重組隧巴905, 914

原帖由 1181 於 2013-10-28 11:25 發表 http://www.hkitalk.net/HKiTalk2/images/common/back.gif
有段時間我日日722轉914(X)番放工唔通我會唔清楚過你? 定係閣下日日特登嚟地球坐914? 姐係咁, 如果914個朵真係咁臭(其實都唔係好) 會唔會朝朝海麗, 洋松街, 海富, 富榮站站最少二十個? 914P過哂9點都仲有咁多捧場客 ...

唔好轉移視線

搞清楚一件事先，而家914/P/X兩繁客量無問題，係咪代表非繁忙時間客量都無問題？
我建議減的都係非繁同埋上下繁少人果個方向，本身多人的方向我有冇建議減？
無囉，最繁忙果一粒鐘（0720 - 0820），仲加多一班車至七班喎（3班914P、2班914、2班914X）

你又唔搬下非繁忙時間的數據俾大家睇下？

又係時候拎舊年RDP數據出來。
舊年RDP建議914減剩上繁出港島同下繁返九龍，受影響人次約2300人。
914而家做17個鐘生意，當佢減剩上繁兩粒鐘、下繁兩粒鐘，即係cut左15粒鐘，
每18分開一班，即係來回一共建議減少15*(60/18)*2 = 100班車，
換言之非繁忙時間平均每班車得23個客。

早年有人講過一架雙層巴士每小時運作成本係$300，
我就同你估算下，平均每班車23個客，條數會係點。
唔計私牌額外成本，當一單真係可以72分鐘跑完（而家九巴係俾90、新巴俾72），
每單成本都要$300 * (72/60) = $360，
再加隧道費$140，一單成本都要$500，換言之
要五十個客先回到本，每單蝕$500 - $230 = $270
（為方便計算，已經當每個客俾$10，而唔係exact的$9.3）。
每日100班車，就蝕$270 * 100 = $27000，
再乘三十，如果舊年轉兩味大計實行到的話，兩巴每個月加埋可以蝕少81萬銀，除二每邊都慳40.5萬。

跟住又睇下，繁忙時間多客，能唔能夠cover返非繁虧蝕。
就算俾盡上下繁都係12分一班，兩粒鐘一共開10班車，上下繁加埋20班車，
客量又取其high end，當每班車都有120個客（實際係咪班班車咁多，大家都好清楚），
每班車賺七十個客，$10 * 70 = $700，乘20都係$14000，
但非繁蝕$27000，換言之繁忙時間條數只係填到一半，914日蝕萬三，
乘三十每個月蝕39萬，除二每邊都蝕緊接近20萬。
呢個估計，雖不中亦不遠矣。

而上面係假設無額外私牌維持班次的成本，又計到繁忙時間平均每班車120個客，載客率達九成，
繁忙時間班次又俾多左，因此實際虧蝕只會比起上面的數字更高。

你而家明白點解兩巴咁想減914非繁未？一個月蝕廿萬銀，
你估將賺錢線905的大角咀客，推晒落914，填唔填到條數？

你根本派唔到定心丸俾巴士公司，推905客落914，唔會有side effect趕客去其他交通工具，
巴士公司點解要跟你果套重組？
須知道巴士公司重組都要睇住盤數，重組都要得到巴士公司首肯先上RDP，
如果你走去巴士公司做network development，佢地就真係多謝晒。

===

for the sake of argument，你近月不斷朝思暮想無客要斬果條11B，我又用每小時$300計俾你睇。
11B日開十八粒鐘，兩繁雙向多客，非繁少客，
一單40分鐘，以上面每小時成本$300的數字，一單成本要$200，
每位收$4.9，即係一單要40個客先回到本。

假設多人時段上下繁加埋四粒鐘，少人時段14粒鐘，我按照以往觀察，假設土瓜灣、翠屏各15個客，
每單做到30個客，即係蝕10個客車費，每單蝕$50，
又用未減班轉定點前，非繁平均每12分一班，14粒鐘對開一共14*(60/12)*2 = 140班車，
每日非繁忙時間一共蝕$50 * 140 = $7000。

跟住又睇下繁忙時間填唔填到條數。
上下繁一共四粒鐘，11B雙向都會頂閘，我又造數造低客量，當每邊可能得一兩班車頂閘，
其他班次好大機會仲有大把位坐，取其low end，兩繁平均每單70個客，
上面講左每單40個客回本，因此繁忙時間每單賺$5 * 30 = $150。
又為方便計算，假設兩繁平均每10分一班車，上下繁加埋四粒鐘，
對開一共4*(60/10)*2 = 48班車，
於是繁忙時間一共賺$150 * 48 = $7200，岩岩好填到非繁蝕本條數。

但我地都知道，11B蝕緊錢，因此上面的計算說明左兩樣野：
1. 11B就算蝕錢，都係微蝕，無肉食但未至於月蝕六位數
2. 上面已經造低左客量，都計到有賺，好明顯一架雙層巴士每小時運作成本係多過三百蚊

晌上面第二點的前提下，你一路話因為繁忙時間有客，所以非繁都唔減得果條914，
實際蝕本程度只會比起上面所估計更高，繁忙時間有客根本唔係非繁連班次都唔俾減的理由，唔好再混淆視聽。

原帖由 mak5052 於 2013-10-27 18:32 發表 http://www.hkitalk.net/HKiTalk2/images/common/back.gif
如果拉埋948、971來做重組又如何？這是我的構想
914：改為只於以下時段服務，來回不經八文樓
服務時間：
往天后：6:25—8:40（15—20分一班，週一至週六）
往海麗：16:15—23:05（15—20分一班，週一至週五）；12:45—20:00（15—20分一班，週六）
90 ...

948全日但兜西九填海區，感覺認真麻麻，我唔知青衣會點諗。
順帶一提，早前B2板有人放過風，話948九巴評估過，全日的話，非繁每班車客量會係個位數。
當然新巴的評估結果有分別，但係青衣係純住宅區，非繁客量未必有好大保證。
況且都係果句，全日係要兩巴有共識先可以做。

當然，948非繁營收一定好過914，沿線太多位唔近地鐵，而且一程收$16，但行車時間同收$9.3的914差唔多。

至於905，港島方向改經富榮，要食多幾枝燈，慢過而家個行法，
除左大同新村果頭搭車行遠左之外，905西營盤唔係獨巿，唔值得冒險將旺角返西營盤的乘客送俾紅小。
而九龍方向，中匯街本身唔少人落車，我又真係睇唔到點解要唔行深旺道。

趕左蝕錢線的乘客落去搭地鐵，運吉巴士公司雙贏，
但係如果趕左賺錢線的乘客搭鐵，又係咪一樣？

你問我點解唔先試914定點再決定減唔減班，根本係轉移重心，
因為而家成件事係你為左914做到非繁20分一班，而要夾硬縮短905港島段，
用行政手段趕905中環至灣仔客落914/地鐵。

的確係因為914疏車兜佐敦，趕左唔少人去坐905，呢個係巿場主導。
但係用行政手段，調轉將乘客由密車、直接的路線，趕去疏車及/或兜路的路線，
而條線又唔係獨巿，你估會唔會work？

既然班客已經由914趕左去905，你估914變定點，到底吸到幾多返來？
用行政手段迫人得返914揀，又保唔保證到全部客都會乖乖地搭914，唔會走去搭地鐵？你無答過。

從來如果有兩條線重疊，一條賺錢一條蝕錢，
巴士公司只會陰乾蝕錢線，將蝕錢線乘客趕去賺錢線，
而唔會係調轉，唔會將賺錢線乘客趕去服務水平差一大截的蝕錢線上面「平衡」囉。

乜而家只係得減914班會趕客坐地鐵，而縮短905又唔會？
都係果句，你從來無派過定心丸俾巴士公司，說服大家點解值得大幅縮905。

上面已經計左俾你睇，914縮到半粒鐘一班，只要有超過1/3原有乘客繼續乖乖地搭914，已經唔會蝕多左。
但係你縮905，班客走左10個去搭地鐵，就係走左10個，賺少左10個客的車費，唔會因為咁而賺多左囉。

不過呢，我諗我講幾多你都係唔會明。

[ 本帖最後由 S3BL100 於 2013-10-28 14:00 編輯 ]

需知道海麗邨只係深水步咁多個山頭的其中一個，
成個plan深水步其他區應該都會支持，海麗亦唔見得一定全盤反對。
你估海麗邨一個山頭仔，鬥唔鬥得過深水步其他咁多個山頭加埋？

又咁講，只要巴士公司而家開始，非繁減914一架車俾905，之後就可以安心重組了。

淨係郁914，醫局街/海壇街果頭無車搭，你估又一定過到？
而家成個深水步淨係得海麗邨？
我諗你都好清楚，海麗邨行去美孚/長沙灣道搭車，
仲方便過醫局街/海壇街果頭行出南昌站或者長沙灣道囉。

914過唔到，問題係你夾硬縮905，大角咀又會有咩反應先？
雖則總站區有主導權，但係大角咀不嬲唔係太容易應付，
係咪完全唔駛理會人地，咩甜頭都唔俾人先？

又咁講，而家運吉諮詢RDP，好多時都唔會總站區一個山頭反對就ban，
佢地都會綜合反對理由，再一併考慮，最終覺得需要做的重組，都會建議照做。
今年已經有幾個例子，總站區反對都照做/將會照做，例如15A、277X、41A/44呢D

你認為你個plan可行，完全係基於905可以縮去永和街的前提。
但係前面已經有板友講左，永和街唔適合做總站。
而且更大問題係，重組的主導權根本係巴士公司，
巴士公司因為影響收入而唔肯縮905的話，你可以點？
我問左你幾次，你點派定心丸俾巴士公司，唔會因為縮905而趕客，
你無答過，只係識帶人遊花園，話地區乜乜物物，
由頭到尾，你根本完全無考慮過巴士公司肯唔肯做的因素。

海麗只係深水步其中一個山頭，914呢D大蝕線要重組
根本沿線個個區都要有犧牲，無可能話
海麗呢個山頭仔可以又食又拎又唔使任何付出，全部由其他山頭找數幫905拆線囉。
而家巴士重組根本唔會有呢隻歌仔唱，
重組蝕錢線一定都係將大家會鍾意既野（例如in this case大幅拉直914，再加914X去太古坊）
同一d同一個山頭會唔鍾意既野捆綁埋一齊。

同埋又咁講，RDP文件諮詢路線重組，有幾可會詳細寫埋非繁班次？
我寫埋都只係交代埋非繁派車數目諸如此類，
如果係官方文件，我諗多數都只係會寫「繁忙時間20分鐘一班」或者「班次20/30分鐘一班」，
你根本唔駛擔心會過唔到區議會囉，況且正如上面所講，
運吉綜合意見都會睇埋意見係咪合理。

[ 本帖最後由 S3BL100 於 2013-10-28 23:09 編輯 ]

真係一個議員唔支持，成個區都唔表態？
6/6A如果唔係有人支持有人反對，根本就唔會再重提直到過到。

若干年前輾轉聽過運吉入面有人講過，
一個值得做的重組，出台之後好多時都係一人反對、十人拍手掌，
遇著咁既情況，一般都唔係太難處理，佢地都會盡力傾，傾到落實。
仲拎埋6/6A做例子，話只要唔係全盤反對，只要係有人支持、有人反對，就代表仲有相當機會可以落實。

仲有，唔好誤導人，我無諗過905食914，我個plan非繁914唔係無左，只係減到30分一班。
我一開始就已經話，係914變唔到兩味的前提下，先要搵方法開源節流。

又要再重申，我個建議入面，海麗唔係無甜頭，唔見得議員一定ban。
起碼來回程大幅提速，又去埋北角，上下繁仲有各兩班914X，
淨係計海麗，繁忙時間受惠人數已經多過非繁因為減班（而唔係無車搭）的受影響人數，
仲未計你搞905，受影響人數係多過914非繁減班好多，上面計左俾你睇，至少三千人。

就算議員，最多咪係支持914延長、支持914X去太古坊，但反對914非繁減班，
做完樣之後，最後咪一樣會落實，況且正如上面所講，就算議員反對都唔代表一定唔會做。

而且，減班而唔係無左服務，運吉係唔會計算入「受影響乘客」的。

你想海麗有著數拎，而咩都唔使付出，根本唔可能發生。

任你點反對都好，914非繁唔由18變30，905非繁係唔夠車拆線。
如果呢個plan上RDP，根據慣例，根本唔使寫914非繁減班的。
都係果句，只要兩巴而家直接將914由18變30，唔使諮詢區議會，各加一架車落905，
之後905就可以安心拆線，同914重組了。

[ 本帖最後由 S3BL100 於 2013-10-29 00:25 編輯 ]