一半港鐵車長 開車玩手機睇書

老實講，唔好講司機，香港既打工仔有時專心既時候，都唔會發覺有人企O係後面，或有D野O係你左手面。何況︰
1. 環境昏曙
2. 就算車速唔快，都唔係0 km/h (坐定定都未必睇到)
3. 相對下，一條屍體，而且在地上，可以「小」到察覺不到。
4. 專心駕鐵路者，眼應望前方，亦不會dup低頭。大吉利是講句，如有鐵路意外發生或要睇訊號燈，所需要看的物件都是視線的水平線。

所以，我覺得睇唔到唔出奇啦！………

香港電台報導;
運 輸 署 敦 促 港 鐵 跟 進 車 長 被 指 行 車 時 看 書

港 鐵 ： 若 車 長 違 反 指 引 　 按 內 部 程 序 處 理

--駕駛時還是留意路軌及月台吧.

原帖由 lsc04d11 於 2013/6/17 20:29 發表
老實講，唔好講司機，香港既打工仔有時專心既時候，都唔會發覺有人企O係後面，或有D野O係你左手面。何況︰

想問一下, 你口中的「專心」係「專心揸車」, 還是「專心發夢、玩手機 iPad、看書」, 還是 ... ?

如果你想講係「專心揸車」, 咁唔知「專心揸車」, 包唔包括專心留意眼前的一切情況, 包括前路路軌的情況?

1. 環境昏曙

晚間是有車頭燈照明的, 當然它效用有多大我不清楚。

2. 就算車速唔快，都唔係0 km/h (坐定定都未必睇到)
3. 相對下，一條屍體，而且在地上，可以「小」到察覺不到。

下面提及望「水平線」, 一條屍體是不是「水平線」視線範圍? 冇人叫你「dup低頭」噃, 你專心望的話, 在遠處應該已開始望到。

同埋一個人的屍體也不是太「小」吧, 難道它是卡通裡被碌扁的傻豹嗎?

4. 專心駕鐵路者，眼應望前方，亦不會dup低頭。大吉利是講句，如有鐵路意外發生或要睇訊號燈，所需要看的物件都是視線的水平線。

眼應望前方, 但不望路軌?

或者如有當東鐵線車長的站友, 可以講解一下, 揸東鐵車, 除咗望「訊號燈」, 其他「水平線」的事物, 望前方路軌路軌情況是不是有需要的?

或者呢位板友和 kei_hk 所說都係現實, 不過我作為乘客聽到就有啲驚啦。記得參觀九鐵廠時見過模擬駕駛, 佢久時久會整啲樹枝呀狗呀落路軌考你反應, 但現實告訴我, 原來比樹枝比狗大的人體原來都是看不到的? 或者大家覺得人係血肉之軀, 撞到都冇咩嘢吖, 但係今次係人體, 下次係差唔多大小的金屬硬物, 可能引致出軌, 你都睇唔到的? 話時話, 今次事件, 涉事列車的「部份摩打蓋失蹤」, 你們認為真係距離重大事故很遠嗎? 早點發現「異物」, 早點發現埋呢個「摩打蓋」, 危險才可排除啊。

無記錯東鐵列車極速係120km/h。如果有人仲覺得火車單意外，車長睇唔到有人體0係路軌係合理。

北大嶼山公路合法限速係110km/h，咪試下搭的士坐車頭，或者自己楂車。
油門唔覺意踩深小小、落緊暗斜或者趕時間心急，都好容易超少少到百二（只係講實際情況，唔係鼓勵違法）
睇下行到舊幾，係咪真係咁難睇前方有乜物體囉。
專心駕駛的話，莫講話人頭丫，磚頭咁細都唔難望見。

再講埋開到百一二果下輾過異物，會有幾嚴重後果，都唔需要再多講。

[ 本帖最後由 s3n370 於 2013-6-17 22:46 編輯 ]

原帖由 syp 於 2013-6-17 10:08 PM 發表


想問一下, 你口中的「專心」係「專心揸車」, 還是「專心發夢、玩手機 iPad、看書」, 還是 ... ?

如果你想講係「專心揸車」, 咁唔知「專心揸車」, 包唔包括專心留意眼前的一切情況, 包括前路路軌的情況?



晚間是 ...

師兄，唔好講到開車咁容易
夜晚路軌無街燈，能見度其實真係好低
頭燈照既範圍有限，唔會多過半卡車
就算有頭燈照，大部份物件都只會光少少，
要清楚見倒野，真係要頭燈照到正先得
不過頭燈就得兩個，你估有幾多野真係照得清楚？

市區線全日既情況都同夜晚無分別
一入隧道就黑哂，能見度可能仲低過東鐵

仲有，唔係個個車長上車都會玩電話
呢篇新聞只係影左一個鐘，姐係一轉車都無
唔好一野就下定論話所有人都係咁
咁樣講對認真工作既車長係好唔公平

[ 本帖最後由 111 於 2013-6-17 23:16 編輯 ]

關於晚間視野，2010年搭過阪急由神戶返梅田，我「前面展望」，其實只係隱約照到兩條軌條，
沿路最明顯的物體係訊號燈，而當前面有踏切（平交道），臨落閘前通過的車輛、行人都好難見到。
在這頻密開行特急、急行及人手操作的幹線，晚間行車的最大倚靠就只有訊號燈。
所以東鐵個case，在非車站範圍，周圍黑麻麻，第一部車見唔到人唔出奇，之後的車見唔到「物體」就更加唔稀奇。

[ 本帖最後由 DIH 於 2013-6-17 23:16 編輯 ]

原帖由 111 於 2013-6-17 23:13 發表

師兄，唔好講到開車咁容易
夜晚路軌無街燈，能見度其實真係好低
頭燈照既範圍有限，唔會多過半卡車
就算有頭燈照，大部份物件都只會光少少，
要清楚見倒野，真係要頭燈照到正先得
不過頭燈就得兩個，你估有幾多野真係照得清楚？

市區線全日既情況都同夜晚無分別
一入隧道就黑哂，能見度可能仲低過東鐵

小弟未楂過列車，但多次試過黑夜在海外完全無街燈的快速公路駕駛/領航的經驗。

要睇到障礙物根本唔需要完全見到哂件野，一見到反射返黎的光同正常路面有D唔同，正常就應該下意識地提高警覺，要收慢甚至停車。

路軌比道路更單調，如果專心駕駛都見唔到路軌異物，就更加不可思議。更何況輾過咁大件野，列車會跳動？

[ 本帖最後由 s3n370 於 2013-6-17 23:56 編輯 ]

原帖由 111 於 2013/6/17 23:13 發表
師兄，唔好講到開車咁容易
夜晚路軌無街燈，能見度其實真係好低
頭燈照既範圍有限，唔會多過半卡車
就算有頭燈照，大部份物件都只會光少少，
要清楚見倒野，真係要頭燈照到正先得
不過頭燈就得兩個，你估有幾多野真係照得清楚？

其實我都唔會認為夜晚啲嘢好「清楚」, 不過有時路軌多了「異物」, 在頭燈照射下會有「異常陰影」, 在「專心」的情況下, 似乎係應該留意到。

車外當然係黑, 但如果駕駛室內都夠黑, 你瞳孔係會放大, 見到啲嘢更清楚。不過正如有站友講, 你走去開駕駛室的燈, 當然就另計喇。

仲有，唔係個個車長上車都會玩電話
呢篇新聞只係影左一個鐘，姐係一轉車都無
唔好一野就下定論話所有人都係咁
咁樣講對認真工作既車長係好唔公平

雖然我的確非常懷疑兩小時內都冇人發現路軌「異物」係有啲「異常」, 只不過我並無亦無意「一野就下定論話所有人都係咁」。

我上面之所以咁講, 係追問樓上所講的「專心」係專心啲乜啫。照計你係專心看「前面」情況, 是不會看不到「前面」的突發事情的, 這和他說人們專心工作, 「後邊和左邊」有人你不知道, 顯然情況是不同的。

原帖由 DIH 於 2013/6/17 23:14 發表
關於晚間視野，2010年搭過阪急由神戶返梅田，我「前面展望」，其實只係隱約照到兩條軌條，
沿路最明顯的物體係訊號燈，而當前面有踏切（平交道），臨落閘前通過的車輛、行人都好難見到。
在這頻密開行特急、急行及人手操作的幹線，晚間行車的最大倚靠就只有訊號燈。
所以東鐵個case，在非車站範圍，周圍黑麻麻，第一部車見唔到人唔出奇，之後的車見唔到「物體」就更加唔稀奇。

咁又想問下你當時所在的「阪急」你身處車廂燈光是怎樣的? 我都在新加坡東北線「扮司機」, 因為車廂燈光問題, 唔好話「隱約見兩條軌」, 其實我只係見到自己。不過只要我「哄」埋個玻璃度, 雙手擋埋兩邊的光, 等一陣瞳孔適應了, 其實外面的隧道都唔係太唔清楚的。全黑的隧道也看得見點東西, 何況在香港的戶外夜晚?

(更正: 新加坡東北線隧道有隧道燈)

[ 本帖最後由 syp 於 2013-6-18 00:19 編輯 ]

原帖由 s3n370 於 2013-6-17 11:40 PM 發表


小弟未楂過列車，但多次試過黑夜在海外完全無街燈的快速公路駕駛/領航的經驗。

要睇到障礙物根本唔需要完全見到哂件野，一見到同正常路面有唔妥，例如影子，正常就應該下意識要收慢甚至停車。

路軌比道路更單調，如果專心 ...

老實講
列車既頭燈比私家車既更弱
清楚可見倒既野係一兩米範圍內
同另一位師兄所講既一樣, 頭燈只會穩約照倒兩條路軌
加埋本身控制台, 坐位同車頭玻璃既距離, 會令到可視範圍更加細

另外我地唔係當事人, 根本就唔知o個個人係o係路軌旁邊定係路軌正中間

如果個人著住深色衫, 而又唔係o係正路軌中間,

好大機會佢訓既位置係比車頭車身既柱位檔住左
除非你企起身貼住個檔風玻璃望
否則望唔倒真係唔出奇

http://www.youtube.com/watch?v=rd7by8JdCEM

http://www.youtube.com/watch?v=4uuimeb7Kqo

講咁多其實都好難解釋倒個情況
你睇下上面條片就會知道夜晚既行車情況係點
以上條片已經開左隧道既燈
已經比實際既情況好

[ 本帖最後由 111 於 2013-6-18 00:16 編輯 ]