港鐵巴士路線K52調整班次

原帖由 MG9003 於 22-10-2013 11:04 AM 發表


你講得無錯....k52 豬紙一路都無改....其實行左 60分鐘食飯後 , k52 已經大部份時間係行 13分鐘一班 , 係入夜大約 2030 後先開始行 15分一班 共六架車行 , 一路去到 2300 就會再對收多兩架車 , 拉到 20分一班 一路 ...

但換完豬紙，根據佢個13分鐘一班，計番條數，又係1905有一班，但上星期及呢兩日1905等到1913都係無車，最終都係投入K58懷抱。(或者搭506去市中心落叫埋K51呢一飛)(我用全月通，先可以咁搭……)

K52？？真係信唔過？港鐵既班次表？？睇黎冇一條線係信得過。好可能只有K73特別班,K75P天瑞-->洪水橋特別班做到。

原帖由 拾顓豭 於 2013-10-22 19:14 發表

個人都記得係出咗一兩單大禍嘢, 主要都係龍門路附近, 行車時間唔夠就當然

西鐵站 (舊站) 出嚟支燈, 聽朋友講可以去到超過 100 秒一轉, 但順起上嚟都有 <8 分鐘嘅, 同深圳有得揮
而新站近期應該係較過燈, 基本上一出站, 只要左轉去到鄉事會路路口, 基本上下一步已經放燈轉右, 唔會等超過 15 秒,
不過市中心多咗上落, 青山公路又整水管, 整體時間一加一減都係偏慢

反而返到屯門站入站就... 如果食燈尾, 就要等多兩分鐘先返到家鄉
所以會留意到有一部份客見親 K52/53 西鐵站方向都唔會上, 原因係搭開就知 K51/58 多數更快

而講起行車時間, K51/52 一向都唔夠, 最經典係 521 拉長去富泰, 未有耐已經經常過鐘, 去到好後期先加長行車時間

K52 亦係去到近幾年先加返上 40-50 分鐘一單不等

總之河傍街/鄉事會路同鄉事會路/杯渡路兩組燈分別都大概 105 秒一轉，要兩組順晒先會快過 8 分鐘
去到置樂。只不過當年新墟仲要埋多個站，所以係好少機會可以咁快。當年我計過時最快係 6 分半鐘，
由屯門站一直到置樂冇停過燈，兼且唔係站站停。

杯渡路組燈已經有一段時間係咁，屯門站頭幾部車出去係順住，但最弊有時放兩轉杯渡路直行既燈都唔放
屯門站出杯渡路既車，果度我冇計過要幾耐，但肯定唔短過分半鐘。反方向入屯門站更加唔好提，有時 d
小巴夠膽死硬攝入黎，組燈又放得短過人。

K52 搬去屯門站之後先加密到非繁時 16 分鐘一班，用 5 部車行 80 分鐘一轉；跟住係 14 分鐘一班，
用 6 部車行 84 分鐘一轉；近期少少就轉做 15 分鐘一班 90 分鐘一轉。

個時k2X都係得36
a59循環比得60無限跑唔洗落地
鐵巴從來都跑狗
我諗做得最穩係k75

原帖由 拾顓豭 於 2013-10-22 16:51 發表


印象中單層車 (A52) 年代都叫做勉強行到, 起碼當年冇咁多上落, 脫班情況都唔常發生
自從搬咗去西鐵站後, 脫班情況明顯嚴重, 之後加時加車先好啲 (轉 45 分一單後),
依家受置樂段工程同多上落客影響, 除非繁班次穩 ...

以前 K52 未加時都係得 42分一單....如果行星期六日更表 食完飯後有字軌仲要得 35分一單 , 都唔知點跑 不過記得 之後跟住果單係會有番 50分 比你行....變相做循環線咁做囉 唔駛旨意落地..........
而家無辦法 , 繁忙時間 置樂段既青公 又多車又繁忙 又多人上落 , 而且成日整路無左條線 , 而且去到鄉事會路到屯西燈位又多 , 係杯渡路右轉入河傍街盞燈 唔順起上黎等你 3分鐘都未轉燈都夠膽死.....
K53 開線時 4架車用三菱仔  48分鐘一轉實夠行 , 而家 K53 多左好多客坐 極少用單層車客 , 而家下段無記錯 K53 係有架 S01 , 最多車行走時間係有 5架

原帖由 lsc04d11 於 2013-10-22 19:31 發表


但換完豬紙，根據佢個13分鐘一班，計番條數，又係1905有一班，但上星期及呢兩日1905等到1913都係無車，最終都係投入K58懷抱。(或者搭506去市中心落叫埋K51呢一飛)(我用全月通，先可以咁搭……)

K52？？真係信唔過？港鐵既班次表？？睇黎 ...

K52 中段真係 13分一班既....但係 龍門路日頭真係好多重型車 而且又多人上落 好多時真係會過鐘唔奇 , 反而入夜後 K52 就會比較準時 , 因為 45分鐘一單真係好好行 , 試過一次最快順燈又無咩人 由龍鼓灘出黎屯西 只係用左 28分鐘 , 前車都仲未走抖足 15分
最信得過係 K58  星期六時間表 , 15分鐘一班 45分一單 , 全線得六架車行 , 但星期一至五 K58 成日都有機會甩班

原帖由 chiukit2001 於 2013-10-22 22:33 發表
個時k2X都係得36
a59循環比得60無限跑唔洗落地
鐵巴從來都跑狗
我諗做得最穩係k75

K75 都唔一定架
有時田廈路塞車 就一頭煙架啦
不過 K75 兩架車行 最多兩架車自己嗌機互相就番囉

原帖由 fw1321 於 2013-10-22 18:08 發表


印象中當年 A52/K52 都發生過好幾宗較嚴重既車禍...

A52 年代好似係非繁時 4 部車行 20 分鐘 1 班，繁時 5 部車行 15 分鐘 1 班，
偶然星期六、日下晝會甩班。所以拉長去西鐵站改叫 K52 都夠膽畀 35 分鐘一單
根本係 ...

認同 你話番出黎屯西  35分鐘都有機會有得剩 , 起碼無咁多人 , 但 B 更表 食完飯夜晚八點幾 比 35分鐘人跑入龍鼓灘,....拓海上身都未必做到唔過鐘啦
不過 35分一單無記錯應該係舊屯西年代 , 新屯西好似已經無左 35分一單

原帖由 拾顓豭 於 2013-10-22 19:14 發表

個人都記得係出咗一兩單大禍嘢, 主要都係龍門路附近, 行車時間唔夠就當然

西鐵站 (舊站) 出嚟支燈, 聽朋友講可以去到超過 100 秒一轉, 但順起上嚟都有  ...

K51 而家都係 45分一單 , 人多起上黎成日又係過鐘 , 特別 K51 真係超級流水
K52 以前 42 分鐘都唔係好夠行 , 後來呢兩三年先改左做 45分一單
反而 506 拉長去兆麟後 時間就好左好多 , 差唔多有成個鐘頭一轉 , 夜晚 506 返到碼頭前二車都可能未走抖足十五分
不過而家 506 夜晚 規定左離開杯渡屯門輕鐵站個時間 , 快車手 無得行得快好世界

原帖由 MG9003 於 2013-10-23 11:32 發表

以前 K52 未加時都係得 42分一單....如果行星期六日更表 食完飯後有字軌仲要得 35分一單 , 都唔知點跑 不過記得 之後跟住果單係會有番 50分 比你行....變相做循環線咁做囉 唔駛旨意落地..........
而家無辦法 , 繁忙時間 置樂段既青公 又多車又繁忙 又多人上落 , 而且成日整路無左條線 , 而且去到鄉事會路到屯西燈位又多 , 係杯渡路右轉入河傍街盞燈 唔順起上黎等你 3分鐘都未轉燈都夠膽死.....
K53 開線時 4架車用三菱仔  48分鐘一轉實夠行 , 而家 K53 多左好多客坐 極少用單層車客 , 而家下段無記錯 K53 係有架 S01 , 最多車行走時間係有 5架

曾幾何時 K53 係幾好做既一條線。開線時冇記錯係 60 分鐘一轉，用 5 部車行，
之後以性驗性質搬去兆康站仲係 keep 住 60 分鐘一轉，但暑假期間減 1 部車行。
再搬返去屯門站之後就減到 4 部車行 48 分鐘一轉，但果時下繁頭兩轉有兩部 K2P 攝。
果時有部分車手做到唔駛 30 分鐘一轉...

相比之下，K52 就一直都唔好做，所以好多車長都幾肯跑。

原帖由 fw1321 於 2013-10-23 13:52 發表


曾幾何時 K53 係幾好做既一條線。開線時冇記錯係 60 分鐘一轉，用 5 部車行，
之後以性驗性質搬去兆康站仲係 keep 住 60 分鐘一轉，但暑假期間減 1 部車行。
再搬返去屯門站之後就減到 4 部車行 48 分鐘一轉，但果時下繁頭 ...

K53 開線果時真係無咩人坐,  三菱仔都夠載 , 而家 K53 既客量 雙層都可以坐到滿晒
而且青公咁鬼死繁忙又多車行 成日都唔夠行
K52 係食完飯入夜後就好做 , 一來客量少 , 做黎做去都係屯西至碼頭一帶既客, 入龍鼓灘既客都係十幾廿個 ,
出番黎屯西 更加有機會吉車出到黎碼頭先有客 ...而且龍門路夜晚無晒D重型車 , 45分就真係幾好行
不過有D師兄話唔鐘意返 K52 條路嫌佢唔好行 係碼頭打個八仔咁行個圈 兜黎兜去
同埋而家龍鼓灘光輝不在 想當年假期或前夕 去到 2340 尾班車 都可以龍鼓灘總站一站上到頂閘走, 要屯西開既 2320 同 2340 班次入到龍鼓灘都要做短棍出蝴蝶清埋D客出去 而家靜英英 夜晚真係幾好做既