九巴車長 良好服務獎$18.93

如果呢個係唯一年終花紅/bonus之類既話
咁就都幾抵鬧, 一係你就唔好比, 比就都多D啦
建議設立下限, 每人最少$500之類

如果另外仲有其他年終花紅/bonus的話
咁就算數啦, 比多D你仲想點
大不了咪司機們集體將獎金比工會, 再比番食死貓果D司機囉

原帖由 kei_hk 於 2013-6-17 16:15 發表


但某程度上﹐九巴沒有因為扣了員工的安全獎金而落自己袋﹐而係分給所有司機﹐都算係合理的。

而每個月﹐每一司機都有安全獎金﹐無意外便可收取。換句話說﹐這$18.93可以當係年尾花紅囉。 ...

下, 咁都叫合理?

你一係就唔好比, 一係就比多D, 十幾蚊, 茶記一餐飯都食唔到啦.

我又咁睇，雖然我成日鬧九巴，但我今次要讚九巴做事均真。

司機被扣安全獎同服務獎，九巴大可以袋袋平安。公司拎番出嚟分，都係以示公正，證明公司唔係胡亂扣錢，因為扣咗最後都係大家分，公司唔會因此而得益，出發點好好。

要鬧嘅係個名，叫咩「服務獎」但得十幾蚊，真係笑壞人。我覺得不如將服務獎同安全獎D錢撥入一個基金，然後用嚟資助員工康樂活動，或喺廠搞個大食會食咗佢仲好啦。

如果嗰年真係又安全服務又好，因此無咩人被扣錢的話，就一於揼大老闆何先生心口出多少幫補下（伙記做得咁好老闆都要識做啦）。

原帖由 張偉沖 於 2013-6-18 01:47 AM 發表


下, 咁都叫合理?

你一係就唔好比, 一係就比多D, 十幾蚊, 茶記一餐飯都食唔到啦.

講真﹐九巴又真係可以把這筆錢收起落自己袋。
但九巴無這樣做﹐因為這筆錢已經係"已出之物"﹐集中所有被扣的獎金﹐再平均發給司機們。
至於分到幾多﹐真係睇下司機們之間有幾多侶稱"害群之馬"(服務未如理想或無辜被屈的司機)﹐越多人被扣﹐咪個彩池越高﹐每人便越分得多。

你叫九巴加多筆錢去補貼﹐九巴真係未必肯﹐事關一做了此先例﹐以後都要做﹐令成本有所增加。
你叫九巴把這筆錢去做其他事﹐例如員工活動﹐又會因為有些員工要返工而無法參與﹐之後又要煩有剩/要補貼的問題。
倒不如每年定時平均分給所有司機好過﹐大家不用煩﹐當係額外獎勵好過。

原帖由 張偉沖 於 2013/6/18 01:47 發表


下, 咁都叫合理?

你一係就唔好比, 一係就比多D, 十幾蚊, 茶記一餐飯都食唔到啦.

講明個機制係咁, 計算出來係得咁少, 就係咁少, 呢個係一個客觀計出來的數字, 多與少和合理與否冇關係嗰噃。

當然, 大家都提到一啲優化方法, 例如改名, 或者改為資助員工活動/福利, 或者我都提議下可以好似車費可加可減咁, 你嫌少錢就帶落下一年, 儲大舊啲錢至一次過派。

我都覺得九巴做法無問題.... 老實講，資助員工福利（例如幫員工休息室添置設備）係九巴的責任，
你用筆錢去做資方本來自己俾錢做開的野，一樣係等俾人鬧.... 直接散晒佢似乎係最直接最少爭議的方法。

我反而奇怪，投訴風氣盛行，個彩池一年先得 $45000.... 其實扣錢個門檻都唔低.....
(如果高層表現唔好有得扣花紅分俾員工，呢個制度應該會更受歡迎 )

其實個「彩池」制度本身都可以接受
但係交通意外唔關個車長事都要扣錢就真係有啲問題啦

原帖由 流星☆雨 於 2013-6-18 20:06 發表
其實個「彩池」制度本身都可以接受
但係交通意外唔關個車長事都要扣錢就真係有啲問題啦

件事未調查清楚前係會扣錢既
但如果調查完係唔關司機事 , 會補返比佢