起動九龍東 巴士無得郁？

原帖由 阿偉 於 2013-12-12 09:48 發表
其實將所有東九龍的工商業區街道設為禁區時間早上7時至晚上12時，
再找幾幅地設為多層停車場，將所有停在街邊車輛迫它們入停車場。
然後將部份巴士班次改行偉業街，應該可以改善塞車情況。 ...

可能性不大。首先在市中心地段搵地唔易，而且上落貨無可能在太遠地方。
有些大廈停車位不足，所以變相必須在路邊上落貨。
即使有停車場，也可以排隊排到塞死後面。
改作禁區一樣會有方法偷雞上落貨，若有警方執法就不停慢行兜圈，結果只會更塞車。

原帖由 cong 於 2013-12-12 16:36 發表


即係製造多一個打交位, 繁時果個燈位都未必放得切d車,仲要額外俾時間放牛池灣消防局往觀塘方向,到時一樣由燈位頂返出彩虹

呢個位我比較擔心會同進入坪石邨的車輛打交, 依家606同好多返廠巴士由呢度轉出去觀塘道,
之後狂cut三條線入偉業街天橋已經好危險.

一係響地面畫線, 只准觀塘道入坪石邨車輛入線, 唔俾cut出去, 咁就可能有效, 但係遇著啟業邨巴士站
不定期向後移至三山國王廟的情況下, 就會變得無乜位走盞, 而606同返廠車就要改用彩虹通道.

原帖由 DIH 於 2013-12-12 15:09 發表
西行如果觀塘道往龍翔道車塞晒入U型橋唔知頂唔頂得順

而家好多時都因為紅萼樓外打交叉令車輛塞至U形橋, 龍尾喺上橋位已是等閒事,
待彩虹邨重建, 擴闊丹鳳樓外龍翔道及取消清水灣道燈位並不足夠, 要同時將紅
萼樓外加虛實線, 令龍翔道天橋只能直往龍翔道(避免交叉), 偉業街/觀塘道往新
蒲崗/大老山改用U形橋/蒲崗村道, 方有機會改善

我覺得東九一直發展落去,運吉最終會於港島北/
尖沙咀以外,整多一個巴士配額區,特車都唔洗點諗...
至少日後沙中線落成,已經係一個好理由.

原區就業,過去三十年已經係失敗收場
而且會令巴士/港鐵失去龐大通勤客源
我個人就認為票價,佔運輸機構的盈利比例
越來越低(票價升幅低於匯率/實際營運成本升幅)
主要靠廣告甚至地產之類附帶項目去圖利,可惜現時
到了巴士滿客陪兜/路面擠擁,甚至港鐵都無多大空間
去容納更多搭客,去勉強加大公共運輸之承受力已經太遲.

巴士vs私家車,政府照顧邊個?
港島往返傳統住宅區過海巴士線,新界西北
因以前未有鐵路所以先開辦一堆96_路線,當然
934/935/948...未至於要全日,但葵青人口增長,想繁時
加車都無配額,港鐵荃灣線大家都知咩事,有幸住處靠近荔景/青衣站
就可以一下考慮港鐵,不過東涌線,同樣係班次難以再加密之鐵路系統.

至於非繁時減票價(或看成繁時加價)彈性上落班時間
較年長者應該知前地鐵公司廿多年前實施時,反對聲音亦不少
就算僱主提供非繁時上落班(如0630~1500,甚至瘋狂一點依舊
五天工作,不過周六日上班而在周一至五之中補假兩天)相信成效有限
因難以配合其他親友的休息日,參與者肯定不多.

[ 本帖最後由 kitarolo 於 2013-12-15 14:44 編輯 ]

原帖由 阿偉 於 2013-12-12 09:48 發表
其實將所有東九龍的工商業區街道設為禁區時間早上7時至晚上12時，
再找幾幅地設為多層停車場，將所有停在街邊車輛迫它們入停車場。
然後將部份巴士班次改行偉業街，應該可以改善塞車情況。 ...

你不如話強制拆哂冇停車場既舊式大廈佢啦！

發表偉論前用下個腦分析下先啦！

其實講咁大段，我都唔明點解要照顧私家車唔係作為公共交通嘅巴士

將巴士嘅quota制轉去私家車，例如每日限發一定數量嘅私家車牌，再加私家車首次登記稅，都可以舒緩全港擠塞問題。同時配合私家車quota制，可以訂立更多鐵路發展計劃，並取消巴士quota制。為咗滿足駕車人士對舒適度同方便程度嘅需要，亦建議政府在政策上要求鐵路及巴士盡量做到無需企位的目標，以及在取消巴士quota制及給予港鐵地皮時，要求兩者提供轉乘計劃

其實係政府做唔倒，定唔想做？
香港用公共交通人數達九成，政府根本唔洗驚無足夠民意支持

原帖由 ma212223 於 2013-12-15 16:56 發表
其實講咁大段，我都唔明點解要照顧私家車唔係作為公共交通嘅巴士

將巴士嘅quota制轉去私家車，例如每日限發一定數量嘅私家車牌，再加私家車首次登記稅，都可以舒緩全港擠塞問題。同時配合私家車quota制，可以訂立更多鐵路發展 ...

在香港養車成本已經比其他地區為高（例如我即使有車牌都唔想亦無需要買車），
買得車的人，唔少都真係有需要先開車（如住處偏遠、工作地點交通不便、照顧家人等），
見道路上唔少係大型七八人車都知，既然公共交通不能照顧所有人，這些人便用錢投票。

所以，若想減慢私家車增長，政府要做的唔止係行政措施，
係講緊可能全香港要在短時間內起多大量鐵路，當中部分可能要補貼（繁時多人非繁拍烏蠅），
這個無民意授權亦甚為縮骨的政府，做得出嗎？

[ 本帖最後由 DIH 於 2013-12-15 18:39 編輯 ]

正苦當然唔會做，
但唔係因為「無民意授權亦甚為縮骨」.......

根本趕鐵變左山寨王，有 $$$$$$$$$$$$$ 賺的事先會做，
而正苦保鐵，殺巴，加私家車，
都只係因為 $$$$$$$$$$$$$$$$$$$$$$$$$$$$$$$

我地要明白呢一點，討論先可以繼續

原帖由 DIH 於 2013-12-15 18:37 發表
所以，若想減慢私家車增長，政府要做的唔止係行政措施，
係講緊可能全香港要在短時間內起多大量鐵路，當中部分可能要補貼（繁時多人非繁拍烏蠅），
這個無民意授權亦甚為縮骨的政府，做得出嗎？

你地話呢 ????

而且，大部份「新鄉講仁」都唔駛用到公交 ge.....

原帖由 ma212223 於 2013-12-15 16:56 發表
同時配合私家車quota制，可以訂立更多鐵路發展計劃，並取消巴士quota制。
其實係政府做唔倒，定唔想做？
香港用公共交通人數達九成，政府根本唔洗驚無足夠民意支持