將軍澳鐵路事故不斷，可否開拓渡輪交通？

港鐵將軍澳線昨天發生嚴重事故後，不少意見都指港鐵及運輸署應變不足，
亦有指巴士削線導致市民倚賴鐵路，不過其中一個意見，就有以下獨特的見解，
他們認為，將軍澳未有利用臨海優勢，開拓渡輪交通：
https://www.facebook.com/sensibletransport

=============================================================
對昨日的港鐵將軍澳線事故，有些意見認為巴士公司取消了692巴士線以致應變力不足，
但其實692只是一條15-20分鐘的巴士線，即每小時每方向最多載500人，
相對地鐵一列車就載2000人真是杯水車薪。

除了港鐵應變能力備受質疑外，我們看到的反而是，香港運輸網絡的整體靭力(resilience)不足，
過份地依賴重鐵系統和路面車輛運輸，但昨日地鐵線和將車澳行車隧道一同出事便令將軍澳交通幾近癱瘓。
解決這問題就要有一個多模式的運輸系統，包括單車徑網絡和海上渡輪服務。
以昨日事故為例，以單車雖然難以進出將軍澳，
但如有一個單車徑，那麼在九龍東由油塘到彩虹穿梭卻合適不過；
至於渡輪，不單只來往九龍至觀塘的渡輪，還可以覆蓋到將軍澳，
以將軍澳臨海的地理位置，40萬居民人口，竟然沒有一個像樣的碼頭應急，實在說不過去。

由此可見，過往的運輸規劃思維過份注重效率和速度，但應變、適應能力卻不足。
=============================================================

其實將軍澳新市鎮早年規劃時，曾經規劃一個渡輪碼頭，
位置就是現時將軍澳海濱長廊（上月才啟用的一段）中間的凹U型位。
但不知何故最後沒有落實，現時變了休憩場地。

其實，因著今次事故，反映將軍澳對外交通過份倚賴陸路，
何不藉此開拓水路交通，讓市民有更多選擇之餘，亦可以減少陸路事故造成的影響。

因此政府是時候重新將渡輪碼頭上馬動工興建的時候了！

建議開辦的渡輪航線：
* 將軍澳－柴灣／筲箕灣／西灣河
* 將軍澳－中環
* 將軍澳 - 九龍城

甚至可以拓展成為跨境渡輪中心，往返粵東地區甚至福建廈門等地。

歡迎討論

近代在約住宅區搞碼頭而失敗的例子是紅磡 (碼頭由接駁鐵路變成純區內客)，不知首相覺得有甚麼客量保證，和商業誘因，吸引人們搞將軍澳船？
要廣設兩蚊機嗎？

P.S. 九十年代西九龍填海，本也在新海旁設碼頭，結果無疾而終，現在回想起來，這也不是壞事。

樓主講咗兩樣交通，一係單車，二係渡輪。

先講單車，如果要將軍澳居民用單車穿梭市區同將軍澳，
一嚟無咩人會咁樣同你踩車出市區，二嚟市區無咩地方俾你起單車徑(出到藍田或者觀塘轉巴士小巴港鐵或者可行)


至於渡輪，我相信如果唔係政府養船養航線，無營辦商會肯做。
就算要做，都應該只係緊急航線，隧道港鐵是但一邊有線先會開線。
九龍可以放喺觀塘，一嚟條線只係做接駁，二嚟放去九龍城覆蓋唔到原有交通嘅乘客
重要整一堆接駁巴士由碼頭出番大街嘅路線

原帖由 ccicoltd 於 2013-12-17 13:28 發表
近代在約住宅區搞碼頭而失敗的例子是紅磡 (碼頭由接駁鐵路變成純區內客)，不知首相覺得有甚麼客量保證，和商業誘因，吸引人們搞將軍澳船？
要廣設兩蚊機嗎？

P.S. 九十年代西九龍填海，本也在新海旁設碼頭，結果無疾而終，現在回 ...

請看迪士尼碼頭的現況.........

將軍澳要兜個大圈先入得番維港，時間上無任何優勢....

原帖由 eric278 於 2013-12-17 10:52 AM 發表
建議開辦的渡輪航線：
* 將軍澳－柴灣／筲箕灣／西灣河
* 將軍澳－中環
* 將軍澳 - 九龍城

甚至可以拓展成為跨境渡輪中心，往返粵東地區甚至福建廈門等地。

對於香港境內的航線﹐唔理係油塘又好﹐觀塘又好﹐西灣河定中環﹐先唔理票價問題﹐如果航行時間唔夠陸路交通工具競爭﹐已經係注定失敗。

我真係唔見得將軍澳對外的渡輪服務﹐係有能力與其他陸路對手﹐航行/行駛時間會有競爭力。
(現時情況﹐工業區/康城一邊都仲有條件做渡輪。不過﹐一旦滿實建橋+隧道駁出市區﹐這條線的前境大家都好易估到)


乘客係好現實的﹐時間長便會放棄。唔好忘記﹐碼頭與市區仲有一段路要行﹐仲要計算在內的。



跨境航線﹐真係咪天真。而家連中港城都未飽和﹐仲想要多個跨境碼頭返大陸﹐有私人包底咪得囉(即屯門碼頭的模式)。
還有的係﹐將軍澳仲有無足夠的交通接駁能力去應付這批跨境旅客。

ps. 返國內的渡輪﹐唔少已經被國內的道路網及高鐵動車打殘。

首相睇怕都係純為在各板插旗而發這種質責的文章

將軍澳渡輪服務
請看現時北角-紅磡/九龍城和西灣河-三家村的狀況
三個字講完, 不樂觀
再多三個字總結: 多鬼餘

原帖由 區麗芝 於 2013-12-24 00:44 發表
獅隧和大老山隧道繁忙時間交通擠塞，東鐵亦超出負荷。
以沙田、馬鞍山臨海的地理位置，50萬居民人口，竟然沒有一個像樣
的碼頭應急，實在說不過去。

筆者建議設立另類「沙中線」。在馬料水碼頭設立渡輪服務前往中環。
可以 ...

你不如先睇下地圖,再諗下馬料水去中環坐船要幾耐...

我哋睇下曾經存在過嘅
中環<>屯門,中環<>荃灣快速船
西隧通車及出現過海巴士後有何下場!

中環<>屯門快速船其實比962為快,又唔會擠塞
荃灣我就未搭過,不過印象中票價並不便宜,油記最後唔做
有無師兄可提供歷史資料補充一下,網上流傳多個票價版本

當然我個人都發夢都幻想過出現馬鞍山<>大埔
渡輪,事因港鐵太轉折,綠小因獨市又收費太高,九巴
短時間內唔做,勉強叫有條274P啦

青馬大橋一開,梅窩<>中環航線根本係苟延殘喘
已經唔係直接於梅窩建橋啦...講時間/票價來往中環
渡輪都比陸路經東涌有優勢吧...結果呢?

珀客已經係發展商所控制,荃灣航線又落得何等下場?
青馬大橋遇強風之問題,寧願開放俾的士或九巴Y41好過
(講迫切性,馬灣雖人口遠少於將軍澳,但無港鐵停站,除非
你話港鐵將軍澳線每周壞一次或以上)聞說愉景灣於隧道通車後,
都計劃取消中環航線(同樣比陸路快,又如何?)甚至港珠澳大橋開通,
港澳飛翔船有澳門賭業支持,我個人都認為勢必減班.

[ 本帖最後由 kitarolo 於 2013-12-25 22:54 編輯 ]

渡輪營運成本太高, 買/養艘船, 與買/養巴士比較,
那方面效益高?
事實上, 無論渡輪有百般好, 因時代進步, 總有淘汰時......