政府公佈發2免費電視牌照 香港電視不獲發牌

原帖由 3ASV196 於 2013-10-21 07:58 發表


其實好明顯係行政會議秘書處玩捉字蚤... 話唔係行政會議文件....但又無講有無參考過...
份野當然唔係行政會議文件(指EXCO PAPER), 但無理由無參考過LOR...

似乎越來越理據爆出下, 行會的決定越來越難搵合理理由了 ...

都係個句, 如果呢次係北京直接下指的話,
要死 o既都未到梁振英 ~

北京仲要梁振英處理多個問題,
例如普選, 甚至廿三條, 呢兩件主菜都仲未上演又點會咁快整走佢 ~

至於曾經有所謂「爆料」嫌疑 o既高官,
分分鐘有可能會步陳太後塵 ~

原帖由 AVD1 於 21/10/2013 08:35 發表

都係個句, 如果呢次係北京直接下指的話,
要死 o既都未到梁振英 ~

如果香港人將矛頭指向北，到時睇下點？

原帖由 238X 於 2013-10-21 09:07 發表


如果香港人將矛頭指向北，到時睇下點？

而家好多香港人都將矛頭指向北架啦,
咩都關西環事, 咩都關阿爺事,
由梁唐之爭個陣已經係咁 ~

原帖由 AVD1 於 21/10/2013 09:22 發表

而家好多香港人都將矛頭指向北架啦,
咩都關西環事, 咩都關阿爺事,
由梁唐之爭個陣已經係咁 ~

但實際行動上卻不太見有。
譬如這一次，好像沒甚麼人說過圍中聯辦。

http://www.yefengblog.com/90-%E9 ... AD%BB%E5%9B%A0.html


疑似業內人士分析港視攞唔到牌既原因

原帖由 1314 於 2013-10-21 20:58 發表
http://www.yefengblog.com/90-%E9 ... AD%BB%E5%9B%A0.html


疑似業內人士分析港視攞唔到牌既原因

業內人士也是可以有預設立場的，而且也是受人二分四的，而他是否業內人士並非我考慮的重點。

「真正得罪中央，更反政府的李澤佳能成功申請，政治理由並不成立」
　NOW或許比較進取，但李澤桂應該無得罪中央也不反政府。
　據明報政情版吹風，有人係擔心王維基的資金來源。

「港視如獲發牌，必會步佳視後塵」
　講到口都臭，發個牌畀佢，如王維基自己經營不善，
　輸到身敗名裂傾家蕩產也和政府無關（除了從破欠基金拿錢）。
　香港有完善制度保障倒閉公司的員工，既然有關申請者已符合基本要求可以入閘，
　在自由市場原則下，政府無義務預先評估個別公司的長遠經營前景。
　
「港視將提供三十條頻道，但沒有一條是英語的，連最低標準也不達標」
　我無追開就唔太清楚是否沒有英文台，如果係因為無英文台而不符合條件，
　為何（根據有線及明報等）至少直至2012年年尾，
　顧問都沒有提出、公務員出身重視程序的官員／行會成員也沒有異議？
　首先我假設袁國強承認有討論過相關文件這件事係真確的，以及有關文件是真確的。
　我唔認為有人會蠢到為了政治鬥爭而故意偽造文件放給傳媒。
　假如係因為這些技術性原因被拒，絕對可以公開講。

「作品不能在免費電視播放」
　我反問一句，無綫夠有收費台，為何還要保留免費電視牌照？
　另外兩間申請者又為何要申請免費電視牌照，何嘗不是同樣的多此一舉？
　套用作者一句，這是經營者的問題，節目播出街的內容亦有通訊事務管理局把關。

「沒有富經驗的對口人」
　講到係「必須」，這究竟是行規還是明文規定？
　為何顧問及官員／行會成員沒有一早提出異議，或乾脆退回申請？
　
「圖以群眾壓力去取代政府的專業判斷」
　專業判斷？下面層層都話發三個牌，係最後去到行會拍板先至變成兩個，誰專業？

「政府招標，從來根本不可能公佈有關原因細節」
　一、這不是招標。
　二、假如申請者明顯不符合條件或令政府有顧慮，政府只須簡單表達出來已經夠。
　　　另外亦可在審批過程中要求有關申請者就某些項目先作改善。

「太有創意，一直沒有跟從規則及要求」
　若是如此，為何他沒有一早就被踢出局？
　除非那些係「潛規則」同「暗要求」吧。

這個決定究竟是對是錯，目前還難以評論，但處理手法就絕對有改善空間。

－－－－－－－－－－

該網主有另一篇相關文章：
http://www.yefengblog.com/89-回應王維基的考試論.html

我再簡略點評如下。

「公開試評分並不是公開的」
　這個我認同，但之前發收費電視牌有解釋喎。

「沒有英語頻道」
　網主自己都話「（根據報章及互聯網公開的資料，可能有誤）」。

「駕駛執照考試」
　我也不知這位網主有沒有車牌，考車牌係會畀返張評分紙你的，肥佬或合格都睇到邊樣好邊樣差。

「未開考已作答」
　這個基本認同，但不是不發牌的理由。如蘇局長所言，這是他的商業決定，
　但後半截我會理解為：既然不構成發牌的理由，同樣也不構成不發牌的理由。

[ 本帖最後由 DIH 於 2013-10-22 11:04 編輯 ]

原帖由 238X 於 2013-10-21 14:07 發表


但實際行動上卻不太見有。
譬如這一次，好像沒甚麼人說過圍中聯辦。

咁又係 o既,
我都睇左尋晚香港個段新聞 (我身處 o既地方係比香港遲小小先睇到哂成段),
見到王生而家將個矛頭直指梁振英,
連佢自己都唔想係阿爺搞出黎 (就算有佢都唔會講架啦) ...

老實講, 起呢件事上面我覺得真係好戲劇性,
又本來係好正面 o既事搞到最後有成十二萬人上街,
之後 CY 出聲, 王生就話佢火上加油搞到成件事升埋級 ...

唔知有冇電視台會翻拍呢件事做劇集 - <<電視風雲>>

[ 本帖最後由 AVD1 於 2013-10-23 12:47 編輯 ]

原帖由 AVD1 於 23/10/2013 12:30 發表

之後 CY 出聲人地就話佢火上加油 ...

呢句俾我嘅感覺係「梁振英被『人地』老屈」

原帖由 238X 於 2013-10-23 12:32 發表


呢句俾我嘅感覺係「梁振英被『人地』老屈」

已經修改左上文字眼

我本人立場就認為政府理應順應民意, 至於電視台自己本身根本就係市場搞掂,
香港一向都大市場小政府, 乜得今次政府又咁上心 ...

畢竟民眾越來越追求知情權,政府亦成日廣告公開資料守則
http://www.youtube.com/watch?v=O1WYLw0VRoI

講真乜都話保密,神神秘秘,搞到大家唔清唔楚....
只會增加各方面人士放話,又話引用據:業內人士,政府內部資料...等...唔知真假來源的資料
政府越唔講,越多猜測,越多懷疑,越多論點(正或反),肯定有排嘈....
我係認為就這發牌的後續處理梁振英的確有欠妥善.

[ 本帖最後由 Makoto 於 2013-10-24 11:55 編輯 ]