１月份 新出版既 ８ 冊巴士及航空書 （已更新）

後半本年鑑老實講, 都係炒返N年前既冷飯~~有點失望~

其實陳生D書0既賣點, 咁多年來都係賣權威資料, 好多時同D巴士公司高層, 巴士製造業人士高層, 不論本地同外地都有相當廣0既人面, 呢一點相信暫時未有人可及, 而另外就係賣歷史資料, 所以慢慢就建立左「名牌效應」.  

不過, 佢出左咁多本年鑑, 相信D歷史資料都差唔多七七八八, 所以開始有翻炒冷飯0既情況出現, 再者, 依家D巴士唔係ENVIRO就係VOLVO, 一係就VOLVO同ENVIRO, 其他廠商型號就間唔中先有D(如SCANIA等), 即使幾「百花齊放」極都好有限, 對於揀選寫作題材實在非常之有限, 所以好耐之前佢已經加插左唔少外國資料落去填補...再加上出左咁多年, 老讀者開始覺得枯燥乏味冇乜新意真係一D都唔出奇...不過今年最令人失望0既真係頭果兩篇...如樓上所講, 根本唔係一個專訪, 直頭係俾個兩間公司寫埋哂D公關宣傳文章, 尤其係頭一篇, 何止係內容空洞, 睇到九龍公司成篇野寫到自己天花龍鳳, 不斷自我感覺良好地吹虛美化自己0既功績, 根本同廣大市民近年對呢間公司0既負面印象完全兩回事, 簡直真係為攝位而放落去0既文章, 仲要放0係第一篇...似係陳生「俾面」居多, 難道係陳生「報答」九龍公司多年來俾咁多方便同資料佢寫書?

講到咁今年買唔買都系等埋回顧比較下先

回顧呢兩年越來越好

講漏左樣野, 原陳生Team人幾年前見陳生冇出年鑑所以分拆左一班出黎自己出「回顧」, 令陳生流失左唔少資料來源都係水準下降原因之一

原帖由 大班神經漢 於 2014-1-23 08:47 發表
講漏左樣野, 原陳生Team人幾年前見陳生冇出年鑑所以分拆左一班出黎自己出「回顧」, 令陳生流失左唔少資料來源都係水準下降原因之一

其實持平點, 而家發放消息的渠道由社交網站至論壇甚至WHATAPPS, 這極快傳送的訊息流根本令好多人好快地吸收到最新資訊, 唔駛每年等到年尾睇下各路英雄有咩獨家新聞, 其實文章質素多年未見有咩轉變, 唔同的係以往係好多白紙去睇年度刊物, 由白紙慢慢儲墨水; 而家係已經變左儲左咁上下墨水的人去睇番年度刊物, 本SUMMARY仲值唔值就見人見智, 起碼消息來得快, 冇人整合的話, 都係散修修, 有段記憶, 但冇咁實在, 想搵番亦都難
當然公關文點睇, 讀者本身有立場, 好難講係咪認同應該放第一版, 不過書就係綜合唔同方面的看法, 唔會側重於一邊, 起碼見到一個SELL 重組, 又有一篇講北區重組出現的各項問題, 有點前後回應

[ 本帖最後由 GK9636 於 2014-1-23 11:56 編輯 ]

已讀完年鑑，歷史料其實唔係冇價值，但放在年鑑入面似乎又有D唔對題，因為相關內容跟2013年的關連並不太大。巴士公司高層的文章也的確沒甚價值（雖然以前關則輝都有寫但誠意多好多），而其他野就正正常常咁啦。比較返重出年鑑後，暫時個人最鍾意2012個本

其實 2013年大家都好關心丹拿 E 的狀況

同埋個幾篇利蘭，
一早講左會放起年鑑

原帖由 Wright---AVW16 於 2014-1-23 18:21 發表
已讀完年鑑，歷史料其實唔係冇價值，但放在年鑑入面似乎又有D唔對題，因為相關內容跟2013年的關連並不太大。巴士公司高層的文章也的確沒甚價值（雖然以前關則輝都有寫但誠意多好多），而其他野就正正常常咁啦。比較返重出年鑑後， ...

其實佢既年鑑 似係想頂其他個兩本
反而陳生既車型書 我就覺得無一個編者出既能夠比得上
好期待佢之後個本新加坡利蘭
同埋想佢出D少人寫過個D歷史書 如大嶼山 九鐵巴士 以陳生既實力本書一定會寫得好好

原帖由 petcity 於 2014-1-24 00:11 發表


回顧由09到12都有買，但老實講，2011同2012個兩本已經
回收左，重提一樣野，回顧2012入邊好多野一樣炒冷飯，而且
係好快咁炒，炒既量仲好多，如果比較，去年交通年鑑比回顧仲好

持平一D黎講，陳自瑜既書的確因為佢本身寫左咁多本，不 ...

年鑑我千禧年代有買，依家都只係買年鑑，
我覺得依家佢賣點係好多深入野同埋獨家野，例如車廠新訂單、規格，又或者一o的比較深入講機械配搭同巴士相關技術發展既文章都係精品，值得欣賞，
例如新城報站系統、兩軸車發展、老車長講巴士都係推介，但近年貼近車廠消息只剩 ADL，反而富豪好多新野都無提，B9TL 由面世到依家都無一篇正經文章講佢研發過程同特點，本書好似變左 ADL 代言刊物一樣，
呢樣係美中不足。

不過斷左幾年無出之後，依家文章質素的確係下降左，有部份撰文人支筆唔靚、內容又空洞流於表面。
前兩年篇金單層文簡直係災難。