如何可優化606的走綫

原帖由 HY671 於 2013-11-13 17:56 發表


何必要同地鐵鬥到底呢？本來的角式已被定性為地鐵輔助線，八點收工好合

理。

其潛在客量應不止於此

最簡單改善方法就係回復二十年前走線, 當年單係西灣河+太古已經佔左大半車客, 不過咁多年之後,
成個東九-港島東交通生態唔同晒, 船已沒落, 港鐵仲係平+慢, 小巴貴+快, 694淨係東隧前後都有小巴客量,
遲下606X係有得做, 可惜做唔返以前個價位.

606縮短至筲箕灣係唔錯, 但轉乘優惠唔應該由694承擔, 用106做差唔多, 起碼班次算密, 同時又係聯營線.

原帖由 LP1200 於 2013-11-13 21:00 發表
講開又講
頭先友人係康怡廣場巴士站見到606同698R之間痴左兩個新號碼落去
一個已知係678，另一個可能係606A?
或者606早繁分拆就黎成事..

A線已有, 係朝早經彩盈o既,
你想講RDP提o既X線?

原帖由 chiuandy123 於 13-11-2013 23:07 發表
其潛在客量應不止於此

同意，我自己一個坐車就會特登等606，但往往朋友同家人都唔願意等，變咗一齊保鐵。
如果606可以加到10分鐘一班，尾車11點，做返靚個Reputation，應該可以好做得多。
假日606真係好多人坐去Megabox等商場行街

原帖由 transbus 於 13-11-2013 23:41 發表

A線已有, 係朝早經彩盈o既,
你想講RDP提o既X線?

X都唔經康怡⋯

我建議將本年度RDP中606A+606X的建議全日化，並爭取606X西灣河上落東廊。

個人覺得606本身有能力同港鐵爭過，問題只係班次太過疏落無人想等
因為由港島東坐港島線，轉車去將軍澳線，再轉觀塘線過海實在好煩(只係魚則東涌站就已經行到腳軟)
若果班次能夠頻密，就算過海速度唔夠港鐵快，都可以吸引一班唔想行太遠，或想有位坐下的乘客

個人覺得次要一點的走線問題
參考一些比較成功的東隧線，例如601、603、619等等，本身都係住宅區來往商業區的走線
在九龍一段途經一大段住宅區(主要都係獨市位)，有一大班客做客源
但606所經的住宅區，就明顯唔及上述路線，而且彩虹一段更是與港鐵車站重疊
個人覺得606九龍段可以增加更多住宅區的服務(例如拉到去順利村)，客源便能增加
至於港島段，主要都係從減少行車時間著手

經鰂太，筲柴客嫌慢
不經鰂太客倉，筲柴客又唔夠客

你係巴士公司點揀？

原帖由 superay 於 2013-11-14 00:45 發表
個人覺得606本身有能力同港鐵爭過，問題只係班次太過疏落無人想等
因為由港島東坐港島線，轉車去將軍澳線，再轉觀塘線過海實在好煩(只係魚則東涌站就已經行到腳軟)
若果班次能夠頻密，就算過海速度唔夠港鐵快，都可以吸引一班 ...

頭一段不太同意...

就係因為改左由民康街上落橋之後, 無論心理上抑或實際上, 對過海客來講都非常之慢, 班次先至一落千丈,
加番密而唔改快條線, 載客率必定下降, 只怕到時唔係再減班, 而係走入待殺之列.

以港鐵太古-藍田為例, 港鐵搭三個站要轉兩次車的確好煩, 但606由小西灣出來爬完柴斜落筲箕灣,
再爬耀興道落西灣河, 行車速度一致, 班次就會易計, 但等得多都忟, 車上乘客訓完一覺又一覺,
可能仲響北角內街兜出兜入, 連渣華道都未到, 加上港鐵太古.西灣河往返東九只係比西灣河船貴,
巴士仲要慢跑英皇道, 即使搭港鐵要行到幾深, 鰂魚涌再落幾多層行幾多路, 港鐵優勢仍然勝過606,
只有用西灣河出入, 巴士先會有轉機, 當年694改用西灣河出入兼減價, 增設分段, 就係明智之舉.

原帖由 EX-TL 於 2013-11-14 01:35 發表

頭一段不太同意...

就係因為改左由民康街上落橋之後, 無論心理上抑或實際上, 對過海客來講都非常之慢, 班次先至一落千丈,
加番密而唔改快條線, 載客率必定下降, 只怕到時唔係再減班, 而係走入待殺之列.

以港鐵太 ...

其實根據RDP，606上繁拆線，係會加多兩架車，推斷606一單連休80分，606X一單連休60分。

以606拆線，606X慳到咁多時間，而606非繁又可以60分行完計，
其實只要佢地肯非繁同下繁都出咁多架車的話，根本可以全日拆線。
而小西灣人口多，又無地鐵，根本係有一定潛力。

就算想縮數，606X非繁半粒鐘一班都好過而家606小西灣至筲箕灣唔知做乜…

又狂想少少，九巴連80X行山都諗得出，
倒不如606都可以試下呢招，606A延長服務時間至下晝兩點，
彩盈後改經樂華、順天、秀茂坪走，606港島方向頭車下晝兩點先開，
而下晝四點後九龍方向606收檔，全部變606A，藍田後改上秀茂坪、順天、樂華、彩盈、
之後彩霞道天橋落啟業，上返彩雲總站。
而家觀塘山上去港島東真係好麻煩，山下唔見得好需要606，方便下山上都好。

我睇好東九既潛力，其實大可打造一條「東九版既118」特快線608，由小西灣經柴斜﹑筲箕灣巴總(如果驚唔夠客既話)，然後上東廊，經東隧直達藍田﹑觀塘﹑九龍灣。

而606系就縮去筲箕灣，主力做鰂魚涌呢個商業區。