mtr 再試單邊排隊上車安排

今次於太子站做試驗﹐中環及觀塘的月台肯定已經轉了「新」排隊方向﹐另外2個月台﹐未去實際查看﹐但應該都係一齊試「新」野。

據mtrupdate的面書所講﹐今次唔會只試數天﹐而係會些接近20日(由今天開始試到20號)﹐真係睇下會今次成效係點了。

我上次去九龍塘見已回復原狀，仲以為已經「失敗」

其實在香港，好多concept都是好的，只是港人不能配合。在外國能好好運行的一套未必能在香港成功用到。

試果幾個站月台都比較大，而且人流集中在上客或落客其中一邊，所以可行性頗高。
其實上次非官方都認為係失敗，仲話果幾日封梯截人次數多咗。但官方今次想試完成功就推廣到所有車站，又係咪真係得？睇怕佢又學咗大股東近日擅長果套理念，在自我感覺良好的環境認定所有環境都適宜推行，睇下之後點死

今次荃灣及油麻地方向月台係無試新野的。

這樣的試，又試唔試到真正效果？
觀塘方向，真係有幾多人落車，有無排隊都分別不大。
中環方向，不是主要的轉車月台，人流唔算多(上車及落車2個方向)，我唔應為真係反映到真正效果。

原帖由 lsc04d11 於 2-12-2013 11:55 發表
我上次去九龍塘見已回復原狀，仲以為已經「失敗」

其實在香港，好多concept都是好的，只是港人不能配合。在外國能好好運行的一套未必能在香港成功用到。 ...

咁要睇下港鐵有冇決心
好多時係有好多客都唔知，
例如車廂冇配合做廣播
SA又唔多開口講
D客唔知點落

好似個優先座其實都推得未夠盡
淨係貼幾張紙就叫宣傳？
起碼攪下展覽，搵職員入車做宣傳
而唔係一D做show門面野

最怕係有種人
下下都話改咩野，減價最實際
就係有D一成不變ge人，香港先停滯不前左廿年

[ 本帖最後由 busfunfun 於 2013-12-2 18:30 編輯 ]

其實我自己就不太同意單邊排隊上車安排

一, 落車未必可以好方便係一邊落, 二, 上車亦會無咁平衡同慢左...

觀塘試左？尋日（12月2日）去都唔覺既？

在廣州都見到實行左單邊排隊,
即使大家認為大陸人唔守秩序 但用左單邊排隊真係可以讓人落到車喎,
起碼可以做到半度門上車, 半度門落車,
唔似得而家喺香港, 當上車人數>>落車人數時, 落車嗰個根本郁唔到!

根本就吾駛教人落車。月台加條欄分開左右，不能太貼幕門，就OK。落車D人見右半堆滿人，左邊空，除非係視障，點會吾向左落車？
而月台右邊，大大隻字(三語) "嚴禁企立，遺者罰款$3000"。我吾信吾可行。

[ 本帖最後由 rkkwan 於 2013-12-3 09:37 編輯 ]

原帖由 3ASV196 於 2013-12-3 03:59 AM 發表
其實我自己就不太同意單邊排隊上車安排

一, 落車未必可以好方便係一邊落, 二, 上車亦會無咁平衡同慢左...

如果香港的車站﹐個個都鬼死咁大﹐條人龍排得長一長都唔會去到尾撞牆﹐這個新方法係合適的(不過仲有改善空間)。

但是﹐大部份車站的月台有幾大﹐大家心知。


以往分散2邊排﹐都可以排到去柱位牆位 (不過仲有條通道行)﹐試想一下單邊排﹐2邊排隊的人group埋1邊﹐即係少位排隊﹐想下上車的人會少了幾多空間排隊。

另外﹐當這些排隊上車的人﹐頂到後面的牆/柱位﹐落車的人踏出月台後﹐都無位 "散水"﹐結果又係聚晒月台﹐都要一些時間才可空清這班落車的人。


所以﹐九龍塘站在測試的幾天﹐試過幾次要封樓梯/自動梯﹐便是這個原因。



另外﹐仲有另一問題(今天終於體會到了)﹐便是有人在月台按指示排隊﹐但係部列車停車位置唔理想﹐結果一打開車門﹐下車的人便有人牆所擋﹐仲衰過以前的排隊方法。