啟德單軌鐵路：取道開源道還是敬業街？

冇敬業街方案果篇文章同埋幅圖，點作公平比較？

政府想係開源道起目的，就係敬業街個站太遠。

先撇除對開源道既影響，大家太高估敬業街個站同觀塘市中心既距離。
10 分鐘步行路程根本唔理想，仲要觀塘站條路已經夠窄。
以政府角度，想係開源道起個站好正常。

回大家一個重點，如果碼頭有站，事實上係吸引到人去搭佢去觀塘站，
只係巴士太兜，所有人被迫行路，而唔係無需求。

但起條咁既單軌會搞到無左半條開源道，
都係算吧，你搞好去觀碼巴士同我講依個方案。

[ 本帖最後由 dennis28a 於 2013-11-24 17:02 編輯 ]

個人認為敬業街方案較好, 方便將來可以再伸延到去秀茂坪南邨同寶達邨一帶, 然後再於秀茂坪南邨同寶達邨一帶興建中九龍鐵路的總站.

原帖由 dennis28a 於 2013-11-24 16:59 發表
政府想係開源道起目的，就係敬業街個站太遠。

先撇除對開源道既影響，大家太高估敬業街個站同觀塘市中心既距離。
10 分鐘步行路程根本唔理想，仲要觀塘站條路已經夠窄。
以政府角度，想係開源道起個站好正常。

回大家一個 ...

冇錯, 唔記得去年定前年收過一份保X黨議員的單張, 指出有唔記得幾多%支持開源道方案(超過一半的),
開源道方案落實機會係大, 現在仍未有落實方案, 大家最關注似乎唔係開源道方案受眾有幾多,
而係工程至落成後對本身已經混亂的開源道影響可以有幾大.

開源道方案, 唔駛多講, 直接跟觀塘站接駁, 一定可以提高單軌知名度, 受眾亦因為兩線零距離接駁而方便左,
但在單軌開源道方案工程至落成後, 對一帶交通可以帶來幾大的負面影響, 市民知道的是０, 完全靠估,
好難說服到關注觀塘交通的市民投以信心一票.

敬業街站即係而家明渠上蓋停車場位置, 由果度出去, 經成業街繞過觀塘廣場馬會, 轉右上樓梯就係觀塘站,
一條成業街5分鐘都俾多左; 如果可以暫時徵用成業街休憩公園用地, 單軌總站擺依家茶果嶺道爛地停車場,
同觀塘站的步程更可減至2-3分鐘, 而呢段行人路比起觀塘廣場馬會轉角位及B出口的行人數量一向較少,
假日更加係零落, 就算唔起地下通道或行人天橋系統, 就咁行路邊已經夠方便.

觀塘碼頭未來會改建為文化藝術集散地, 無論用邊個方案, 碼頭廣場都有單軌站, 但位置係迴旋處之上,
宏利金融中心.鴻圖道78號係連埋一齊(類似apm+港貿中心), 呢個位置無論去碼頭廣場抑或敬業街距離
都係差唔多, 而往返碼頭廣場接駁鐵路可以到車站廣場(啟德)轉乘沙中線, 去到o既地方絕不比觀塘線少.

另外一個建議用敬業街方案的理由, 是高架的觀塘站不論大堂或月台現時已相當擠迫, 發展至2023年時,
商廈通勤客在接住呢十年必定會繼續上升, 如果再加一批開源道方案貪轉乘方便的乘客使用, 將來更見
人頭湧湧, 擠迫問題只係其次, 觀塘站安全隱患我真的不敢想像(到時觀塘站已經通車44年).

利用敬業街方案分散人流, 將碼頭廣場附近的乘客分流到車站廣場(啟德)轉乘沙中線, 更可提高非繁時
舊機場跑道一段客量, 使之平均分佈, 不致構成沿線客量失衡, 浪費公帑等問題.

[ 本帖最後由 EX-TL 於 2013-11-26 03:25 編輯 ]

說出我所想，敬業街方案無論施工難度、人流分佈、
預留擴展（註：唔拉線都至少可以加長月台）都遠比開源道方案為佳，
使用開源道方案技術難度及社會成本較高，換來壓迫的觀塘站，可能得不償失，
我實在不知為何政府及政黨堅持要用開源道方案。

咦：
http://www.ktd.gov.hk/efls/tc/index.htm
好笑喇，官網首頁都係模擬繞經敬業街喎！

[ 本帖最後由 DIH 於 2013-11-26 09:51 編輯 ]

原帖由 DIH 於 2013-11-26 09:38 發表
咦：
http://www.ktd.gov.hk/efls/tc/index.htm
好笑喇，官網首頁都係模擬繞經敬業街喎！

其實一早有模擬圖整左開源道個站點起，
但畫幾幅模擬圖又有幾難，算吧。

原帖由 EX-TL 於 2013-11-26 03:19 發表

冇錯, 唔記得去年定前年收過一份保X黨議員的單張, 指出有唔記得幾多%支持開源道方案(超過一半的),
開源道方案落實機會係大, 現在仍未有落實方案, 大家最關注似乎唔係開源道方案受眾有幾多,
而係工程至落成後對本身已經混亂的開源道影響可以有幾大.

所以我好好奇，點解到今日都無公開一份報告，
解釋係開源道要封幾多條行車線／有幾大影響出黎。

唔講入面有咩食，就叫人選擇咩餐？
好明顯有預設立場。

其實主因為觀塘市中心座地標酒店，正正係迴旋處口。
明白政府點解想開源道起站嗎？

原帖由 dennis28a 於 27-11-2013 12:11 AM 發表


所以我好好奇，點解到今日都無公開一份報告，
解釋係開源道要封幾多條行車線／有幾大影響出黎。

唔講入面有咩食，就叫人選擇咩餐？
好明顯有預設立場。

其實主因為觀塘市中心座地標酒店，正正係迴旋處口。
明白政府點解想開 ...

明明牛頭角同藍田站，站内站外都有空間，
偏要夾硬塞落日日塞人既觀塘同九龍灣，又唔早d留位
真係有遠見到呢…

*留位唔一定係成塊地留吉，可以好似愉景新城咁留窿穿過，
不過現時新舊樓交錯，已經無可能，除非用敬業街方案+等觀塘工業中心重建。

原帖由 dennis28a 於 2013-11-27 00:11 發表


所以我好好奇，點解到今日都無公開一份報告，
解釋係開源道要封幾多條行車線／有幾大影響出黎。

唔講入面有咩食，就叫人選擇咩餐？
好明顯有預設立場。

其實主因為觀塘市中心座地標酒店，正正係迴旋處口。
明白政府點解想開 ...

地標式酒店就由觀塘站+A22做飽佢, 當單軌用敬業街方案起好後, 在爛地停車場起多棟地標酒店+商廈
乜野經濟效益都返晒嚟啦!

原帖由 LAK2 於 2013-11-27 02:40 發表


明明牛頭角同藍田站，站内站外都有空間，
偏要夾硬塞落日日塞人既觀塘同九龍灣，又唔早d留位
真係有遠見到呢…

*留位唔一定係成塊地留吉，可以好似愉景新城咁留窿穿過，
不過現時新舊樓交錯，已經無可能，除非用敬業街方案+等觀 ...

我想知藍田站有乜空間起轉乘