(歷史問題)合併前點解有孖寶旺角站?

原帖由 h2o 於 2013-11-19 00:02 發表
但最要命就係單結構兩站如南昌該點叫呢? 似乎係呢個時期開始多人叫XX站代表鐵路站, 而且連城新都係咁用. 然後就係合併時期最興的港鐵XX站.

唔知大家同唔同意?

識頗多住南昌附近既朋友
基本上全部都形容南昌係「西鐵站」
原因應該係有西鐵後, 東涌線先停南昌
有時佢地講搭西鐵去奧運, load唔切就會諗左搭西鐵要點轉車去

原帖由 lrv1092 於 2013-11-19 01:35 發表

識頗多住南昌附近既朋友
基本上全部都形容南昌係「西鐵站」
原因應該係有西鐵後, 東涌線先停南昌
有時佢地講搭西鐵去奧運, load唔切就會諗左搭西鐵要點轉車去 ...

唔知大家有冇唔同習慣，由於東涌線係「非典型」地鐵（其實佢係地鐵公司營運的近郊鐵路），
印象中比較少人會叫東涌線車站做「地鐵站」，各站在我心目中的普遍稱呼如下：

香港站：「香港站」三個字好似已經固定下來，成為地名
九龍（機鐵）站：可能在談話中為免與紅磡九龍車站混淆
奧運站
南昌（西鐵）站
荔景（地鐵）站：有荃灣線
青衣（機鐵）站
欣澳站
東涌（地鐵）站：似乎在東涌才真正有地鐵感覺－月台在地底、地面有PTI、無機鐵；在談話中有時要與PTI、360站分辨

以上並非精密統計，純粹個人觀察。

青衣站﹐其中一個會講 "機鐵" 的原因﹐係初期巴士係用 "青衣機鐵站 TSING YI AR STATION"﹐所以唔少青衣人都會覺得係 "機鐵站"。

同一時間﹐有唔少人會講 "搭機鐵過香港/返青衣"﹐相信都係同原因有關。


而青衣區的路牌﹐亦都是用青衣機鐵站﹐這都是增加大家用 "青衣機鐵站" 的原因﹐唔會用 "青衣地鐵站"。

九龍站情況﹐亦與青衣站相同﹐當年巴士都係用九龍機鐵站﹐路牌亦如是。
參考


南昌站﹐大家講係西鐵站﹐唔會用地鐵站﹐應該都係與青衣站的成因相似。印象中當年701,702都係用 "南昌西鐵站"﹐而大眾宣傳﹐又多以西鐵站一詞﹐所以大家多數都會用 "南昌西鐵站"。


以上並非精密研究﹐亦可能部份資料記憶錯誤﹐純粹個人推測。

原帖由 DIH 於 19/11/2013 10:08 發表

唔知大家有冇唔同習慣，由於東涌線係「非典型」地鐵（其實佢係地鐵公司營運的近郊鐵路），
印象中比較少人會叫東涌線車站做「地鐵站」，各站在我心目中的普遍稱呼如下：

香港站：「香港站」三個字好似已經固定下來，成為地名
九龍（ ...

甚至身邊有 D 唔會分「荃灣綫」「東鐵綫」呢類名既既人，都會將「地鐵」同「東涌綫」有所區別，去荃灣係有「搭東涌綫」同「搭地鐵」兩種方法

巴士用的是「九龍地鐵站」 (MTR Kowloon Station)。

原帖由 KMB-ATE1 於 2013-11-19 11:38 發表

甚至身邊有 D 唔會分「荃灣綫」「東鐵綫」呢類名既既人，都會將「地鐵」同「東涌綫」有所區別，去荃灣係有「搭東涌綫」同「搭地鐵」兩種方法

去到分

東涌綫同地鐵應該已經去到下一層嫁啦

例如問你點返工，你會答左「搭地鐵』先

再問深一層你先會再答話

搭東涌綫之類

答"地鐵，火車，西鐵，馬鐵"既叫法仲有大把

但係小緊，開始有搭MTR, 搭鐵之類新Term 出現

原帖由 busfunfun 於 2013-11-18 03:23 發表
話曬以前係叫旺角地鐵站
一個叫旺角火車站
兩個都唔同名
英文一個係 Mong Kok MTR
一個係Mong Kok KCR
唔存在混淆情況而九龍站兩個直頭唔同位

其實有個問題
將來高鐵果個叫西九龍總站
咁大陸咁大，鬼知你西九龍係邊咩 ...

大陸嗰幾個站除咗廣州南、深圳北，我諗好多人都唔知喺邊
相信九龍知名度絕對比佢哋高
不過既然香港境內得一個站，我覺得可以用香港(西九龍)