南大嶼山對外線一問

其實點解南大嶼山一條跨區線都冇
全世界要去東涌轉車/去梅窩轉船？

南大嶼係咪歷史上一條對外(離島區外)線都冇？

如果開兩條早繁直達線
1. 大澳往尖東
大澳>南大嶼>東涌道(不停東涌)>>>美孚>長沙灣>深水步>旺角>油麻地>尖沙咀>尖東
2. 大澳往鰂魚涌
大澳>南大嶼>東涌道(不停東涌)>>>中環>金鐘>灣仔>銅鑼灣>北角>鰂魚涌
大家覺得有冇得做？

原帖由 284 於 2013-8-27 11:53 發表 其實點解南大嶼山一條跨區線都冇
全世界要去東涌轉車/去梅窩轉船？

南大嶼係咪歷史上一條對外(離島區外)線都冇？

如果開兩條早繁直達線
1. 大澳往尖東
大澳>南大嶼>東涌道(不停東涌)>>>美孚>長沙灣>深水步>旺角>油麻地>尖沙咀>尖東
2. 大澳往鰂魚涌
大澳>南大嶼>東涌道(不停東涌)>>>中環>金鐘>灣仔>銅鑼灣>北角>鰂魚涌
大家覺得有冇得做？

假日嶼巴有1R由紅磡碼頭直達昂平
是唯一一條條由離島區外直達南大嶼的巴士路線（只限單向）

調轉就有，1R。

時間上應該可行的，一車直達可能比在東涌轉地鐵慢10-20分鐘左右，全程行車時間在90-100分鐘。
但要諗下車隊如何調動，假如係嶼巴開，架車出到市區之後點？吉車回巢？做邨巴都太遲喇喎。
假如係城巴做，之前要吉車入大澳？而且只可以行單層，兩軸雙層我唔知得唔得。
而家嶼巴同城巴已經半家親，實在睇唔到有任何理由要耗費大量資源伸入對方陣地。

1R的車輛行完之後係會行返大嶼山區內線，而假日由市區直入大嶼山的需求可以justify佢咁行。

再者，政府一句「轉地鐵」已經可以ban了這個idea。

[ 本帖最後由 DIH 於 2013-8-27 12:24 編輯 ]

可以叫老冠做
朝早做完國泰城或haceo
然後私入大嶼山

歷史因素﹐一定有。

1997年青馬橋才開通﹐自此才有陸路連接﹐而連接嶼南的東涌道一直都不適宜大量車輛使用﹐直至2008年3月東涌道擴闊(其實都叫新建)﹐才提供來回各1線的道路﹐才有條件提供更多的巴士/車輛通行。

即是﹐2008年3月之前﹐客觀條件係唔適宜開設對外巴士線。

現時﹐路面上大致可應付新增的巴士線﹐但客源又如何?
基本上﹐島民已經習慣利用梅窩轉船到中環(一般都會快過經東涌)﹐大澳坐船/車到東涌做接駁這個模式﹐對於直駁市區的巴士線唔會太大需求。
而整個嶼南對於直達市區的巴士需求﹐亦唔係大﹐最多亦只是早上返工時間會較集中﹐其他時間需求低﹐倒不如利用嶼內的巴士線去做接駁﹐好過唔知幾耐才一班的市區線。

即係﹐客源問題﹐難以開線。


至於假日旅客問題﹐你話我陰謀論又好﹐老作又好﹐我覺得政府刻意唔開這一類巴士線的﹐目的係減少/限制市民遊客去嶼南遊玩﹐減少區內的交通負荷。
試想一下﹐一條直達市區的巴士線﹐真係有大量客﹐巴士公司便會加班﹐車入到大嶼山南部﹐入面又是否可承受這堆加班車?
相反﹐現時嶼巴不停行走做接駁﹐車唔會停在嶼南總站﹐減輕了部份壓力。(查實嶼南的交通網都唔係有好大空間增長﹐現時唔塞車﹐都係靠"禁區"去控制車輛數目)

嶼巴都有一條假日線﹐早上由紅磡開去大佛﹐唔知係時間班次唔理想﹐還是其他原因﹐據說都係唔係太好客。所以﹐這類線都未必有理想的客量。



ps. 現時大澳係有船經沙螺灣, 東涌去屯門。以前東涌未發展﹐東涌係有街渡去屯門的(好似已經取消多年)。未有青馬之前﹐假日亦有船來往大澳﹐沙螺灣及屯門/中環/荃灣(已取消服務)。

[ 本帖最後由 kei_hk 於 2013-8-27 12:43 編輯 ]

原帖由 PE3529 於 2013-8-27 12:25 發表
可以叫老冠做
朝早做完國泰城或haceo
然後私入大嶼山

但係好多E D車做完員工車之後就係放飯
之後下午做商場接駁車...難D...

大澳出外如果坐巴士的，除嶼巴外沒其他選擇。從商業角度看，已在做獨市生意的嶼巴無誘因冒風險去交路費出市區，然後再私牌回程。

原帖由 284 於 2013-8-27 11:53 發表
南大嶼係咪歷史上一條對外(離島區外)線都冇？

除1R外, 歷史上曾開辦特別線3R, 來往荃灣站至梅窩

橫掂而家通街都係自由行
如果早繁兩班 南大嶼出市區之後 唔想吉車回巢既
大可以市區起載兩班 類似1R旅遊線番入南大嶼
平日一樣有市場 執番幾百蚊都好

原帖由 kei_hk 於 2013-8-27 12:27 發表
歷史因素﹐一定有。

1997年青馬橋才開通﹐自此才有陸路連接﹐而連接嶼南的東涌道一直都不適宜大量車輛使用﹐直至2008年3月東涌道擴闊(其實都叫新建)﹐才提供來回各1線的道路﹐才有條件提供更多的巴士/車輛通行。

即是﹐2008年3月 ...

1R最大問題係走線
邊個會晨早流流跑出去彌敦道 然後等架你搵我唔到既車入大嶼山？

星期日郊遊線 應該係D中產住宅/人口密集地區起載
例如沙田市中心 咁就有D希望勒