位面積增加就話可以比 ATENU1 企多 2 個人，根本就低能，3 排凳長度既走廊闊左幾 cm，會令架車可以載多 2 個人？
o個 2 個人可以薄切幾份再平均分落去闊左o個幾 cm 走廊空間嗎？倒頭來咪就係企附近o個幾個客每人企位空間多左 2 隻手指位咁多。
企位限額本身不合理，載客量當然無可能用盡。

是否建議巴士公司購入雙落車門巴士?令企得入乘客無需上前至落車門落車,加快落車速度。

其實好似城新富豪巨龍咁下層水塘 + 橫位
空間多左D 人自然肯行入去多D

呢個心態主要因為空間感既問題,
試問有邊個想企起一個阻人出入既地方
你話橫位, 睇落都叫有個轉身位避一避,
最多都係整到人對腳,
面對面果啲你挨過啲已經係人地個肩,
大家都係免除尷尬啫

唔肯企入去，整闊d走廊,都唔會企入去!
增加巴士載客，最好就係增加座位

基本上沒有其他辦法，就是加強宣傳及社會知識

現在在地鐵不讓坐，就會被拍照上網批鬥，
如果之後不走入車廂會被拍照拍片批鬥，即可改善問題了

一兩個人企係出面，已經夠Block左條走廊令冇人可以企入去，冇其他方法

原帖由 groom1002 於 16/6/2013 17:33 發表
是否建議巴士公司購入雙落車門巴士?令企得入乘客無需上前至落車門落車,加快落車速度。

雙落車門哩樣野係熱狗嘅年代已經有啦

原帖由 3av188 於 2013-6-16 19:34 發表
基本上沒有其他辦法，就是加強宣傳及社會知識

現在在地鐵不讓坐，就會被拍照上網批鬥，
如果之後不走入車廂會被拍照拍片批鬥，即可改善問題了

一兩個人企係出面，已經夠Block左條走廊令冇人可以企入去，冇其他方法

218580 ...

其實個個有得揀都唔想企入車廂後面
我就唔覺有咩值得批鬥

正如地鐵都有唔少人鐘意企係門邊既位，都有唔少人唔肯行入車廂內