今夜搭15上落山頂經歷

大約720pm去到金鐘等15號上山頂, 人龍長達四十多人,
初初驚會上唔到車, 幸好十分鐘過後, 一架吉車到來,
不過在金鐘都已坐滿.

上到接近山頂, 見到有架旅遊巴跪低路上, 搞到單線雙程行車,
有警察指揮交通.
不知是否因為旅巴阻塞還是正常星期六客多,
在山頂總站排了過百人, 人龍長到出廣場外行人路.

830pm, 離開打算搭15號落山, 等車人龍在廣場外的行人路差不多
倒灌到去站頭. 有架3325正當要關門開出,
有工作人員見到非人龍處有人跑埋架巴士而叫司機開門俾人上,
我亦趁這時趕上這班車.

巴士一轉出山頂道, 司機一手控制車太盤, 一手不停拷打車頭頂部,
站在近車頭的我真的不知發生乜事, 不知是否有人遮了潛望鏡,
車一路的開, 司機一路的拷打, 直到第一個燈位停低後他亦停了手.
在山頂道咁窄的路有咁既行為, 唔好話這樣拷打禮唔禮貌,
我覺得十分危險, 因為真係會有點分神.

唔知係唔係阻住位司機食飯, 架巴士埋站落客很快關門,
頭兩個站落客都有人出唔切來被夾,
但其實是可避免的, 只要望望個倒後鏡就應該見到有人要落.

不過最神奇的, 係部站器在沒有報錯站的情況下,
過了合和中心就被司機關上, 我真的不明何以這樣做.

連串行為, 在這條遊客線上發生, 實在有點諷刺.
希望這只是一個個別事件.

講起搭15上落山嘅經歷,
係2月度,我都搭過15上落山頂,上山車速都OK,落山就精采囉,
個司機當正㗎車係跑車咁,手車快,刹車急,扭得急,撞到啲樹枝砰砰聲咁響,
有啲人係到叫,有啲人仲話好似坐過山車咁,有啲人更加話要投訴,
最後我要去赤柱,係東山臺落車轉6號,無緣再感受「刺激之旅」

以上乃本人親身經歷

[ 本帖最後由 82M 於 2013-8-11 01:32 編輯 ]

原帖由 Route_99 於 2013-8-11 00:10 發表
不知是否因為旅巴阻塞還是正常星期六客多,
在山頂總站排了過百人, 人龍長到出廣場外行人路.

正常情況，如果係黃金週人龍更加會雙倍長。

我平日下繁搭6號車出中環，見到對面線連續幾班15頂爆閘上山，連上層都不放過。請問是正常還是個別例子？

原帖由 miklcct 於 2013-8-11 11:54 發表
我平日下繁搭6號車出中環，見到對面線連續幾班15頂爆閘上山，連上層都不放過。請問是正常還是個別例子？

我近來每逢星期二下午要到金鐘，放工時見到上山方向的15都係頂閘。
我諗係個個都想在黃昏時分睇夜景。

33XX 的電子潛望鏡在上層車頭報站機底，敲司機位頂部沒有作用的。

行舊山頂道落中環仲快過坐15到, 加上要經灣仔應該會好塞車

有次搭15 3306落山,個司機又係車手黎
重因為避逆線d車搞到撞樹撞到上層有塊玻璃爆左
之後個司機可能唔知上層有塊玻璃爆左繼續車手
搞到上層有d乘客落下層罵個司機先慢返