起動九龍東 巴士無得郁？

原帖由 GA6072 於 2013-12-11 19:54 發表

咁咪將塞車車龍搬去觀塘繞道
入觀塘碼頭巴士其實唔應該行開源道入

現時實在太少車願用觀塘繞道入商貿區(相比開源道), 原因係所有工廈都唔順路,
望下地圖, 進入開源道和沿途分支道路的工廈, 幾乎所有都係用開源道最方便,
亦可以話路程最短, 而刻意延長進入商貿區的路程後, 觀塘繞道或偉發道的路程
其實差唔多, 鼓勵由九龍西.新界東前往敬業街.開源道的車輛利用觀塘繞道,
偉業街天橋盡量留俾新界西.荃.葵等地方的車輛使用, 偉發道俾港島東.將軍澳和
非經市中心不可的車輛和巴士使用, 總好過所有車齊齊塞死迴旋處.

至於擔心觀塘繞道阻塞, 可以在偉發道落橋位加多一條行車線(需擴闊橋面),
加大落橋容車量, 相信已可應付新增車流, 而不影響前往將軍澳.油塘和東隧的車輛.

原帖由 EX-TL 於 2013-12-11 20:19 發表
鼓勵由九龍西.新界東前往敬業街.開源道的車輛利用觀塘繞道

麻煩將大老山減至同獅隧同價, 同時觀繞加南行出口去九龍灣(九展附近)
已可減輕偉業街天橋的車流, 不過問題係, 大隧同獅隧都已飽和了

[ 本帖最後由 pch_yeung 於 2013-12-12 09:12 編輯 ]

其實將所有東九龍的工商業區街道設為禁區時間早上7時至晚上12時，
再找幾幅地設為多層停車場，將所有停在街邊車輛迫它們入停車場。
然後將部份巴士班次改行偉業街，應該可以改善塞車情況。

原帖由 pch_yeung 於 2013-12-12 09:05 發表


麻煩將大老山減至同獅隧同價, 同時觀繞加南行出口去九龍灣(九展附近)
已可減輕偉業街天橋的車流, 不過問題係, 大隧同獅隧都已飽和了

行獅隧路程較長, 而我不知道這多出的路程在路費上和油價上哪一個較高,
搵食車或貨車可按他們所知選用不同道路, 哪怕是更遠但免費的大埔道,
這方面應較難控制, 何況獅隧和大隧在早繁已經飽和, 而觀塘的擠塞並非
只在傳統繁時出現, 偉業街天橋的車輛其實可以選用車流量較低的福淘街
經天橋往啟祥道進入九龍灣.

原帖由 EX-TL 於 2013-12-12 11:08 發表
行獅隧路程較長, 而我不知道這多出的路程在路費上和油價上哪一個較高,
搵食車或貨車可按他們所知選用不同道路, 哪怕是更遠但免費的大埔道,
這方面應較難控制, 何況獅隧和大隧在早繁已經飽和, 而觀塘的擠塞並非
只在 ...

我的有車階級親戚話計返條數，由沙田東出發往九龍東，行獅隧同行大老山差唔多；
而上次由將軍澳出九龍先知道好多人唔識得龍翔道4號幹線天橋塞車時改用紫薇樓U型橋，
當中包括一部攝位攝得好辛苦的E22A，塞得好冤枉。

同樣道理，觀塘塞車都可能好多人唔知有替代路線，或者知而唔敢去試。

好似聽聞區議會想開返橋底由牛池灣消防局往觀塘方向畀車行，唔使畀啟德大廈個轉線位搞到成日頂返出彩虹。

[ 本帖最後由 DIH 於 2013-12-12 12:29 編輯 ]

原帖由 ANDY5520 於 2013-12-9 22:53 發表
大老山轉車站:建議唔錯,城隧轉車站使用量高正正係有免費轉/補少少錢,屯公轉車站都得,大老山同大覽隧道都照城隧轉車站同屯公轉車站錦就唔會日日少人用啦.
而89D不再經廣源呢點,等下年水泉澳起好比住啦就可以不再經廣 ...

依家九龍灣特車唔理想，係因為點都要行觀塘道，如果直接拆係彩虹開就唔洗塞落觀塘道。

89X真係好難搞，以前返沙田觀塘上車成個半鐘先到火車站，但好難郁，又真係有沙火客會咁搭都唔行落去搭89。

觀塘道隧道確係要加多d巴士，38、42C應改經。另74X同277X下繁可考慮總站開的車飛隧道不停APM，另安排空車係APM上到差唔多就開。反正APM依家d人都係等位。

原帖由 DIH 於 2013-12-12 12:19 發表
我的有車階級親戚話計返條數，由沙田東出發往九龍東，行獅隧同行大老山差唔多；
而上次由將軍澳出九龍先知道好多人唔識得龍翔道4號幹線天橋塞車時改用紫薇樓U型橋，
當中包括一部攝位攝得好辛苦的E22A，塞得好冤枉。

同樣道理，觀塘塞車都可能好多人唔知有替代路線，或者知而唔敢去試。

好似聽聞區議會想開返橋底由牛池灣消防局往觀塘方向畀車行，唔使畀啟德大廈個轉線位搞到成日頂返出彩虹。

根本繁時就係太多重型車出入龍翔道，但係橋底出觀塘道都係單線，如果要開直行最好要劃條巴士線只准巴士直去。
仲有就係，還掂打交位都有咁多替代路線，其實係唔係應該要響繁時將呢兩個落橋打交互相cut線位封咗佢嚟改線車流呢？

原帖由 eg9515 於 2013-12-12 12:36 發表

依家九龍灣特車唔理想，係因為點都要行觀塘道，如果直接拆係彩虹開就唔洗塞落觀塘道。

其實下繁新界出九龍東的路線都有唔少客, 如特班改由彩虹開出, 巴士一樣要經觀塘道去彩虹起載,
結果只係第一.二線少左巴士埋站.

原帖由 toyl 於 2013-12-12 13:26 發表


根本繁時就係太多重型車出入龍翔道，但係橋底出觀塘道都係單線，如果要開直行最好要劃條巴士線只准巴士直去。
仲有就係，還掂打交位都有咁多替代路線，其實係唔係應該要響繁時將呢兩個落橋打交互相cut線位封咗佢嚟改線車流 ...

出觀塘道方向可唔可以削行人路迫多一條線？

我諗真係「龍翔道－觀塘道」及「龍翔道－偉業街」兩種行法要分流，
東行往偉業街上橋，往觀塘道行橋底；西行如果觀塘道往龍翔道車塞晒入U型橋唔知頂唔頂得順

[ 本帖最後由 DIH 於 2013-12-12 15:14 編輯 ]