政府公佈發2免費電視牌照 香港電視不獲發牌

原帖由 JX9097 於 2013-10-17 02:34 發表


根本唔使咩顧問報告
明眼人都知發生緊咩事
(只係差在用咩心態去對待)

依家其實689擺到明就係"我偏偏唔揀呀,你奈我咩何"
即使你埋去直接問佢,佢都只會耍你走 ...

事件過一日, 似乎越來越消息, 是真是假無從得知, 如明報指:

"行政會議決定只發出兩張新免費電視牌照，否決王維基的「香港電視」的牌照申請。據本報接觸多名了解內情的人士得悉，行會討論過程中有激烈的不同意見，具資深公務員背景的行會成員如羅范椒芬、葉劉淑儀等認為，應按照通訊局建議發3張牌照，否則很難向市民交代，但其他行會成員較多傾向只發兩張牌，不發牌予港視，其中張志剛發言較為積極，最後特首梁振英按照行會成員發言顯示的取向，在未有正式記名投票下拍板。 "

蘋果指:
"根據從未公開的第二階段報告內容，有線奇妙電視最具競爭力，像無綫一樣，不論發多少個牌照，都能夠生存。港視競爭力被評為第二，因成本結構相對低及較具彈性；只要該台每條頻道平均收視由0.15%提升至0.26%，便能收支平衡。
「包尾」的是電盈香港電視娛樂，報告認為須極大幅度提高節目效益，才可達致收支平衡；加上其服務覆蓋率較低，在三個機構中最難生存，其優點則是母公司電盈財雄勢大。"

但似乎所有消息來源都是指政府內部都有不同意見, 而其中最大問題似乎是行會沒有跟隨通訊局建議發3張牌, 這是比較特別, 因為行會沒有跟隨專業部門/局的意見, 而就算3選2, 似乎亦不合乎第二階段報告內容

雖然行會是集體負責, 但最後責任當然在CY身上, 我想因為行會"保密", 部分成員都會因事件食死貓了...

至於有站友用369 同王生的"玩野"去講, 其實就經濟發展角度, 香港正正是需要呢類"玩野"的人,
如果政府是較有遠見, 唔應該故意打壓呢類發展, ATV咁都未死得, 其實電視台無咁易死的吧...
事實上, 香港電視業亦從來未限制於只是香港700萬人, 大家睇下近年韓國點樣打造娛樂行業
到全世界? 更何況今次開放本身都唔係全面開放, 無頻道開放tim

就算有間會執粒, 批5間, 執左一間, 都仲係四間, 比現時的選擇還是多, 等市場自然選擇本身也
不是壞事...

[ 本帖最後由 3ASV196 於 2013-10-17 08:20 編輯 ]

原帖由 kay 於 2013-10-16 20:06 發表
今日無線收視真係比幾年前差好多，平日黃金時間好多時得24-26
星期六隨時得返10-18(勁歌擺黃金時間係得8點)
播埋d爛劇/睇唔明既就隨時低見18-20，長遠相信只會慢慢下降

我諗呢個都係因為多項因素,
包括佢旗下 MyTV,
另外而家有唔小後生仔女根本對港劇已經冇興趣轉睇台日韓, 呢點正正就係反映到香港電視劇根本就追唔到潮流, 或者摸唔到究竟時下觀眾要 D 乜 ~

根本其實要睇電視 o既人可以話係冇小到,
只係 TVB 做出黎 o既野得唔到民心 ~

今朝知道更多內幕，這才令到我有少少轉變態度。

通訊局建議發三個、資深公務員建議照跟、香港電視在評級中排第二。
這才叫做有理據反駁行政會議的決定。在此之前，只可說是自作多情。

多家報章逐步收到內幕料，一定係有人爆，名都開埋，一定係有人極度不滿。
爆料人相信係唔想食死貓，務求於短時間內將槍口對準真正要負責的人。

我諗我開始明白發生甚麼事，但重點不是「有心人應獲發牌」，
而是「應根據程序及客觀事實作決定」。

原帖由 3ASV196 於 2013-10-17 08:06 發表


事件過一日, 似乎越來越消息, 是真是假無從得知, 如明報指:

"行政會議決定只發出兩張新免費電視牌照，否決王維基的「香港電視」的牌照申請。據本報接觸多名了解內情的人士得悉，行會討論過程中有激烈的不同意見，具資深 ...

而家爆單咁 o既野出黎, 梁振英睇黎都幾難解話 ~

即係就算三揀二都冇理由唔係整走李氏個間 (既然佢排最後),
唔講政治, 真係點解都解唔通 ~

除非梁振英有種行出黎話王維基黑我憎所以我唔批比佢囉,
既然梁振英都已經 wea 爛左自己塊面, 就冇咩必要 keep 住自己個所謂形象,
何況佢認為自己又有大條道理就好應該公開事實 o既全部 ~

原帖由 DIH 於 2013-10-17 09:12 發表
今朝知道更多內幕，這才令到我有少少轉變態度。

通訊局建議發三個、資深公務員建議照跟、香港電視在評級中排第二。
這才叫做有理據反駁行政會議的決定。在此之前，只可說是自作多情。

多家報章逐步收到內幕料，一定係有 ...

而家好似講到王維基想司法覆核,
但係內幕消息始終都唔係一個所謂證據,
除非真係有人玩到好似唐英年咁企出黎啦...
不過有咩後果大家心照 ~

一講到唐唐就好自然會諗起當日佢話梁振英同埋商業電台單野,
今次就 HKTV, 兩單都係同傳媒有關 ......

如果王維基中間落墨,免費電視同月費電視變成年費電視,每年百幾,諗唔諗得過!

原帖由 DC3938 於 2013-10-17 09:29 發表
如果王維基中間落墨,免費電視同月費電視變成年費電視,每年百幾,諗唔諗得過!

而家佢話唔考慮做收費電視 ......

來自晴報：
http://hk.news.yahoo.com/王維基撰文-我沒有plan-b-224519609.html
http://www.skypost.hk/column/王維基/007001004040/我沒有Plan B/113911

原來他沒有Plan B，我只可以講句，真係好傻好天真。

睇咗最新消息，但無特登 dig 入去。
不過連羅范都建議照跟，而王維基之前好似係梁粉、
李嘉誠家族亦一直同梁振英集團過唔去，
梁振英其實屬於自隊三刀、損人不利己。

王維基話佢自己唔信係政治決定，
唔理佢係咪真心，我都覺得有一定根據，
因為即使以最自私的角度看，
梁振英仍是不按牌理出牌。

就事論事，如果你問我，
梁振英 (集團) 有邊樣應做而無做，我而家諗到兩個：

一、一份詳細的風險評估
二、一個收費電視牌

因為最快都要歸家才看到蘋果的資料，
嗰份報告究竟有無包到風險評估，暫時未知，
但我認為無多過有。

亞視「撐得住」，原因不問可知，
個人不認為香港電視有此因素。
玩到咁大，樹敵必多，發咗牌俾佢，
財團一定針對佢，佢可能死得仲慘。

如果呢一個 point 可以表現喺風險評估身上，
無論真正目的如何，都應該整出嚟。
不過以梁振英 (集團) 做事嗰種馬虎法，
無諗過咁做，完全唔出奇。

不過就算係咁，而我亦同意唔應該 (即刻) 發免費牌，
俾返一個收費牌佢做都得吖。定係佢已經有？

如果已經有，件事就十分簡單，
甚至王維基噚日做嘅一啲嘢 (如裁員) 似乎有點多餘。
既然佢得民心又肯做，大家應該做嘅係叫佢起個收費台，
人人俾錢佢做，用更實際行動去向梁振英說不，
好過 (齋) 圍住政府總部但又唔見得迫到梁振英。

當然，如果無，咁迫梁振英就範就係唯一辦法，
有關詳情已在 50# 詳述，不贅。

[ 本帖最後由 238X 於 2013-10-17 10:05 編輯 ]

原帖由 AVD1 於 17/10/2013 09:32 發表

而家佢話唔考慮做收費電視 ......

原帖由 DIH 於 17/10/2013 09:41 發表
來自晴報：
http://hk.news.yahoo.com/王維基撰文-我沒有plan-b-224519609.html
http://www.skypost.hk/column/王維基/007001004040/我沒有Plan B/113911

原來他沒有Plan B，我只可以講句，真係好傻好天真。 ...

如果王維基確實想迫梁振英就範，
講到自己已經入咗絶路，激起大家情緒，無得輸。
星期日必定有戲睇。

至於是否事實，可能只有佢同佢啲伙伴先至知。

[ 本帖最後由 238X 於 2013-10-17 10:08 編輯 ]