港鐵又出現疑似扣錯錢事件(涉及港鐵巴士及輕鐵)

9月3日至12月29日，曾乘港鐵巴士轉輕鐵既乘客，可能有被扣錯錢。
但我想問，佢唔知係邊條港鐵巴士路線，同埋係邊個輕鐵站既出閘機，定係所有相關轉乘都有機會？

O係呢個時候，個八達通服務站/八達通PC讀卡器/八達通查閱易app幫唔幫到手辨認港鐵有問題的車程？還是要港鐵既客務中心先知？

[ 本帖最後由 lsc04d11 於 2014-1-2 20:26 編輯 ]

暫時MTR官網未揾到公告，mtrupdate的面書亦未有提及，估計未來1-2天會有正式公告。

介時估計可能會有清單或網頁去查是否受影響。


八達通服務站照計唔會幫手，因為是mtr本身問題，Mtr要提供資料給八達通公司才可幫手，但這個過程會涉及資料轉移，乘客可能覺得個人資料有機會流出，為免令人多疑，自己處理好過。

PS. 現時做八達通退款，用apps已經處理到，不一定去服務站的。

呢個問題好似之前都發生過，有無人記得當時係點搞掂？

去左客務中心佢會check 到四個月前紀綠咁勁？
咁問題又黎，佢又做咩記錄人地搭車成四個月

定係隨口講就會退錢？

其實港鐵係咪應該自己有能力查到呢 ? out 返邊 d 八達通 no. 係搭過

其實佢每年都要計票務收入
應該會有KEEP既~

扣多冇人領果D好應該撥入個優惠基金
學下星洲整D晨早免費出閘咁
益下香港人

原帖由 busfunfun 於 3-1-2014 01:02 AM 發表
扣多冇人領果D好應該撥入個優惠基金
學下星洲整D晨早免費出閘咁
益下香港人

係香港人唔制之麻。
唔好講淨港鐵，講成個八達通多扣錢既紀錄，又要八達通公司裝D「退款機」(正名係服務站)，30個嫌少又要不停加，仲要開發埋個app同PC都可以退錢，都唔知八達通公司O徒左幾多錢。
最好笑係，你睇番八達通網頁既數字統計

	總額	宗數
2013年4月30日前的未完成交易紀錄	3,748,593	404,883

截至2013年 12月29日的退款

254,015

25,323

由2013年5月1日起截至12月29日的 未完成交易紀錄

775,285

64,888

截至2013年 12月29日的退款

60,626

4,325

我唔講2013年4月30日(發新聞稿公佈可領退款前)既數字，淨係睇5月1日起至12月29日，在大家知道有退款機制後，70幾萬元，只有6萬多元領回，一成也不足。(6萬幾單扣錯數，只有4千幾單拎左，其他6萬2千宗交易既主人呢？)
以前呢d錢俾慈善機構做慈善，宜家受惠者失去了這60多萬，八達通還要等這些真正的「主人」領取，分分鐘真正有需要既人已經身陷險境了……

投訴八達通公司亂將卡戶的錢亂花，但又不見你們來領？已經可以用服務站、app同PC，咁方便，冇得講喇卦？

[ 本帖最後由 lsc04d11 於 2014-1-3 06:07 編輯 ]

原帖由 dogdog 於 2014-1-2 23:08 發表
呢個問題好似之前都發生過，有無人記得當時係點搞掂？

去左客務中心佢會check 到四個月前紀綠咁勁？
咁問題又黎，佢又做咩記錄人地搭車成四個月

定係隨口講就會退錢？ ...

香港政府規定所有商家KEEP數最少要KEEP七年WOR..
四個月？濕濕碎啦...

回正題：我點樣可以懷疑自己有冇扣錯錢呢？
9月時我搭過咩車我都唔記得啦...

原帖由 GD1570 於 2014-1-3 08:11 AM 發表


香港政府規定所有商家KEEP數最少要KEEP七年WOR..
四個月？濕濕碎啦...

回正題：我點樣可以懷疑自己有冇扣錯錢呢？
9月時我搭過咩車我都唔記得啦... ...

2881 8888 直接問職員﹐相信會方便過你去西鐵站/輕鐵客務中心。
前者話有$$ 退﹐咪問可唔可寄支票(好過要去一轉車站)。後者有$$退使即處理﹐不過唔係順路又唔駛排隊﹐最後又無錢退/退得好少﹐會好花時間及金錢(車費)。

原帖由 fourtong 於 2014-1-2 11:16 PM 發表
其實港鐵係咪應該自己有能力查到呢 ? out 返邊 d 八達通 no. 係搭過

你只要想幾個問題﹐便可以知道 mtr係唔係有能力去知道過去某一個時間的交易紀錄。
而在此方向去想﹐其實所有商戶都係有能力去check番自己的交易紀錄﹐只是有無需要以及有沒有人手。


你用八達通交易之時﹐商戶係唔係真係無record? 商戶只可以信八達通做結算後﹐講出個金額?

你去 m記包店﹐超市等地方用八達通付款﹐張單都有印出你的八達通卡number﹐你話商戶有無法得知交易紀錄。
問題只是商店自己有無做好卡號﹐扣款金錢﹐交易編號﹐以及自己的相應的交易內容﹐是否可以事後核對。



第2個問題﹐你估mtr club儲分﹐會係由八達通公司提供番交易紀錄給mtr﹐定係mtr利用自己的交易紀錄去分析﹐得出個別八達通的計算分數。
我個人推測係後者。

原帖由 dogdog 於 2014-1-2 11:08 PM 發表
呢個問題好似之前都發生過，有無人記得當時係點搞掂？

去左客務中心佢會check 到四個月前紀綠咁勁？
咁問題又黎，佢又做咩記錄人地搭車成四個月

定係隨口講就會退錢？ ...

你去客務中心/打hotline﹐唔係在這些地方直接去check你過去多個月的交易紀錄﹐而是核對事前覆核得出有問題的交易清單﹐再按這份清單去做退款。


所有交易﹐都有法例要求﹐最少保留7年。
而公司自己本身都有權隨時去做查核﹐有無錯誤收取乘客的車費﹐不論收多定收少﹐一旦查到出來﹐便可以跟進處理。

[ 本帖最後由 kei_hk 於 2014-1-3 10:36 編輯 ]