重組隧巴905, 914

如果跟你咁定線，905俾16架車的確夠行，
但係上面我問你，南昌街至界限街之間一段長沙灣道，人流又唔係少，
行去欽州街905X，或者行去太子搭905，都有一段距離，佢地應該搭咩車好？
你仲未答我喎。

277X重組完，有冇搞到中間有個別車站俾人大幅減班先？
有冇話277X為左慳車拆線，於是縮去九龍灣，唔入觀塘，跟住再施捨一條20/30分一班的線，
華明刷邊，唔入總站，出觀塘巿中心先？
你將905縮去上環，正正就係做緊呢樣野囉。

本版年中都有唔少人提過905灣仔乘載率低的問題，建議縮去金鐘，
但都無你一腳縮到上環咁過份，事實係905下繁上環上車都未必有位坐，
上繁過左上環都仲有半車客，呢半車客全部都係深水步區內上車？

又換過角度睇，905而家非繁除左新巴其中兩轉疏少少之外，平均都9分鐘一班，
914就18分一班，拆完線之後905X開三個字一班，
914開30分一班，減幅相若，根本好公平。
同時905大角咀加旺角佔左六、七成客量，
根本905X做三個字一班，905開12分一班，905X都係俾多左。
不過以905X呢類頗有戰略意義、連接商住區至商住區的特快線，
又真係無理由開疏過三個字一班，再疏就會趕客，況且佢仲食埋富昌/南昌914果份；
加上大角咀旺角9變12尚可接受，成件事根本好公平合理。

簡單來講，你成個建議嚴重向海麗傾斜，
客量差果條叫做914，最繁忙一小時0720 - 0820連914X開六班車，
你就加埋914A開九班。
太古坊特車係值得做，但晨早特快線有乜理由一開波就開五班車咁多？
相反，本身已知有客的大角咀，上繁905都唔知上唔上到車，非繁亦有唔少客搭905過海，
你就夾硬縮短人地條線，去中環金鐘灣仔全面大幅減班，仲要914 905站位完全唔同。
呢D咪係有客唔做，無客加班囉。重組唔係咁做的，講完。

問題係，有幾多人真係需要西隧口轉914A去太古坊？
屯門有三班960X，元朗有兩班968X，各自綁住屯門/大欖轉車站轉乘，
平過西隧口轉你呢條新線，仲要五班車入面得兩班車食正太古坊返工高峰。
剩返係得荃葵會靠佢轉車，倒不如直接開930X呀、948X呀好過。

西九填海區往返太古坊係值得做，但唔好expect轉車客養得起條線囉，
我都只係建議上下繁各兩班914X，呢D特別線根本無理由一開開五班車咁多。

而914站頭可能對部分大角咀居民更方便，但事實係大角咀用905的人數多過914好多，
既然已經養成佢地搭905過海的習慣，做咩又要冒險夾硬改變？
個位數一班變成繁忙時間12/15、非繁20，衝擊係好大，
你保唔保證到大角咀坐905來往中環至灣仔的乘客，大部份會乖乖地走去等幾個字一班914，
而唔係行去奧運站搭東涌線過海？
保證唔到的話，巴士公司點解要冒呢個險？
如果914提速後非繁18變定點30分一班，繁忙時間無減班，你都嫌趕客的話，
咁我可以話你知，大角咀去中環至灣仔，
繁忙時間個位數變12，非繁個位數變20，趕的客至少會係數以倍計。

905經西營盤根本唔慢，尤其是上繁同直出上環更相差無幾。
回程更加唔使講，有乜理由叫人等多兩年D1A(N)路開通，呢兩年慢慢硬食佐敦塞車？

況且，就算914真係有機會快過905都好，如果呢個令到905縮短、大角咀去中環打後大幅減班的理由係成立的話，
同樣地，點解914提速，海麗邨非繁又只可以18變20，唔可以再減？
事實係就算計埋潛在客源都好，海麗邨加周邊屋苑的客量並唔見得比起大角咀多，
根本905/914二拆三應該大家齊齊有份找數先係，
有咩理由海麗邨只係變定點同埋cut晒上繁九龍方向、下繁打後港島方向，唔駛點找數，
反而受益最少的大角咀，就要找最多數，905縮短、中環至灣仔大幅減班超過一半？
莫非因為長沙灣填海區有1181人住，所以比較矜貴？

唔好再重複話914明顯快過905的謊言，唔會重複1181次就錯變成岩。

[ 本帖最後由 S3BL100 於 2013-10-26 14:04 編輯 ]

事實係905 914灣仔金鐘的乘載率根本差唔多，你得閒慢慢搵B2/F1舊文已經有人講過，
換言之大角咀揀905的乘客係多過914好多。

係有唔少人建過縮905，但係最遠都係縮去交廣，無人好似你咁縮去上環咁過份，連中環客都倒埋。

914銅鑼灣乘載率仲低，又唔見有人建議縮佢去灣仔金鐘？

都話左914點改都係會蝕，最多咪輸少當贏。
而家我當佢非繁一架車有25個客，保守估計要50個客先回到本，即係一單蝕$250，
如果18變30分鐘一班，都係一車25個客的話，已經蝕少一班車$250啦。
如果變30一班，一班車由25個客跌到得返13個客以下，先至會因為減班蝕多左，
問題係914用一個唔係太慢的行法做埋北角，我唔認為非繁半粒一班，每班車會唔夠13個客囉。

你問我點解一定要人坐905，咁我又問返你，點解一定要人坐塞佐敦的914？
而家班客搭905返大角咀好地地，做乜要搞佢地？
而且你睇返我定線，905 914分域街打後至上環一段電車路同路，做緊聯合班次，我無迫人坐905喎。

914而家北行快過南行，但係係咪代表九龍方向唔使塞佐敦、快過905先？

我夠知繁忙時間914有客，我個建議入面914/P/X最繁忙一小時仲由六班加到七班，
但係繁忙時間有客，係咪非繁忙時間空載唔減得班的理由？唔好混淆視聽。

905大角咀過海好地地，好地地既野就唔好搞，
紙上談兵話平衡班次客量就易，但係保證唔到大角咀往來中環至灣仔
由個位數變繁忙時間12/15，非繁20分一班唔會趕客搭地鐵，巴士公司點解要take risk？

你根本完全無答過，點解巴士公司角度，值得冒險去趕大角咀客，
大幅削減多客路段服務水平，去維持非繁少客、開一班蝕一班的914，開20分一班。

夾硬改變消費者習慣、改變market dynamics的手段，好多時只會適得其反。

我個goal係905 914提速同時，維持返多客路段合理服務，唔同而家相差太遠，
而你個目的根本係藉機幫填海區加資源，完全無諗過實際客流分佈、現有乘客需要、巴士公司營收、風險評估。
再拗落去根本都無意思，都唔會有共識。

[ 本帖最後由 S3BL100 於 2013-10-27 02:29 編輯 ]

原帖由 1181 於 2013-10-27 08:09 發表 http://www.hkitalk.net/HKiTalk2/images/common/back.gif


咁我又問你, 渡船角係咪一年三百六十五日, 一日二十四小時都塞?
唔塞既話又邊條路快啲?

答案好明顯, 係914快啲
尤其建議入面定線, 南行唔經渡船角直出
中環灣仔段拉直左定線

而我又問下你, 你建議入面905同914 ...

中環永和街街邊總站擺得幾多車先
71以前係中環碼頭可以泊車，改做永和街已經要轉循環

仲未計905車務係有需要同灣仔碼頭其他線一齊執，唔係905脫班新巴搵乜野車頂先

巴士總站有無位都唔係問題啊，想搵一定有，722咪搵比你睇

930咪又一野踢走40M

街邊總站一般都唔係首選
除左有政治考慮，例如40M一定要擺政府總部

新巴18要滿足區議員架車去到石塘咀之餘又唔可以加車，結果要擺屈地街
對比均益大廈二期方案，只係行多兩個街口，對行車時間影響有限

想縮905，真係發下夢算，擺金鐘就做唔到太古廣場，擺中環碼頭交廣就要預塞車嚴重，永和街等同縮左去港澳碼頭無分別

重點係，你反對914非繁減班果堆理由，全部套用返落大角咀，
反對縮905，反對去中環至灣仔大幅減到得返20分一班914，一樣適用。
既然係咁，你認為你反對914非繁減班的理由到底幾有說服力？
你唔想自己樓下俾人減班，就要幫手將人地班次減超過一半？

905九龍方向離開西隧口後，下個站已經係中匯街，覆蓋大角咀大部分住宅區，
914就算佐敦唔塞車，又要食多幾多支燈？慢幾多？

你無減過大角咀的班次，但係你縮905，大角咀去中環至灣仔的班次無左超過一半，
而呢段路需求唔細，咁已經唔得啦。

永和街都叫做中環，唔知玩偽學術既係邊個？
我又問下你，利源東街、置地、匯豐、中銀果頭返大角咀，無左905，
係咪個個塞晒落去下繁15分一班，非繁20分一班的914，被減班被兜路？

係，我個plan入面條914係疏過你果條，但係
我個plan入面，每個區減班幅度根本一樣，成件事根本好公平。
但你唔係，大角咀905明明真係有唔少客搭佢往來中環灣仔，就迫人搭20分一班914，
而家係講緊某幾個origin-destination pair（而唔係講緊某條線）由個位數變20分一班，唔見超過一半，
而唔係比較某條線同某條線的班次，你明唔明我到底point out緊D咩？

905旺角頂閘又點？係咪上繁班班都旺角頂閘？
大角咀見到905個位數班次，914已經做衰左個名，佢地真係會死等905。
仲有回程呢？905係咪多客到推左唔少客焗等914返大角咀？
如果係既話，更加唔應該縮905啦。

而家灣仔至中環，905 914叫兩飛，好地地，
做咩要縮線，又要將914回程掟埋出海皮？我有冇搞到回程905 914一條行入面、一條行出面？

如果你想914代905，唔該914加到起碼兩繁8-10分一班，非繁12，問題係唔夠車，
咁搞就輪到西營盤客倉祭旗，而九龍西本身去西營盤客量亦唔少。

粗略假設905全日平均七分半一班車，一日18粒鐘，單向都有144班車，
假設平均乘載率50-60%之間，平均每架車70人，咁一日來回加埋都有兩萬個客。
當中假設有三成大角咀，都有六千人，
我當得一半係去中環至灣仔的，都有三千人次，
呢三千人次，就算有一半俾你縮左905之後，肯乖乖地走去等繁忙時間12/15、非繁20分一班914，
都有千五個客倒左落地鐵，兩巴加埋一日都唔見左超過一萬銀，一個月就唔見幾十萬。
你估兩巴會唔會咁蠢縮905去永和街？

914 18變20分一班，拉直條線，搵唔搵到千五個客返黎？
再睇返舊年RDP文件，914非繁銅鑼灣客，加埋海麗/南昌/荔枝角道/佐敦往上環至灣仔客，都係得千六人，
914提速但減到30分一班，就一定唔會趕晒呢千六人既，起碼上面計左俾你睇，蝕少當贏。
想呢千六人（實際千六都冇，因為南昌會有905X）唔好減班，就要三千人受更大程度影響，
搬站唔見一半班次兼被兜路，咩道理？

紙上談兵就乜都得，唔該你得閒下晝至下繁走去太古廣場、利源東街
數下有幾多人搭905，再睇下永和街係咪仲適合做總站，先好講。

如果拉埋948、971來做重組又如何？這是我的構想
914：改為只於以下時段服務，來回不經八文樓
服務時間：
往天后：6:25—8:40（15—20分一班，週一至週六）
往海麗：16:15—23:05（15—20分一班，週一至週五）；12:45—20:00（15—20分一班，週六）
905：在914停開時段途經富榮花園，往荔園全日不經深旺道
971：來回改經大同新村；並新設海麗邨往堅尼地城的9.3八達通分段，並延長南行尾車至22:40
948：提升為全日服務，以長宏為青衣總站，在914停開時段繞經南昌站、海麗邨，並新設海麗邨往返天后的9.8分段（北行須用八達通），全系調整如下
948新時間表：
平日：
往天后：7:00—8:20（15分一班，長宏直出長康，直接過海）；8:35—22:30（15—20分一班，經長安、海麗邨、南昌站）
往長宏：6:30—16:00（20分一班，經南昌站、海麗邨）；16:15—23:00（15—20分一班，直返青衣）；23:20、23:40、24:00（均經南昌站、海麗邨）
週六：
往天后：7:00—8:20（15分一班，長宏直出長康，直接過海）；8:35—22:30（15—20分一班，經長安、海麗邨、南昌站）
往長宏：6:30—12:30；20:20—24:00（20分一班，經南昌站、海麗邨）；12:50—20:00（20分一班，直返青衣）
假日：
往天后：6:30—22:30（20分一班，經長安、海麗邨、南昌站）
往長宏：6:30—24:00（20分一班，經南昌站、海麗邨）
現時948上繁班次將命名為948A，並直接由翠怡花園過南橋，服務時間為7:05—8:25，15分一班
現時948翠怡花園班次將命名為948B，班次路線不變
948X取消；948P仍照舊