（與巴總有關）天后及維園選區由東區「轉籍」灣仔

原帖由 EX-TL 於 2013-11-20 15:35 發表
你當條線搬左去第二區算囉, 隧巴641最近都由觀塘區搬左去九龍城區,
我地冇權表態條線去邊區, 只能夠希望當區唔好亂搞條線.

近期黃大仙區就是想爭取將啟德部分區域歸黃大仙管
又話自己個區唔夠其它區大
又話自己個區掂唔到海（咁都可以係理由）
http://www.districtcouncils.gov.hk/wts/../DC_M4_C_043.pdf

無知愚問：
1)除左樓主個條新聞稿 link 外重有無更多資料來源(或者熟悉行情人士)講下今次轉選區既原因？
2)暫時重有無其他相連選區會有類似既改動？


恕本人唔算深入追開每年 RDP (只理建議/結果，較少詳細了解各區議會角力過程) 但都有少少印象得知灣仔區議會通常都係比較順攤既一區
將樓主所講個幾個巴士總站地區轉為灣仔屬區，以實際服務對象 (客源) 黎講其實都合理 (睇完 #1 第一時間諗到既例子有 81、81A，明顯係服務東區居民多過灣仔區)
但而家咁睇似乎有少少似將部分近年被建議過削線/縮線/改路既路線之中繞過左以往討論時遇到較大阻力既部分，日後該幾個總站既巴士路線要強行重組話唔定會比而家更容易


例如日後地鐵西港島線通車巴士重組時，若果當局突然提出/重提將 5 號執笠，併入 5X 甚至 5B (假設)，唔知會唔會因為灣仔區整體取態一向支持減少該區巴士而輕易放行呢？
又或者日後會唔會演變成藉著區議會選區改動，變相令到部分以往因為某一個區反對而一直成唔到事既路線改動可獲技術性通過呢？


雖然樓主竟然先後係 #4 #5 #11 連番補充再兜左一大個圈先至帶出到重點，但區議會屬區改動對日後巴士路線發展既影響都唔係全無討論價值，似乎唔應該因人廢言

[ 本帖最後由 HW8373 於 2013-11-21 19:53 編輯 ]

原帖由 HW8373 於 2013-11-22 03:50 發表

無知愚問：
1)除左樓主個條新聞稿 link 外重有無更多資料來源(或者熟悉行情人士)講下今次轉選區既原因？
2)暫時重有無其他相連選區會有類似既改動？

1. 官方的解釋，是灣仔區議席數目較少，而東區則議席數目較多，改界是要平衡兩區議席數目。
Ref: http://www.inmediahk.net/node/1018919
2. 目前並無其他選區會更改屬區
（之前政制及內地事務局建議東區四個選區改屬灣仔，但被東區區議會以影響校網分佈反對）

原帖由 HW8373 於 2013-11-22 03:50 發表
恕本人唔算深入追開每年 RDP (只理建議/結果，較少詳細了解各區議會角力過程) 但都有少少印象得知灣仔區議會通常都係比較順攤既一區
......
例如日後地鐵西港島線通車巴士重組時，若果當局突然提出/重提將 5 號執笠，併入 5X 甚至 5B (假設)，唔知會唔會因為灣仔區整體取態一向支持減少該區巴士而輕易放行呢？
又或者日後會唔會演變成藉著區議會選區改動，變相令到部分以往因為某一個區反對而一直成唔到事既路線改動可獲技術性通過呢？

灣仔區都有無咁順攤的例子, 就係跑馬地, 1/5A 同 8X/19 都糾纏左一段時間
不過5系重組就一定係中西區區議會意見主導, 灣仔區預左 no comment

其實我係反對將啟德歸入黃大仙的, 因為咁樣會拆開了整個啟德發展區
不過順帶講下, 遲下啟德的道路網完善之後, 唔知5D會否行啟德的新路直出翔龍灣而不經譽港灣及木廠街, 咁如果啟德仍在九龍城區, 就可以撇除黃大仙區......

原帖由 gordon 於 2013-11-25 10:34 發表
其實我係反對將啟德歸入黃大仙的, 因為咁樣會拆開了整個啟德發展區
不過順帶講下, 遲下啟德的道路網完善之後, 唔知5D會否行啟德的新路直出翔龍灣而不經譽港灣及木廠街, 咁如果啟德仍在九龍城區, 就可以撇除黃大仙區. ...

我又唔係咁睇，黃大仙及觀塘區以清水灣道＋新清水灣道為界。

坪石麗晶都撥咗入觀塘區，觀塘道亦以坪石做起點。
近太子道東的啟晴邨撥入黃大仙區又好似幾合理……

其實A10版提過呢個TOPIC兩次
http://www.hkitalk.net/HKiTalk2/thread-785496-1-1.html
http://www.hkitalk.net/HKiTalk2/thread-807007-1-1.html

都係前輩好野！

講番正題，我反而擔心未來沙中線個時，灣仔會更大大聲要求CUT紅隧線。
(因為隧道口係維園選區範圍內，調左之後可以唔使問東區意見)

原帖由 toyl 於 2013-11-25 11:08 發表

我又唔係咁睇，黃大仙及觀塘區以清水灣道＋新清水灣道為界。

坪石麗晶都撥咗入觀塘區，觀塘道亦以坪石做起點。
近太子道東的啟晴邨撥入黃大仙區又好似幾合理…… ...

就算係撥，唔明點解唔入觀塘區而入黃大仙區
計connection點都係觀塘區多過黃大仙區啦，居民買嘢去淘大、牛頭角、麗晶都唔會去黃大仙區啦

九巴和城新的手機應用程式有按照十八區尋找起點及目的地的功能，可能受到一定程度的影響。

其實灣仔區點會保鐵?如果係保鐵點解集成有港鐵優惠站.