香港巴士公司能否學英國咁用GPS監察車長駕駛態度?

我見倫敦既巴士有GPS,同埋公司有CALL台,一見有車長開得太快,會即時叫車長開慢D,同時一見有車長開得太慢,會用CALL台叫車長開快D.

可是,香港既車長,卻因為冇枉管,結果經常出現刻意碌車搏過鐘,搏休息等等,受害既係乘客.

其實香港既巴士公司能否學倫敦咁玩呢?

香港既 CALL 台只會俾一班未做過前線既人 (甚至係未攞車牌) 既人控制
況且以香港既文化， CALL 台只會叫啲司傅渣慢啲

叫班死咸魚插少陣司機得唔得????

如果市區塞車，你個call台叫人開快啲，想博鬧咩？

原帖由 S315E 於 2013-12-30 16:18 發表
如果市區塞車，你個call台叫人開快啲，想博鬧咩？

刻意碌車同市區塞車明顯係兩回事吧,
而家樓主講緊前者而已 ~

即時 GPS 就唔知啦
但如果可以秋後算帳的話 , 城新而家已經可以 ..

原帖由 AVD1 於 2013-12-30 16:26 發表

刻意碌車同市區塞車明顯係兩回事吧,
而家樓主講緊前者而已 ~

得GPS同call機，中心淨係會見到部車喺邊個位，塞車就係咁先

叫車長開快開慢我就未聽過，
call台通常係控制班次同埋發佈即時交通指示例如邊度有意外要改路，塞車就提早清客私牌。。
gps其中一個用途係要比乘客同控制中心的人知道架巴士的位置來計算到站時間。。。
倫敦巴士係有行車時間表，就算要刻意碌車都吾會碌得太過份，
小弟眼見多數係安全駕駛ｍｏｄｅ多過刻意碌車，反而快車手就不時都見

老實講，小弟日日坐巴士未聽過／見過用gps／call台來監察車長駕駛態度

安全駕駛係岩既,但安全駕駛不等如刻意碌車.
現時香港班車長,好多因為搏過鐘,搏私牌,搏休息時間,走去勁碌,應去既唔去,呢d一定要嚴治.

原帖由 AVD1 於 2013-12-30 04:26 PM 發表

刻意碌車同市區塞車明顯係兩回事吧,
而家樓主講緊前者而已 ~

我只想到的係靠一堆車去組合行車速度﹐去分析有無車比平均為慢。
而一些車流少的路﹐無其他車的數據分析﹐便直接睇行車速度去看快與慢。


但是路面變化多端﹐係唔係真係可以分到塞車/慢車﹐以及故意碌車?

另外﹐又係唔係巴士公司會投入一定的人手資源去監察每一部車的行車速度


更重要﹐法例講明行車期間唔用手持通訊器材﹐需用免提設備。而行車期間司機有責任專心駕駛﹐以保行車安全。
這樣咪意味司機在行車期間﹐根本可以唔理對講機的指示﹐ 故意碌車的可以繼續碌車。



例子 1 :
這一類位置﹐高速公路要進入小路﹐入小路多車慢流。
在主線可以正常車速行駛﹐入小路卻有一條長長的車龍慢流﹐系列又點分係行主路定入小路慢流?

單純靠gps去計算位置及車速﹐好難分辨到係碌車定係路面因素慢車。

** 上述位置只供講解之用﹐非討論此位置

例子 2 :
1條來回行車路﹐各方向只有1條行車線﹐中間為雙白線。
如果巴士跟隨一部慢車﹐而雙白線又有一定長度距離﹐單純gps又係分唔到係碌車定係路面因素而慢車。



例子 3 :
市區問題﹐例如彌敦道/長沙灣道﹐巴士要不時停站。
有些巴士線站會比較密﹐有些巴士線會比較疏。
有時又受巴士站前後的泊車所擋問題﹐有其他巴士佔用車站等問題﹐要提早收慢/等候。
在此情況下﹐其他車在相同位置由於不用停站﹐可以行快線。2類車組合上來分析﹐會唔會錯誤地以為準備停站的車係碌車中。



例子 4 :
車本身的狀況
車上客多客少﹐已經可能直接影響車可行快與慢。而車本身的馬力是否足夠﹐有無維修問題令馬力下降﹐司機點比油﹐部車都唔肯去。



以上﹐純粹理論上分析﹐講解單靠gps難以去分辨司機有沒有行車車速有問題﹐會有錯判情況。
如在錯判情況下﹐又要提點司機﹐便會為司機帶來很大的無形壓力﹐得不償失。



如果巴士公司真係有心去捉碌車﹐其實只需要睇下同一路線的司機/車輛﹐每一個車程有無異樣。
有個別司機有異樣﹐派出便衣人員去跟車﹐幾轉便可得知係什麼問題。可以得知係車本身問題﹐路面狀況問題﹐司機本身駕駛經驗問題﹐定係真係碌車。


不過﹐gps 去捉車速唔係話完全無用﹐但唔係捉慢車﹐而係捉快車。
gps 可以捉到一些時速 50km/h 或以下的位置﹐有無司機超速。