【討論】南北線新車消息及規格 (29/3/2020 TS#10抵港)

原帖由 oman 於 2015-8-5 23:02 發表
就咁睇D相，運埋列車上去，應該同雙層巴士差不多高，點解唔走尖山入沙田？

真係葵涌，屯公，新田公路，吐公，真係遊勻全香港

大埔道就話驚架貨車唔夠加上斜
咁封左尖山唔係仲方便咩?

我諗緊,行屯門公路青龍頭段沖落小欖段條斜路,都危危地啵! 喺內河碼頭落地咪算囉!車程時間小左兼且安全好多。

原帖由 HU6455 於 2015-8-5 01:31 發表
咁樣運法, 一晚可以運幾多卡?
PS:奇想, 係西鐵美孚站之前預留位起番條軌去貨櫃馬頭比車落地, 會唔會仲省錢仲方便呢

不如係白石角即刻留地起個臨時貨場.一定冇經火炭貨場入去咁高難度...

或者睇下梧桐河夠唔夠水深,D車到香港換落細內河船,經水路去梧桐河吊入羅湖貨場


計一計成4百幾卡車...當一晚運2卡,都用成半年多時間先運得哂D車卡入南北線....

白石角水太淺，深圳河不適合船隻通行。

月台要整理﹐以便讓車身較闊的新車通過﹐工程唔會在9月前全面完成﹐如果直入羅湖貨場﹐部車有排都返返唔到何東樓做檢查驗收。

原帖由 SSBT 於 2015-8-5 11:51 PM 發表
大埔道就話驚架貨車唔夠加上斜
咁封左尖山唔係仲方便咩?

大埔道我估係路比較窄﹐同埋易影響反方向行車線﹐所以唔考慮用大埔道。

原帖由 oman 於 2015-8-5 11:02 PM 發表
就咁睇D相，運埋列車上去，應該同雙層巴士差不多高，點解唔走尖山入沙田？

真係葵涌，屯公，新田公路，吐公，真係遊勻全香港

行隧道﹐唔係話完全唔得﹐但係要準確計算拖架的高度﹐以及列車的高度。
(其實粗略計﹐應該係會高過巴士的﹐巴士一般只係4.4-4.5米高)


參考其他列車的高度﹐大約係 3700-3900mm (3.7-3.9米)﹐一般隧道可供4.6-4.7米高的車通過﹐即是拖架如果可以在1米高度之內﹐便有條件通過。






不過﹐考慮其他因素﹐過隧道唔會係一個理想安排﹐如非必要都唔會用。


1. 會影響隧道本身的運作。例如是否封一邊行車道? 其間交通如何安排。


2. 假如在隧道期間有任何問題/意外發生﹐將會好難處理。
一旦在中途 "脫軌"﹐部車跌出拖架範圍﹐真係唔知點吊番上車。


3. 要隧道公司特別安排﹐隧道公司有權唔理你。






運這些大型物件﹐最緊要係安全及順利﹐只要係高速公路行駛﹐路面夠闊﹐又唔會有野撞頂﹐路程長短唔係太大考慮因素。


與其有其他道路選擇﹐大可以找一條可靠穩陣的路線﹐好過左計右計﹐睇下夠唔夠過隧道﹐一旦計錯數﹐唔係單單基本撞爛野的損失﹐仲會影響其他道路使用者﹐包括巴士等乘客。

原帖由 kuma0723 於 2015-8-6 01:42 發表
我諗緊,行屯門公路青龍頭段沖落小欖段條斜路,都危危地啵! 喺內河碼頭落地咪算囉!車程時間小左兼且安全好多。

內河碼頭未必停到大貨船, 要用躉船轉運, 轉運過程一上一落一樣有風險

原帖由 jimmy_lam 於 2015-8-6 11:15 發表
內河碼頭未必停到大貨船, 要用躉船轉運, 轉運過程一上一落一樣有風險

C-Train來港時都係海上轉躉船去小濠灣

唔逐點quote。
點解唔用大埔道：一般黎講，如果可以全封條路，只要有兩條行車線，就幾乎可以寫包單夠列車過。但大埔道九龍一邊，幾條支路都係一條行車線。唔係話一定過唔到，過到都只係0岩0岩好。
再者，大埔道係危險品車輛唯一南北通道，未必咁易俾你全封運車。
至於有人擔心架拖頭唔夠力上大埔道。一卡車約40-50噸，自己上D重運公司網站，睇下佢地可以運到幾重先再質疑啦。以重量計，隨時一抽過都夠力拉。
至於點解唔用尖山，好明顯係隧道實際淨空唔夠，但天橋底實際淨空夠，先至焗住兜遠路。

至於樓上"估市磚家"所擔心的問題，可以用三個字概括---杞人憂天。運列車頂多佔你兩條行車線，駛唔駛大陣仗到全封呢？再者就算人行，都係幾個字行完，架拖頭過隧道對交通有幾大影響呢？
怕翻車難搞一點，任何車輛都有機會在隧道翻側啦，咁行車隧道係咪應該禁止車輛行先。唔講隧道公司其實有應變計劃先啦，如果驚翻車難處理，咁係咪連屯門市廣場都唔經得先？你話屯門市廣場出事大鑊D，定尖山大鑊D?

再補充一點，用雙層巴士去估算列車﹙加排卡﹚夠唔夠矮過隧道，完全唔係果回事。正如鐵路構築物係講限界，而唔係車體尺寸咁簡單。運送亦然。同樣車輛高度同結構下淨空計，巴士過到，長一倍的列車要再矮D先過到。

[ 本帖最後由 s3n370 於 2015-8-6 15:39 編輯 ]