原帖由 epsilon 於 2013-9-2 01:37 發表
我用客觀數據回答,用香港政府地理資訊地圖按實際步行路線量度行去
恆德街西行富安花園巴士站/大水坑站行人隧道東端嘅距離:
富安花園最南[最遠]大水坑站嗰座第17座係700米,
馬鞍山路北段居屋最北[最遠]大水坑站嗰座係600米。
嵐岸最南[最近]大水坑站嗰座第3座係600米。
當然嵐岸要搭港鐵就唔洗行到去條隧道東端咁遠,慳返80米嘅,
而富安花園同寧泰路嗰邊啲屋苑都係樓下已經有部分巴士搭。
但當北段居屋個位置即係單車公園同附近屋苑比較都唔算好遠時,呢兩個居屋屋苑又係咪某人講到咁難去呢?
噢,馬鞍山線變成東西線之時,大水坑站都向北擴建完成,
到時有更近嗰邊嘅C,D出口唔係奇想。
富安, 錦泰, 嵐岸一帶俾人話唔方便都已經唔係第一日, 全部個個屋苑早過馬鐵通車落成既幾乎全數有自己村巴線去大學站~ 如果PSL牌冇限制, 整夠100% 都會係意料中事~
馬鐵通車後錦泰聽濤叫好D, 但中間星濤灣個堆, 唔係自己有車就係搭村巴出入, 有幾多人真係會搭馬鐵?
我講冇乜用, 本身住個邊既居民自己覺得點, 從呢D事件都會睇得到~ 如果富安真係咁方便, 條穿梭巴士仲會有咁多人搭?
仲有, 用數據去決定一個地方方便與否, 好似好客觀, 實際上就很可笑~ 基本上等同政府思維~ 一個地方就唔就腳, 方唔方便, 難唔難去, 實際上仲有好多考量~~
路線長度只係其一, 舒適度又係一個令人覺得就唔就腳因素~~講數字, 新城市廣場三期, 甚至好運中心距離火車站都唔近, 有幾多人會覺得遠? D人覺得個D地方,
那個距離可接受, 又係咪等於覺得全露天環境同等距離的地方易去? 呢個明顯係紙上談兵跟實務考慮最大分別之處~
[ 本帖最後由 hkbw 於 2013-9-3 23:20 編輯 ] |
|
殺雞焉用牛刀?!
|
|
|
原帖由 hkbw 於 2013-9-3 23:18 發表
富安, 錦泰, 嵐岸一帶俾人話唔方便都已經唔係第一日, 全部個個屋苑早過馬鐵通車落成既幾乎全數有自己村巴線去大學站~ 如果PSL牌冇限制, 整夠100% 都會係意料中事~
馬鐵通車後錦泰聽濤叫好D, 但中間星濤灣個堆, 唔 ...
噢,乜你係呢啲屋苑居民,可以代佢哋答埋方唔方便?富安穿梭巴去邊?使唔使錢?有冇第二架 車就腳得過佢?
噢,乜富安而家仲有邨巴?其他屋苑 有邨巴去大學就唔坐馬鐵?你有冇自己去睇過返放工時間來回馬鐵站人流多定邨巴客多?
噢,乜你覺得 冇瓦遮頭好辛苦,就代表 呢啲屋苑居民個個都覺得好辛苦?好歹人哋個個都係自己揀樓自己畀錢買/租。
所以淨係可以認同你最後一句 。 |
|
|
|
|
原帖由 epsilon 於 2013-9-4 01:35 發表
噢,乜你係呢啲屋苑居民,可以代佢哋答埋方唔方便?富安 穿梭巴去邊?使唔使錢?有冇第二架 車就腳得過佢?
噢,乜富安而家仲有邨巴?其他屋苑 有邨巴去大學就唔坐馬鐵?你有冇自己去睇過返放工時間來回馬鐵站人流多定邨巴客多?
噢,乜你覺得 冇瓦遮頭好辛苦,就代表 呢啲屋苑居民個個都覺得好辛苦?好歹人哋個個都係自己揀樓自己畀錢買/租。
所以淨係可以認同你最後一句
淨係你第一句話人代答, 你一來已經自相矛盾, 二來就知你完全不了解實況~
首先, 點解你又可以代一班未搬入去, 又或者係住個邊既人話交通方便先?
如果你話我一個話辛苦, 甚至話我同我一大群住馬鞍山相關地點既親朋戚友都唔可以有丁點兒話語權, 我又唔見得你憑乜可以代表個邊D人話個度方便~
富安俾人話唔方便係經歷左廿年有多, 馬鐵通車之後唔可以話冇改善, 但都係要行一大段路先去到馬鐵站, 呢樣野唔係一個你話方便就可以全盤推翻~
富安個條唔係村巴, 係穿巴, 入新港城, 話就話月尾憑單換下月車票搭, 但有冇諗話點解咁煩既野竟然有咁多人捧場先?
將軍澳堆填區個邊D人都係自己揀樓自己畀錢買/租架, 係咪代表個度係優質地段? 定係你想話我聽有人住既地方就係交通方便, 行過去唔辛苦?!
[ 本帖最後由 hkbw 於 2013-9-4 06:58 編輯 ] |
|
殺雞焉用牛刀?!
|
|
|
原帖由 hkbw 於 2013-9-4 06:50 發表
淨係你第一句話人代答, 你一來已經自相矛盾, 二來就知你完全不了解實況~
首先, 點解你又可以代一班未搬入去, 又或者係住個邊既人話交通方便先?
如果你話我一個話辛苦, 甚至話我同我一大群住馬鞍山相關地點既親朋戚 ...
講來講去都唔係你親身日常生活經歷,而從你平日討論觀點,
我亦好相信閣下,甚至你班「住馬鞍山相關地點」嘅親朋屬友都未必
係低下階層出身,你哋嘅要求同需要可能真係同富安錦泰等居屋居民有所分別,
所以請你唔好再以局外人嘅觀感當作切身感受,仲走去代人哋發聲。
富安畀人話唔方便呢,其實唔係住嗰度嘅人真係想點講都得,
覺得唔方便又自然唔會想揀嚟住,住得入去嘅一係覺得冇問題,
一係就能力有限唔要求得咁多,況且實在都平過又方便過大把地方。
可能你冇精打細算嘅概念同需要,寧願行遠啲畀錢坐車都唔同人逼免費車,
不過師奶購物線就唔係得富安先有,真係唔知點解咁都可以同唔方便掛勾。
就算你話富安人自己話富安唔方便,日出康城人明知臭都買入去住,
咁世界總有啲人係唔知足,又或者話,
機會來臨畀你去爭取多啲籌碼時邊個會唔把握。
可能閣下家境比較富裕,你覺得唔方便居住環境唔好其實唔係問題,
你有權亦有能力揀個理想地方住,我都恭喜你,
不過,你都唔好自大到塞啲說話入當局者把口裡面。
最後,如果喺你口中咁唔方便嘅富安都吸引到四千戶人住入去,
我就唔明新居屋更近馬鐵站同巴士站都竟然仲叫做交通唔方便啫。 |
評分
-
查看全部評分
|
|
|
|
建議某君先複習一下何謂邏輯再評價他人。
回樓上,該爛地很大機會續期畀海關,過幾年又會變成重置污水廠嘅工地,
單車公園應該唔適合搬去。 |
評分
-
查看全部評分
|
|
|
|
原帖由 1181 於 2013-9-5 12:09 發表
個人認為單車公園應該放喺天橋底比較適合
如果唔一定要大水坑
沙田區都好多地方適合
但仲有另一個顧慮係唔可以太接近民居,
大量單車客聚集嬉鬧所造成嘅噪音盞畀鄰近居民投訴。
PS 有啲人年紀都唔細,做人就唔該成熟啲,
次次自己理虧辭窮,淨係識話人唔接受其他意見呢招,
搵一次咁多試下以理服人得唔得呢 |
評分
-
查看全部評分
|
|
|
|
其實呢塊地應該起公屋
離馬鐵站遠唔係問題, 重點係條馬鞍山路噪音好勁
唔知點解宜家公屋d 地仲靚過居屋
你話遠其實又唔算遠, 如果用返板友data, 650m 其實可以接受
我自己每日都行呢個路程去火車站,..
舒適度果度, 加個有蓋行人通道就解決左問題
題外話: 其實政府應該抽部份公屋出來做居屋, 解決返居屋斷層問題
例如係水泉澳抽5座出來..
[ 本帖最後由 JF1261 於 2013-9-7 20:39 編輯 ] |
|
|
|
|
其實我好懷疑呢幾幢新居屋係咪真係有海景,附近既錦泰苑、欣安邨係近公路既大廈全部採用單向式,窗口唔會向住公路嗰邊,新居屋望海嗰邊係正公路隔離仲要係超近,如果都用單向式既另一邊又咁近山,咪好似面壁咁?
個位真係好隔涉,馬鐵站行十分鐘只可以話係可接受程度,但絕對屬於交通不便,而且最重要係由沙田方向返馬鞍山既巴士站離呢個位極遠,如果係近單車公園嗰三座真係行餐死
而呢一區最為人詬病係商場嚴重不足,就算欣安邨擴大個商業區都唔慌多得幾多商店,77區同富安巴園都仲有架去新港城既穿梭巴士,而新居屋嗰度都幾可肯定架穿梭巴士一定行唔到,連去馬鞍山市中心都咁難,配套問題比較嚴重。唯一寄望係保泰街個新商場店舖夠多元化先解決到居民所需 |
|
|
|
|
|
Advertisement
Advertisement
Advertisement
Advertisement
Advertisement
|