[問] 關於屯門-南昌全日通

咁我如果係深水步站去天水圍站, 原則上淨係買深水步去美孚既單程車票, 然後唔出閘一程過去到天水圍站補票處, 出示該單程票與及全日通搞手續就得? 咁天水圍站補票處會俾番出閘票定全日通比你出閘呢?

原帖由 arriva-eric 於 1-12-2013 13:59 發表
咁我如果係深水步站去天水圍站, 原則上淨係買深水步去美孚既單程車票, 然後唔出閘一程過去到天水圍站補票處, 出示該單程票與及全日通搞手續就得? 咁天水圍站補票處會俾番出閘票定全日通比你出閘呢? ...

其實冇得咁拗，個個staff做野手法都唔同
不過TIS班外判成日都亂黎
想知最好就親身試一次

如果你講跟程序，其實已經係無票乘車

原帖由 cat666 於 2013-11-28 12:24 發表
吾應該畀用八達通畀錢更加吾應該用職員通道畀客走完全程序錯

個職員放張全日通入機已可以計到你補多少錢
基本個職員不用亦不會計平d
身上無現金，只有八達通
你可以 a. 要借車票後繳費,  b. 退左張八達通畀 ...

放心... 1. 部機係唔係同你計八達通價，2. 收cash用手推閘走，呢個職員可以炒得...

原帖由 arriva-eric 於 2013-12-1 21:59 發表
咁我如果係深水步站去天水圍站, 原則上淨係買深水步去美孚既單程車票, 然後唔出閘一程過去到天水圍站補票處, 出示該單程票與及全日通搞手續就得? 咁天水圍站補票處會俾番出閘票定全日通比你出閘呢? ...

規矩上完全唔得，你張單程票只係去到美孚有效，過左係可以補票，但唔係俾張全日通改飛而係要補由美孚去天水圍單程票價，因為全日通冇入閘紀錄，等同無效

俾錢唔係大晒，你用得人地服務就要守返人地規矩，唔該唔好老奉

[ 本帖最後由 Megabus 於 2013-12-2 03:55 編輯 ]

原帖由 2A_DL13 於 2013-11-28 10:55 發表


問題係，如果我當時身上無現金，只有八達通？

宜家好多站都有閘內櫃員機，如果有就可以攞錢解決，
其實買全日通已經要俾現金，都係多一份錢多數都有掛

原帖由 Megabus 於 2013-12-2 03:51 發表


規矩上完全唔得，你張單程票只係去到美孚有效，過左係可以補票，但唔係俾張全日通改飛而係要補由美孚去天水圍單程票價，因為全日通冇入閘紀錄，等同無效

俾錢唔係大晒，你用得人地服務就要守返人地規矩，唔該唔好老奉  

http://www.mtr.com.hk/chi/whatsnew/mp_extra/TUMNACDP.pdf
請問根據全日通既T&C第五點
點樣演繹成要全程補票？

睇完中英文版我係只係理解到要補返由西鐵線車站到目的地車站既單程票價

借問聲你既講法出處係港鐵車票發出條件既第幾條？

原帖由 toyl 於 2013-11-28 09:53 發表

自己查車費表單程票價都知：
美孚→深水埗 $5.0
南昌→深水埗 $4.5

同價唔代表係同一個車站呀！

如果去遠啲，例如官塘、藍田之類要補幾錢呢？

原帖由 asv2 於 2013-12-2 11:03 AM 發表


http://www.mtr.com.hk/chi/whatsnew/mp_extra/TUMNACDP.pdf
請問根據全日通既T&C第五點
點樣演繹成要全程補票？

睇完中英文版我係只係理解到要補返由西鐵線車站到目的地車站既單程票價

借問聲你既講法出處係港鐵 ...

回應的車程係由 深水埗 去 天水圍﹐此情況下全日通係唔可以在深水埗入閘﹐需要用單程票入閘﹐並且在美孚/南間出閘再用全日通入閘。
而問題係使用者一個"懶"字﹐無去出閘再入閘而產生的。


重點應該係你根本無用過張全日通入閘﹐所以無法証明你係想用全日通乘車﹐所以便會以你出發地(深水埗)計算車費﹐出閘時要收取去到天水圍的車費﹐扣除原本的單程票已支付的車資﹐補回差額。
職員 "老屈" 你話有人在你入閘後﹐有人交張全日通給你﹐所以要你支付全程費用﹐你都無符。


而反方向乘車﹐由於全日通有入閘紀錄﹐即是代表乘客係想使用全日通乘車﹐所以可以計算出你應該支付的補票﹐由美孚或南昌計算。



不過﹐學上面有人所講﹐不同人/站有不同的處理方法﹐最終點計算車費此處都無人答到你。
職員肯做的咪同你CHECK下係唔係真係符合單程票﹐人情上幫你處理﹐想方法幫你出閘。
職員唔想煩的 (或者想唔到方法去幫你)﹐便要你補付全程所需的收費﹐你唔肯便叫你坐反去美孚出閘再用全日通乘車回天水圍。

PS. 上面話渣正會係無票乘車﹐答案又係唔會的﹐因為係容許乘客做補票的﹐所以只要有最低的車票入閘﹐便唔會被人話無票乘車。

[ 本帖最後由 kei_hk 於 2013-12-2 16:27 編輯 ]