九巴40號線終於可改成特快

原帖由 張偉沖 於 2013-8-1 08:51 發表


咪就係要將40 提速救亡囉, 你咁都唔明?

40提速其實唔夠架，更加要爭取將荃線早日通車，
將部份觀塘半山至葵涌／荃灣的客源分流至該線，才是上策。

原帖由 張偉沖 於 2013-8-1 08:30 發表
欽州街行去荔枝角道仲近囉我想講, 李鄭屋行過去最多都係十五分鐘,
你搭得40 出觀塘都唔會預左快啦下話?

296C 本來就係做深水埗<->觀塘客,
設站好近深水埗最多人的地方, 就係一個好好的替代品.

講到搭40出觀塘為咩呢? 我為求就腳+舒適+平。
李鄭屋行15分鐘過去296C車站會有40咁就腳+舒適+平?

閣下的推論一向有邏輯問題：
「296C本來就係做深水埗<->觀塘客」
但係由李鄭屋去深水埗公園已經比荃灣站去大會堂遠。

「設站好近深水埗最多人的地方」
深水埗唔細，而296C根本不到40原線範圍，唔好混淆視線。

所以296C根本稱不上係「40好好的替代品」

[ 本帖最後由 hon_son_wilson 於 2013-8-1 10:00 編輯 ]

40朝早永隆街可以上二三十人，後面仲要有6D等埋站

同埋長者由李鄭屋去麗閣，起碼要行半個鐘，所以佢地好多都會坐2A/GMB 75

原帖由 HT408 於 2013-8-1 11:01 發表
40朝早永隆街可以上二三十人，後面仲要有6D等埋站

同埋長者由李鄭屋去麗閣，起碼要行半個鐘，所以佢地好多都會坐2A/GMB 75

你成日拎繁時出來講, 非繁咪累鬥累囉.

原帖由 LM1933@641 於 2013-8-1 09:37 發表


1 個問題講到口都臭，香港大部分地區有鐵路既地方都係鐵路快，點解巴士仲咁多人搭?
搭巴士都係為個位啫，講真45分鐘既車程唔算太耐

講完都係要再講，40下繁例必係深水埗頂閘，仲要頂到去富豪東方酒店
大部分時間下，40出左深 ...

巴士多人搭但紅小仲多人搭喎

講左咁耐, 既然你覺得巴士45 分鐘唔耐,. 咁你明唔明點解觀荃紅小排晒長龍?

40 九個字己經係少上落的時間, 多人起上來一粒鐘都唔知得唔得.

原帖由 1181 於 2013-7-31 18:03 發表


呢劑嘢如果無問題就唔駛拖完又拖啦

利申：今次唔係我揾區議員

呢d咪此地無銀lor
無人標明話係邊個
但有人自動利申慌死指明係佢
跟住心虛

原帖由 1181 於 2013-8-1 11:25 發表

非繁38，42C咪一樣唔滿
都攞嚟講嘅

非繁都頂閘嘅晨早加左車

非繁就比較少頂閘，但係邊個話唔滿？

非繁好多時單係荃富街一個站可以將一架坐得廿個客的42C坐滿，已經未計東北葵客倉，
唔少人係因為非繁無40P而行一段路去搭38/42C的

原帖由 張偉沖 於 2013-8-1 11:07 發表


巴士多人搭但紅小仲多人搭喎

講左咁耐, 既然你覺得巴士45 分鐘唔耐,. 咁你明唔明點解觀荃紅小排晒長龍?

40 九個字己經係少上落的時間, 多人起上來一粒鐘都唔知得唔得. ...

我自己不嬲支持觀荃
不過已經知道觀荃佢地睇到尼緊前景會越尼越暗淡

只要40轉左直通車之後
老繁時間佢地至少大機會冇左十幾車客
佢地呢劑遠比930拉去灣仔影響灣荃大

如果唔係,都唔洗攪九龍灣,駿業里,油塘分支
再加埋慈觀線,
因為知道就尼地位不保了

原帖由 LM1933@641 於 2013-8-1 09:37 發表

講完都係要再講，40下繁例必係深水埗頂閘，仲要頂到去富豪東方酒店
大部分時間下，40出左深水埗，仲有一半客過左譽港灣先落
根本而家 40 青山道->譽港灣打後地區係佔左重要客源，先唔計反方向以及來往荃灣同九龍城
九巴咁樣改40提速實屬不智，到時青山道客媽聲四起都似
要紅小食巴士，咪玩啦運吉

根本觀荃特快係要開新線，而唔係用條無巴士替代品既超級流水線去改

咁我問你，想開新線，車從何來？

40無巴士替代品姐，係咪真係完全無合理替代品？
如果改一條巴士線都一定要巴士替代品的話，咁692呢D一年蝕過百萬既垃圾線係咪唔使取消？

又返去車從何來的問題，觀塘同荃葵仲有邊d廢線有剩餘資源俾大家砌到一條觀荃特快？
就算砌到，跟住又實會有人話，例如14B/15A/16M/30/39A呢D，無巴士替代品，唔拎得，咁到時係咪永世唔使開線？

講真，今次條40雙向要走落美孚，除左方便轉乘同做埋美孚特快之外，我覺得已經係好大讓步。

大半車過左譽港灣先落，咁呢班客入面，有幾多係唔可以搭6D？又有幾多真係美孚打後上車？
RDP都話而家條40有兩成幾係真觀荃客啦，40提速後有一半人要轉車，
當觀青/九龍城荃灣各佔一半，咁譽港灣見到果半車客，入面應該係有一半係真觀荃客喎。

唔記得呢條thread定隔離F1板講過，月頭weekday下晝四點幾搭過一次40，
美孚上車返九龍灣，沿路每個站最多得三個客上車，
石硤尾追到前面架6D再俾佢放甩，架6D一樣都係好少客。
而我落車果陣，見到我上車果陣上層坐左個15-20個客，仲有十幾個未落囉。

仲未計反方向40根本幾差，上下繁過左九龍灣鐵路站，上層都仲有窗口位剩。

資源係得咁多，晌40唔係獨巿、中途唔係山卡拉無車搭地區，而且有晒替代品的情況下，
資源一定係拎去需求最大的地方，先至係善用。
40下繁單向頂閘果陣，38/42C的雙向都頂，頂閘時段更長啦，咁試問荃葵直線定係中途流水客更有需要？
如果淨係執住繁忙時間一個方向頂閘來講，
我覺得除左對觀荃客唔公平之外，
更加係對黃大仙每日排長龍上唔到38/42C的乘客，同埋東北葵40P沿線大量居民唔公平
（38/40/42C之後一定會再重組的）