對港鐵職員的好奇

琴日事故，有報紙報道明明冇左692，乘車應變錦囊仍然有。呢點我都認同港鐵，剛剛才取消，咁又無理由印得咁快，update得咁快。但連職員都繼續建議過海乘客搭692……

我就好奇想知，如果我問以下車站既職員以下既問題，會否得奇怪答案︰
1. 在將軍澳站問去灣仔點搭巴士？
(測試692取消已上報仲有冇職員唔知)
2. 本星期六在天水圍站問B2X o係邊度上車？
(測試職員對新線認知，你如果答到可乘B2P去深圳灣並指引車站我都accept)
3. 平日早繁時段在牛頭角站問去筲箕灣搭咩巴士？
(我會有d驚職員連606都搭唔出，但正確答案要係606X)
4. 在沙田站問點去禾輋搭689？
(作一條虛擬線出黎，但講明禾輋搭，睇下職員會否感到有不妥)

其實，社會一直講「在職增值」，要求港鐵Customer Service相關的職員經常留意交通路線改變，都不過分吧。就算前線職員唔識，個車站阿頭一星期brief一次也不難吧！
究竟港鐵點請人？請埋一d好多基本野都唔識既人？
其實同hkitalk.net搞合作，請我地入港鐵得唔得呢？ (我相信我地版友既相關知識一定比大部分現有職員豐富)

其實我都係有d私心，試過send求職信俾港鐵，寫明清楚香港巴士及鐵路，連interview都冇機會……我唔明點解呢d機會唔屬於我。in左你話我工作態度或者其他方面，都好過請d真係唔太熟悉既職員吧……

[ 本帖最後由 lsc04d11 於 2013-12-19 05:53 編輯 ]

原帖由 lsc04d11 於 2013-12-17 08:11 PM 發表
其實我都係有d私心，試過send求職信俾港鐵，寫明清楚香港巴士及鐵路，連interview都冇機會……我唔明點解呢d機會唔屬於我。
in左你話我工作態度或者其他方面，都好過請d真係唔太熟悉既職員吧……

Interview同錄用嘅選擇權同準則喺HR到，邊係你想點就點。
一個post可能有成萬人send CV，人哋邊可能份份CV都去睇，
間間大公司做HR同Admin嘅人唔係萬能，
更唔好想人哋為請個人去fill個咁普通嘅post而好認真咁睇，
人哋做都係跟程序，邊個好彩咪有得見，
而且HR同部門嘅話事人先至係重點，尤其係部門嘅話事人唔like你都唔駛諗。

仲有「在職增值」唔係講清楚香港巴士及鐵路呢啲，
係講學歷同技能(實際咪就係可以幫公司搵多啲錢同符合ISO要求嘅技能)，
而且你識好多嘢唔等如你做到，但識做到嘢唔等如上頭喜歡你，
好多時做到擦鞋仔同幫上頭做二五(即使你做唔到嘢係閒人)就有用。
打工係講人事講政治講手段，唔係講識好多嘢同做到邊啲嘢。

最後，人哋Customer Service職員唔係要做交通迷，
知其他公司嘅服務同交通路線改變唔一定係個post所要求，
更唔係佢哋嘅份內事，只要按公司程序指示去做先係份內事，
即使公司嘅資料錯都要按程序去做，除非上頭另有指示，
唔係就點做都錯等上頭話。

最後我只有講，想任何事不要太天真，要多了解社會現實。
如果你真係入到人哋公司(或者其他大公司)，你就會明白。

[ 本帖最後由 Dennis34 於 2013-12-17 21:21 編輯 ]

HR就正正最唔想交通迷入公司做~

原帖由 Hisui 於 2013-12-17 22:37 發表
HR就正正最唔想交通迷入公司做~

個別職員有呢種想法唔奇, 但冇乜可能會成個部門以此為方針甚至有措施去做一樣咁的野

原帖由 lsc04d11 於 2013-12-17 20:11 發表
3. 平日早繁時段在彩虹站問去筲箕灣搭咩巴士？
(我會有d驚職員連606都搭唔出，但正確答案要係606X)

你自己都答錯啦，彩虹站鬼有606X
職員本身未必住喺附近，平時出入可能都係靠公司車
張乘車應變錦囊寫住咩咪答你咩lor，就係咁簡單
你要怪就怪出應變錦囊嗰班人啦

真係忍唔住要回一回文!
對港鐵職員的好奇??我對你呢類人好奇就真
點解宜家d人愈來愈怪,去客務中心又要問人巴士野又問人其他d路點去
港鐵職員淨係識哂港鐵d野已經夠啦!
就係你呢類人無論關唔關港鐵野都問港鐵職員,人地唔識答就投訴人,你當人地google咩
問巴士野緊係打去巴士公司問啦!你會唔走去問個巴士站長港鐵頭班車幾點呀??

原帖由 h2o 於 2013-12-17 23:50 發表


個別職員有呢種想法唔奇, 但冇乜可能會成個部門以此為方針甚至有措施去做一樣咁的野

事實就是如此 以公司咁多年請人經驗來說
呢類一早公開承認自己係交通迷鐵路迷既人都係麻煩友

香港人應變能力,係呢一件事件之中都可以見到有幾強勁,
單係鐵路出問題,已經考起好多人,唔識得自己搵其他途徑到達目的地,
還要將自己既無知,推卸到別人身上,人地唔懂得就投訴人地,
其實大家識字,當今科技發達,要查出除左鐵路外,還有巴士,小巴,
點解仲要留難當值既職員?車站又有應變錦囊,點解樓主隻字不提?

你自己是否都係當日向職員問路嗰一部分既市民?

你唔駛好奇！如果你遇著我，你爆血管都似！

我做開輕鐵嘅，但我嘅認知真係只限輕鐵。唔好話巴士，就連其他線，例如西鐵，地鐵等等，我真係諗都廢事諗，叫你問返上面啲人。另外，我渣輕鐵嘅，唔係查飛，所以你問我車費問題，一律拒絕回答。例如你問我A去B幾錢，我極其量答你「大概四五六蚊」，因為我搭車唔駛錢嘅，車費唔關我事。

你好聲好氣嘅，我有時間就幫你一齊開手機apps睇睇。你語氣差嘅，一句「你問嘅嘢關我X事」送返畀你！

投訴？好呀，隨便投，驚你投到氣餒都冇結果咋！你知我叫咩名咪投到夠囉！


btw，你問我巴士嘢我反而仲熟

通常喺元朗，啲人問我出旺角應該搭咩線，我標準答案係搭68X。出銅鑼灣就968。觀塘就268c。總之盡量都唔會教佢地保鐵。

[ 本帖最後由 4056 於 2013-12-18 14:53 編輯 ]

宜家後生仔女仲勁, 明明有部android phone (有埋google map)都唔用(淨係用黎whatapp、聽歌、睇MyTV),
就走客務中心玩班職員玩人肉問路(要職員人手查地圖冊) ...