東九龍巴士又又又斷纜

原帖由 053h4 於 2013-11-23 00:59 發表
繁忙時間，市區有事故，引起大塞車有咩咁出奇

成個北港島，九龍都係咁啦

講就咁講，但問題總要解決。
每星期爆幾單，密度同嚴重程度不亞於中環、灣仔出事。

現實上仲有成條偉業街、牛頭角道平行，但出事上黎又分流唔到。
再咁玩法，港鐵多多都唔夠載，一係東九龍個個呆等。

唔好講觀塘道, 今日龍翔道果兩單野都搞到順利/清水灣道一帶大排長龍

原帖由 dennis28a 於 2013-11-23 01:35 發表


講就咁講，但問題總要解決。
每星期爆幾單，密度同嚴重程度不亞於中環、灣仔出事。

現實上仲有成條偉業街、牛頭角道平行，但出事上黎又分流唔到。
再咁玩法，港鐵多多都唔夠載，一係東九龍個個呆等。 ...

其實依家偉業街繁忙時間都係塞到一舊屎。

就算龍翔道唔塞，偉業街早幾年下繁都會塞到過左德褔

而近年龍翔道平均車速都係下降緊

巴土雖然佔一部份（去觀塘、將軍澳、油塘都有車灌入去），但係講到底都係配套唔得。
條6號幹線先係政府諮詢設計搞n世，過到仲有煩膠環保人仕同綜緩人仕司法覆核，想2020年起好？發夢啦

14D, 95 一類過山線，
將會係東九半山交通出路，
紓緩山下公共交通壓力。
只望運輸署同九巴唔好反其道而行，
繼續將山上線踢落觀塘道塞。

原帖由 transbus 於 2013-11-23 09:12 發表
14D, 95 一類過山線，
將會係東九半山交通出路，
紓緩山下公共交通壓力。
只望運輸署同九巴唔好反其道而行，
繼續將山上線踢落觀塘道塞。

咩山上又唔塞咩? 龍翔道西行塞起上黎, 如果一過彩虹, 新清條隊唔好話唔恐怖, 到頭來個出口都係果D位, 就好似一大堆巴士推入去九龍城迴旋處咁做左瓶頸

前天下繁就開源道迴旋處有意外東行塞到九龍灣，西行線大部份路線斷纜，
昨日下繁去搭40，先見到A22同私家車輕微碰撞，跟住觀塘道、龍翔道全程停下行下，
搭過幾鐘先到荃灣。真係認真考慮下繁要改搭鐵先得。