啟德單軌鐵路：取道開源道還是敬業街？

今日公司樓下管理處搞了個簽名運動，支持啟德單軌鐵路取道開源道連接港鐵觀塘站的方案：



其實從乘客方便程度、建築角度，取道開源道還是敬業街會較佳？
（個人就會選取開源道方案，因為可以直接接駁港鐵站）

張poster 有一個潛在的建議﹐暗示了那一個選擇係 "正確"

講真﹐方案一一定係對行人/使用者最理想的﹐但政府早前講過有機會建做時對交通(車輛)流量﹐以至日後路面交通﹐會因為會收窄路面﹐做成交通流量下降﹐介時會令到塞車情況更嚴重﹐介時觀塘工廠區內的路面交通﹐可能帶來反效果﹐出入此區的人未必會因為單軌系統而得益。

此情況下﹐方案二似乎會好一些﹐只要2個車站中間有天橋系統接駁﹐步行10分鐘之內亦算合理的。
如果天橋上加上商店﹐增加整個系統的收入﹐對於整個系統的收支﹐會帶有正面幫助﹐因為整個系統運作成本都算高的﹐租金可為整個系統帶來幫補。

我比較有興趣知道九龍灣那幾個站的位置~

方案一取道開源道，雖然可以直接接駁港鐵，但工程期間開源道肯定會塞上加塞

內容講到的宏利金融中心.鴻圖道78號.百本中心, 去觀塘站真係會用單軌鐵路嗎?

唔好笑大人個口, 你本身已經咁近, 仲搭乜鬼鐵路, 等得車黎行都行到囉!
根本只係想有條鐵響自己樓下行過, 坐擁鐵路沿線優勢, 從而租金可以更可觀.

使用開源道方案, 肯定方便到乘客, 但更肯定的是開源道會比現時混亂和擠塞.

開源道根本唔適合擺橋躉，同埋再o係上面放一條阻截空氣流通既天橋
用敬業街方案一樣可以駁觀塘站，只要經福塘道兜返入觀塘道巴總便可

果帶D空氣已經夠難頂
仲上面加多條天橋, 真係帶得口罩

其實係咪一定要駁觀塘站?
牛頭角站又得唔得呢?

原帖由 ~誰@359~ 於 2013-11-20 21:27 發表
開源道根本唔適合擺橋躉，同埋再o係上面放一條阻截空氣流通既天橋
用敬業街方案一樣可以駁觀塘站，只要經福塘道兜返入觀塘道巴總便可

應該就唔會駁入去翠屏道益街坊, 計劃內容一直無將條線越過觀塘道,
估計極其量只去到成業街休憩公園就完.

講翻轉頭, 單軌同觀塘站兩樣野目標都唔同, 由大部份地方來觀塘返工的市民,
主要由西面來, 東面只有將軍澳和東區.

坐鐵路由西面來可以在車站廣場或九龍灣轉單軌, 去觀塘商貿區根本唔需要搭單軌,
直接由觀塘站B出口行出去, 最遠的宏利金融中心有專車, 冇專車步程亦不過十分鐘,
沿開源道行到盡頭十分鐘都唔駛, 所以除左話可能令開源道交通混亂, 而要整多個
敬業街方案出來係正確, 因為觀塘站和單軌有無連接點根本就唔係問題.

單張上寫到咁方便, 其實只係四叔呢d賺到盡, 捐少少地出來做show o既地產霸權
來sell商廈用家的伎倆, 一旦開源道方案獲大比數支持, 到時真正活在觀塘的居民就係咁先啦!

其實將觀塘站和單軌站分開, 利用好似尖沙咀站和尖東站的地下行人通道連接兩站,
擴大人流和商業活動範圍, 帶動兩站之間的發展, 從而減輕對市中心和開源道的依賴,
似乎更能贏得當區居民.單軌擁有者.港鐵.商廈擁有者及其他使用者的支持.

我支持敬業街方案，轉車方面，只須在現有觀塘綫橋躉之間，
加躉建新行人天橋，連接翠屏道天橋及D出口天橋已經可以。
近觀塘站一段可以當係大堂擴建，加設商舖。

開源道根本連有冇位起個站都成問題。

[ 本帖最後由 DIH 於 2013-11-21 09:12 編輯 ]