最近各位見到鬼車的情況是否頻密了?

最近在花都廣場見過270A往上水的鬼車(得1個客)
273A近乎每天下午6:45左右都有鬼車於百和路右轉華明路

歡迎分享

今日同前日傍晚時份見到似係鬼車
架車停左係健康村對面o既水務署出面, 熄晒燈搞左106牌
如是者泊左10分鐘, 有部82x同82 相繼埋健康村站
之後架106就著燈開引擎, 等架82埋完就斯斯然去埋站番小西灣

呀, 唔記得講, 係新記106黎o既

273A百和路右轉華明路係踼車康明樓載.唔係鬼車

同埋270A係花都返上水得1個客又唔可以話鬼車,隨非你見佢係一鳴路私出黎搞270A牌載

原帖由 6516 於 2013-9-4 21:21 發表
今日同前日傍晚時份見到似係鬼車
架車停左係健康村對面o既水務署出面, 熄晒燈搞左106牌
如是者泊左10分鐘, 有部82x同82 相繼埋健康村站
之後架106就著燈開引擎, 等架82埋完就斯斯然去埋站番小西灣

呀, 唔記得講, 係 ...

106 水務局起載，很多年前已經有，甚至連海晏街起載往小西灣也有。

近排見識過31北葵涌街市起載，我坐住前車，見住佢入去，川龍街落車，部車有小貓三四隻
某日等31鬼死咁久，係裘錦秋中學見住對面有部車走上安蔭中途起載
然後又有一日好神奇見識有部31唔知短豬定短躉，我係安蔭邨盛蔭樓見住佢載住人開上安蔭，然後私牌落翻來＝口＝

31出現這些情況已不是近期才發生和不是甚麼出奇的事了，甚至235也是如此。

當你能夠在悅來酒店至荃新天地之間一段關門口街與沙咀道能夠看見所有31的用車
（包括掛牌、「柯打」）都是載著乘客前往荃灣西站，這些「踢車」便是石籬、安
蔭、石蔭一帶的候車乘客的「救星」了。

基本上通常出現的「起載點」有石英徑、石籬邨石安樓、安蔭總站及北葵涌街市。

同時，235也有「踢車」的情況出現，通常以眾安街、戴麟趾夫人診所或名逸居為「起
載點」。

[個人意見]懷念以前31少脫班既時候，作為循環線，我對佢印象以前係少脫班真係罕見[/個人意見]
宜家就係荃灣等佢就幾爽既(起碼唔使逼235)，係安蔭等就唔係好快有車，都係上235居多

安蔭起載個部車真係幫到手既，真係等左好鬼內先有部車走上去載人
而個日我見到部31北葵涌街市起載，其實我係係中午個陣坐……冇乜人坐，但無lala都整部野上來，我自己坐緊個部都載晒，覺得某程度上有ｄ多餘
最搞野唔係中途起載，見到31上到安蔭就私牌走人先最覺得怪怪地

235我就坐開非繁忙時間，好少夜晚6-7點坐佢，就少見到佢私牌落荃灣起載
不過坐親我都博佢拖卡坐後面個部 夜晚就唔會博la，雖然試過10pm愉景等半個鐘，上完前車返到安蔭發現後車
而星期六日我就真係唔多想坐235，ｄ班次真係精彩到絕倫
就算係地鐵站個頭我都寧願行返去戴麟趾坐31算鬼數，由其而家條豆腐渣橋起好之後真係方便左

[ 本帖最後由 rusf101001 於 2013-9-4 22:46 編輯 ]

我諗討論「鬼車」之前, 係咪要先學下甚麼是「鬼車」?

起碼樓上各文都不見得是「鬼車」.

35A石籬起載返安蔭應該可以符合呢個標準……純粹為左做數而開車

雖然自從九巴比人篤爆左之後都極少開呢ｄ咁無聊既鬼車

前排夜晚見過235北葵涌街市起載返安蔭