28/12 起 , 110 , 118永久改道

原帖由 FBI2 於 2013-12-30 17:19 發表
睇左咁多頁,大家有沒有想過,就算我們很想102P全日,巴士公司又是否想呢? 重組完就兩間巴士公司有什麼好處? 我強調的不是對乘客的好處,而是對九巴,新巴,城巴各自盤數有什麼好處? 如果沒有,或者好處少,所有建議都係廢講 ...

雖然我地都知道你接近消息來源，但係based on往績，有時我覺得你都未必真係好了解巴士公司點諗

你成日話102拆線拉疏會趕客落地鐵，但事實又係咪真係咁？
110你夠識話糖水道上橋快四個字，之前北角客因為驚左銅鑼灣塞車而搭地鐵，咁點解同一道理102X又不適用？

而家兩巴大量過鐘私牌，拆線正正可以減少呢個情況，節省不必要成本，增加做緊生意的巴士數目比例，起碼叫做節流先啦…

仲有，拆102係要加少少車，但118又唔可減幾架？
之前你話叫班118北角客，上唔到車咪等下架，反正102都係頂閘，唔影響巴士公司收益。
咁點解同樣道理又唔可以套用118身上？唔可以話佢地上唔到車等下架，反正佢地都係死等118？
唔好唔記得，118自己都有筲箕灣客喎

原帖由 053h4 於 2013-12-31 01:26 發表

所以事實係而家10個煲得8個蓋，靠短棍支持繁時最密個段的密度
唔通架架由頭碌都尾咩

而102繁時根本就唔夠車行，如同前文118p半滿但102頂閘
當然，118唔減班，我都唔知何來有配額比102加班

而我唔知幾時有話118北角客上唔到可以等下架102

我知「118北角客上唔到可以等下架102」唔係你講，係另外有d支持118提速而唔理北角客的板友一直都提出呢d觀點

個位數班次的過海線可以支持到開多d短棍，但係如果班次去到雙位數，就真係要諗，仲有要考慮埋遷就時段

原帖由 1005 於 2013-12-30 19:40 發表
借facebook朋友仔張相用一用
今日下午五時半118紅隧排隊盛況
呢個時間係城巴時間
改路後，118人龍未減

另外
今朝發現
0732前後在藍灣半島開出 0既118同118P都係開特車
118P 0既特車比以前開早左
而118返柴灣 0既九 ...

今日下午繁忙時間旺角道近西洋菜南街發生左單交通意外，成個油尖旺交通陷入癱瘓
有好長時間118班次係嚴重受阻，除非有紅隧口起載班次清客
所以今日呢個盛況未必同改路有關

原帖由 053h4 於 2013-12-31 01:14 發表
971先廿分鐘一班，得益於西港島線工程同執970雞，繁時都係爆的，點交數？
新巴而家都唔敢班班落單層

117，104，112北行都係夠客的，南行頂多咪叫開條112X, 以九巴作風，唔通做102X 去北角，私牌去中環灣做104等過海線咩

不過112改到 ...

我無講過要104 971交數…

至於117，的確係彌敦道過海線較差的一條，如果真係要考慮交數的問題，117係首選，
改去尖咀減車縮行車時間，又開拓埋銅鑼灣尖咀客唔係壞事，分分鐘賺得仲多/蝕少左

至於112，事實係北行多客但南行真係麻麻地，以而家官方九、新派車各12、14架
但係實際用左唔少車私對站計，重組方法根本好多，
如果跟我F1板個建議，拉110減車俾112X、拉埋108重組，一拆三，一條112X、112縮去銅鑼灣天后，
再加一條旺角寶馬山解放108，其實係夠車的，旺角銅鑼灣一段亦可以維持到非繁平均6分一班

講開Quota，彌敦道旺角段係咪已經用晒Quota？我知道尖沙咀係比較緊張，但九巴早一兩年大量調整班次，旺角Quota而家會唔會無以前咁緊張？

原帖由 PB602 於 2013-12-31 02:09 發表
講開Quota，彌敦道旺角段係咪已經用晒Quota？我知道尖沙咀係比較緊張，但九巴早一兩年大量調整班次，旺角Quota而家會唔會無以前咁緊張？

QUOTA係老運自己訂立,佢話多就多,少就少,睇下有冇需要.
尖沙咀早幾年CUT左好多車,而且路面負荷已減輕,所以開多幾條入彌敦道都唔怕.不過,旺角就好明顯老運唔想咁多車,基本上係想南行車次削減.

拿,咪話我得個講,如果真係想102拆線,咁樣玩法或者可以考慮:
112總站延長至美孚,不經蘇屋,車數不變
102總站縮短為蘇屋至北角碼頭,行車時間為55分鐘,用車20部
102X新全日線蘇屋至筲箕灣,健康村出入,行車時間為58分鐘,用車13部