九巴40號線終於可改成特快

原帖由 張偉沖 於 2013-7-31 23:56 發表

有296C 你唔坐, 係咪抵死先?
唔好同我講話遠, 青山道行去荔枝角道好近架咋.
回程長沙灣道落車仲近.

近寶輪街的青山道同荔枝角道的確一橋之隔咁近，不過沿興華街/東京街/欽州街來往兩條路呢?
可能區外人只睇地圖以為近啦~ 如果有條好似大河道咁嘅有蓋天橋/通道，我係後生仔都唔怕行嘅~
我都唔想repeat又repeat，閣下叫荔枝角/李鄭屋等地乘客行去麗閣坐296C，合理嗎?
運輸署/九巴都唔會咁提替補啦~

原帖由 1181 於 2013-7-31 21:07 發表

深水埗大把兜到無朋友嘅流水線都不乏長途客
例如著名嘅86，86C等都有客
40現時非繁由美孚去觀塘只係45分鐘左右
如果果個「中間區無否決權」，咁拉6D去觀塘
絕對可以唔經彩虹道，因為黃大仙區根本無say
觀塘區有巴士去彩頤同譽港灣，現崇山果邊仲有鐵
深水埗有2D，紅小等，而且觀塘客遠遠多過彩虹道

而以現時大部分客見車就上，果幾毫唔係大問題

1. 地鐵美孚到觀塘半粒鐘唔駛，乜你覺得40要九個字係好快？

2. 講左幾多次，中間區無否決權，但係運吉會把關，
佢地同九巴有晒數據，各自知道地鐵/巴士咩路段有幾多客，
6D彩虹道沿線根本唔近鐵路，亦無一條紅小同6D同路行晒彩虹道，
因此運吉係唔會批6D飛彩虹道的。
就算觀塘多客過彩虹道又點？事實係觀塘有大把替代品，
地鐵同紅小都比40快一大截，end up觀塘<->深水步搭40的人數仲少過彩虹道搭6D的人數。
學你話齋，大部分客見車就上，果幾毫唔係大問題囉。

而且今次運吉肯批40同將荃線上RDP，
其中一個主因就係荃葵往返東九的客，尤其是葵芳搭地鐵去東九的，人數多到傻，
如果深水步觀塘真係好似你所講，無合理替代品的話，你估運吉會唔會批重組？

事實40客量亦真係麻麻，西行上下繁九龍灣窗口位都坐唔滿（同時38/40P/42C都未必上到車）不在話下，
就算東行，非繁亦唔係風生水起，月頭先坐過一次，美孚返九龍灣，
下晝四點幾，成條青山道每個站最多上三個客，石硤尾追到6D，但原來6D都係無乜客。
呢個時段，38單係一個葵興站上客都多過40成條青山道加埋。
咁既話，做咩要又攬40又攬6D？

原帖由 1181 於 2013-8-1 07:30 發表


所以點講都好，呢壇野聽搞到2017之餘
仲唔見得食到佢哋FF既觀荃客

你慢慢對住d飛機搞到2017啦!加油呵.
我地就乜都唔搞啦,等最終安排吧.

只能夠說,重組有得必有失,當初新巴18x開辦,都有好多聲音,甚至有人自組單張反對,但結果你睇,客似雲來,新巴又贏一仗.

仲有,男人大丈夫,做得出唔怕認,既然師兄俾多位板友點相,又有咁多支持者,自己認左係DIPPY哥算囉,至少光明磊落,要理論都強D.
反而閃閃縮縮,又要威,又要戴頭盔,仲唔好,因為得唔到板友尊重.

[ 本帖最後由 FBI2 於 2013-8-1 08:30 編輯 ]

原帖由 hon_son_wilson 於 2013-8-1 00:53 發表


近寶輪街的青山道同荔枝角道的確一橋之隔咁近，不過沿興華街/東京街/欽州街來往兩條路呢?
可能區外人只睇地圖以為近啦~ 如果有條好似大河道咁嘅有蓋天橋/通道，我係後生仔都唔怕行嘅~
我都唔想repeat又repeat，閣下叫荔 ...

欽州街行去荔枝角道仲近囉我想講, 李鄭屋行過去最多都係十五分鐘,
你搭得40 出觀塘都唔會預左快啦下話?

296C 本來就係做深水埗<->觀塘客,
設站好近深水埗最多人的地方, 就係一個好好的替代品.

原帖由 1181 於 2013-1 07:30 發表


所以點講都好，呢壇野聽搞到2017之餘
仲唔見得食到佢哋FF既觀荃客

依家搞巴士重組，唔係普選
唔駛等到2017

你咁有心，唔走上街頭，真係浪費晒
我係40/6D重組度係贊成，亦都明白你既需要

有朝一日閣下走上街頭，記得係度招兵買馬

原帖由 1181 於 2013-8-1 08:35 發表


但720唔夠載，話咁快就有特車救亡
38，42C，40P唔夠載左咁多年，有乜補救？
繁忙時間嚇左幾多黃大仙客落地底又點計

問題係九巴無咁大個頭走去戴咁大頂帽
最終咪好似拉68M咁，根本頂唔順 ...

咪就係要將40 提速救亡囉, 你咁都唔明?

原帖由 S3BL100 於 2013-8-1 01:01 發表


1. 地鐵美孚到觀塘半粒鐘唔駛，乜你覺得40要九個字係好快？

2. 講左幾多次，中間區無否決權，但係運吉會把關，
佢地同九巴有晒數據，各自知道地鐵/巴士咩路段有幾多客，
6D彩虹道沿線根本唔近鐵路，亦無一條紅小同6D同路行晒彩虹 ...

1 個問題講到口都臭，香港大部分地區有鐵路既地方都係鐵路快，點解巴士仲咁多人搭?
搭巴士都係為個位啫，講真45分鐘既車程唔算太耐

講完都係要再講，40下繁例必係深水埗頂閘，仲要頂到去富豪東方酒店
大部分時間下，40出左深水埗，仲有一半客過左譽港灣先落
根本而家 40 青山道->譽港灣打後地區係佔左重要客源，先唔計反方向以及來往荃灣同九龍城
九巴咁樣改40提速實屬不智，到時青山道客媽聲四起都似
要紅小食巴士，咪玩啦運吉

根本觀荃特快係要開新線，而唔係用條無巴士替代品既超級流水線去改