近年來新發展區屋邨的配套問題

近日新聞提及啟晴邨開始入伙，但是商場仍未落成，巴士服務亦不足；其實近年來一些遠離市集的公屋入伙都是有這類的問題，例如：

．天逸邨、天澤邨、俊宏軒：入伙時輕鐵天水圍北支線仍未通車，只有接駁巴士互轉輕鐵
．清河邨：只有273B線巴士來往上水港鐵站，商場在入伙後才進行招租
．彩盈邨：商場在入伙時已有商舖進駐，只有非專線小巴直達，巴士則要步行至觀塘道或牛頭角道（附近建成多年的彩霞邨亦有同樣情況），而入伙初期往九龍灣港鐵站的行人天橋仍未建成
．彩德邨、彩福邨：商場在入伙時仍在裝修，專利巴士服務只於早上才有，而且606A及111P均是單向往區外
．碩門邨：鄰近港鐵站，但沒有專利巴士直達，商場於入伙後才陸續有商舖進駐

至於將來的水泉澳邨第1期看來亦會面對同樣問題，全日的巴士服務只有一條來往沙田港鐵站，過海線暫定只有一條往西灣河，至於商場不知道能否在入伙時已有商舖進駐，而連接博康邨的行人天橋亦不知道能否在第1期入伙時完成。

反觀東涌卻好像較這類公屋好，富東邨入伙時已有巴士往返，而商場亦已啟用；逸東邨雖然沒有港鐵直達，但是入伙時已有巴士線來港東涌港鐵站（38、S52、S64），商場亦於入伙時已經有商舖進駐。

[ 本帖最後由 hkaiw 於 2013-8-18 15:07 編輯 ]

現時每當有新區入伙
就只開巴士線接駁去最近既鐵路站就算數
富東邨只不過係咁啱有一大堆E線做機場咪順便服務埋姐

P.s 清河邨果條係273B

相對上, 美田邨有屬於自己的商場, 公共交通工具和附近的美林邨.美松苑共用, 算是比較好,
但和調景嶺健明邨相比, 則後者明顯更勝一籌, 附近有大型私人屋苑商場連接屋邨商場,
學校.學院林立, 巴士和港鐵在五至十分鐘步程範圍, 公共交通選擇方便到瀉.

原帖由 S3BL417 於 2013-8-18 14:00 發表
現時每當有新區入伙
就只開巴士線接駁去最近既鐵路站就算數

富東邨只不過係咁啱有一大堆E線做機場咪順便服務埋姐

唉，是政府的思維...凡是新地方發展,都是按排巴士接駁鐵路，目的只向新居民「洗腦」。.

[ 本帖最後由 daiteioh 於 2013-8-20 15:31 編輯 ]

原帖由 S3BL417 於 18/8/2013 14:00 發表
現時每當有新區入伙
就只開巴士線接駁去最近既鐵路站就算數

其實八、九十年代，鐵路網絡比而家更唔完善，
就算係駁腳線都少不免行得遠。

將軍澳最初啲線都只係以出觀塘、彩虹為主 (眾 A/M 線)，
大西北啲屋邨亦好多時係開 M 車先。
好似 98C 呢類長途線通常都係新區落成兩年以上先至會開。
大西北只係因為輕鐵專區而衍生的畸形發展。

個人認為政府政策其實無大變，
只係而家鐵路網覆蓋確實比較全面，
又有 quota 作祟，開長途線先至越來越難。
況且彌敦道、軒尼詩道，甚至遠少少的觀塘道、
葵涌道都已經頗「巴」滿為患，亦係事實。

[ 本帖最後由 238X 於 2013-8-18 21:11 編輯 ]

其實我認為這新聞好像上年同一政黨所做的脫班率調查一樣
只是為某些政黨或某些議員鋪路而已

報章原文

方向：xx聯九龍城支部社區幹事文xx批評，該處只有三條巴士線接駁九龍灣、紅磡及旺角，路線及班次過少，又沒有過海巴士，而且步行往港鐵站需途經行人隧道，擔心治安問題。

生果：負責調查的區議員吳xx建議，房屋署應延長居民14日的免租期，補償對居民延遲入伙的影響，也應盡快增加巴士及小巴線。

為何是由隔離分區的區議員而不是該分區區議員做調查

原帖由 hkaiw 於 2013-8-18 13:46 發表
啟晴邨開始入伙，但是商場仍未落成，巴士服務亦不足

24 -> 九龍城、旺角
5M -> 彩虹、九龍灣
5D（繁時）-> 土瓜灣、紅磡、黃埔
未來：641（繁時） -> 灣仔、金鐘、中上環　　　　<-- 可以張貼 "成功爭取" 了

算一般吧
況且政府講到明啟德新發展是不太想巴士入區的
就算入也要歐5巴士、LPG小巴
http://orientaldaily.on.cc/cnt/news/20120411/00176_021.html


==
不如某區議員或政黨說說想增設甚麼路線途經啟德公屋
讓巴士公司可以盡早提交RDP予運署審閱

[ 本帖最後由 avianwind 於 2013-8-20 09:07 編輯 ]

新發展區﹐邊有可能一開始便做好所有配套

單是交通﹐在裝修期人流只會有工人及少量睇裝修的屋主﹐人流只會在日間﹐點可能叫交通開到較夜的時份。

去到入伙初期﹐人口係開始上升﹐但人流亦不足以加密班次﹐而延長服務時間則可以考慮。

當大部份屋裝修完成入伙﹐巴士公司亦唔會乜都唔做﹐自然會改用大車﹐加密班次﹐延長服務。
只要有足夠客﹐各方面都會有所配合。


購物問題﹐又有幾多店舖肯在剛剛開始入伙的時間已經開鋪做生意 (與裝修有關﹐便利店/士多這一類除外)﹐當人數上升到某個水平﹐街市﹐食店﹐超市...... 自然會進駐。


我記得我n年前搬入一個新發展區﹐咪又係只有1條巴士線﹐屋村商場未開。只有一個臨時街市剛剛開 (好彩我都算較遲的一批入伙﹐最早一批連這個臨時街市都未開)﹐菜﹐肉及雜貨店都只係各一檔﹐獨市生意。

超市﹐食店....... 都要得成年多﹐屋村商場才開張。
巴士方面﹐大約3-6個月後加多一條巴士線﹐之後再有途徑新巴士線進駐。


香港地﹐邊有可能新發展區做好配套才入伙。

原帖由 hkaiw 於 2013-8-18 13:46 發表
反觀東涌卻好像較這類公屋好，富東邨入伙時已有巴士往返，而商場亦已啟用；逸東邨雖然沒有港鐵直達，但是入伙時已有巴士線來港東涌港鐵站（38、S52、S64），商場亦於入伙時已經有商舖進駐。.

東涌好 ? 富東入伙初期除左樓下個商場就乜都冇, 東薈城未開, 其他社區設施亦欠奉

http://www.youtube.com/watch?v=ZeGozIJpbm4

其實如果一個遠離交通幹道既屋邨入伙時，有專利巴士路線連接鐵路站，我覺得已經可以接受，始終好難叫主幹道出市區既巴士線兜埋入黎，但只係靠一至兩條屋邨開一條出市區既線又未必夠客。反而開同港鐵站連接既路線，巴士公司進可攻退可守，而鐵路既網絡比較大，呢D屋邨居民亦都會方便一D。當然最好都係呢D新發展區可以有輕鐵既網絡連接附近既市中心啦…

其實以鐵路優先既發展方向冇錯，個重點只係新既居民點有冇可能係鐵路站500米範圍之內…如果超過左呢個範圍，又應該如何接駁…就好似洪水橋新發展區個規劃咁，雖然有將鐵路站附近500米列為高密度住宅區，但近天北位置既新發展區居然冇預留輕鐵做駁腳… 相比起以巴士，輕鐵擔當區內線既角色明顯更有效率…

[ 本帖最後由 Hopuco 於 2013-8-20 23:26 編輯 ]

原帖由 Hopuco 於 2013-8-20 23:24 發表
其實以鐵路優先既發展方向冇錯，個重點只係新既居民點有冇可能係鐵路站500米範圍之內…如果超過左呢個範圍，又應該如何接駁…

最重要係，接近鐵路站相若米範圍內的住宅，應盡量興建真正對鐵路運輸有需求的中下階層住宅。但偏偏香港既規劃本末倒置。
沙田已經係明顯例子，鐵路站上面/隔離，就名城、溱岸8號、御龍山，當中有幾多居民真係需要鐵路交通，大家心裡有數，我剩係知道
1.名城停車場車位嚴重供不應求
2.名城居民有特權要求鐵路減速
反而真係對鐵路有需求既，就攪到冇雷公咁遠，舊有新田圍，近幾年就美田，遲D再黎水泉澳、火炭西北。

呢樣野，早在廿幾年前，我開始懂事既時候已留意到，藍田地鐵站一出就匯景花園，公屋既乜田物田村就整晒上半山，行餐死。
粉嶺又係，火車站一出就粉嶺中心粉嶺名都，公屋如華明村就要巴士接駁。

其實同一套近期好hit既日本漫畫幾似，佢地就最有能力對付巨人既，就住得最遠離巨人。
香港就有能力畀多多錢搭車買車既，就住正鐵路站樓上或隔離，
冇能力既，真正需要方便鐵路交通既，就住到冇雷公咁遠。

新界西北o係呢個問題上好幸運，由於輕鐵專區德政，該區無論幾遠離鐵路站，都有港鐵提供輕鐵鐵巴免費轉乘港鐵優惠。
其它區就冇咁好彩，接駁鐵路的話，又畀巴士/小巴賺，又畀港鐵賺，當中往往無任何轉乘優惠(就算有都係幾毫到一蚊)，懲罰性轉駁雙重車費，往往係貴得不合理。

其實政府既然保鐵，係咪應該將類似輕鐵專區既德政擴展至全港，所有來往區內屋村同鐵路站既接駁線，一律給予鐵巴經營並設港鐵轉乘優惠？

所以唔好成日話咩政府保鐵，打壓巴士，政府咁既惡劣規劃同交通政策，其實做就緊巴士公司開呢類接駁線，
呢類線唔會長途，冇隧道費，大多數客搭o個幾到十幾分鐘，就收人接近$4，真係和味過和味龍，
睇下東涌38、葵涌31M、粉嶺273、沙田282幾咁旺丁旺才，遲D仲有水泉澳、火炭西北、觀塘安達臣道公屋.....
嘩，條條村整條咁既樓梯線，都咪話唔和味。