屯門轉車站功效

原帖由 DC3938 於 2013-9-25 22:28 發表
九巴有無為轉車站的巴士加時,我覺得依家搭59M由轉車站去到屯門車速好似快左!

無

我覺得城隧同大欖已經係相對上成功的轉車站. 最主要的原因似乎係同直線公路帶來時間上的 "紅利", 沖淡左停轉車站用的時間. 而且轉車可以增加覆蓋, 部分仲慳到少少錢, 令乘客較易接受.

屯門公路轉車站的乘客有部分意見, 其實元朗乘客用大欖個轉車站咪一樣有, 不過慣左之後又唔覺得有咩特別慘.  但最慘個樣應該係屯門公路暫時真係冇乜野突出的好處俾到乘客, 他日就算有線上到西九龍走廊都好似係美孚轉車站而唔係屯門公路轉車站的 "功勞".  要搵樣好值得乘客支持呢個轉車站的理由, 真係越來越難 ........

原帖由 914 於 2013-9-25 17:13 發表


1. 跟本屯公轉車站, 所有經過的路線都應該要停(晨早特別線可除外), 唔明白點解有d路線入, 有d路線又唔入, 乘客會好渾亂的, 就算巴迷都未必記得晒.

2. 為甚麼出市區, 高價線轉高價線唔可以補差價/免費轉乘, 大欖隧 ...

唔俾長轉長，主因係九巴唔想班客坐長途車出去屯轉，但之後架車唔滿行埋之後段路，話就話覺得架車用唔盡，
實情係長途線載左批唔一定搭佢去轉車既人，佢覺得會有機會開多左班次。

屯轉唔可以長轉長，大欖卻得係因為大欖除左少數長轉長組合係免費外，
其他長轉長或短轉長唔係補差價，而係補固定金額，即係無論你第一程上咩車，第二程轉長途車都一定係俾咁多，所以正常係唔會有人長轉長，
但屯轉唔係，屯轉只需補差價，所以一定會有人長轉長的，呢個係最大分別。

其實大欖係有點類似城隧，只係用八達通轉車，同埋轉車站上車但唔係轉車就收正價咁解。

原帖由 kj9021 於 2013-9-25 16:13 發表
城隧轉車站係目前現金客唯一可以受惠的轉車站，又可以集中客源做大一條線；如果屯公轉車站可以做到好似“加大碼版”城隧轉車站咁都幾壯觀同方便乘客靈活選用唔同的路線。 ...

城門轉車站個設計根本有好大漏洞，
就係無轉乘既線係不能設站，其他公司既線亦唔可以設站，因為跨公司轉乘拆唔到數。

結果 A41、E41、E42 唔停得呢個站，
其實如果他朝有一日新巴城巴唔知點解開左條城隧線，而又停呢個站，九巴都要即刻轉返做八達通轉乘先得。

所以今時今日唔會再有城隧呢種轉車模式，
城隧改埋用八達通轉車亦絕對可能發生。