九巴落車門八達通機

原帖由 miklcct 於 2014-1-21 12:03 發表


嘩，你唔係要我喺部頂閘嘅64K流水線巴士由後門行去前門落呀嘛？

咁除左親愛64K外
仲有冇鄉郊線係有特別既需要?
lee條線行返後門又問題不大
要偷雞而家都有得偷

原帖由 流星☆雨 於 2014-1-21 14:35 發表
其實，三管齊下，
係車站加八達通機
係落車門加八達通機
保留現有既前門拍卡落車
因應唔同路線既情況採用唔同既方式
又得唔得呢？

冇話唔得,不過有咩誘因要九巴放咁多錢去做呢啲唔會令自己收入增加既野?

原帖由 流星☆雨 於 2014-1-21 02:35 PM 發表
其實，三管齊下，
係車站加八達通機
係落車門加八達通機
保留現有既前門拍卡落車
因應唔同路線既情況採用唔同既方式
又得唔得呢？

車站 : 唔好想啦﹐前文已經講了最大問題..... 電力供應問題及拉電的成本。(上文都無講搬臨時站的問題)

落門加八達通機﹐係巴士公司所採用的方案﹐乘客使用方便﹐成本又低。

前門拍卡﹐現時已經路線採用﹐缺點有一個﹐便是當企滿人的時間﹐落車的乘客要去前門拍卡下車係一件麻煩事。因為這個原因﹐所以便想出在落車門加多一部機。


日後﹐應該只有在後門加機做分段﹐而前門下車拍卡安排會保留﹐以便個別後門無機的車用此方式提供分段﹐亦可以在後門機有故障時使用此方式提供分段。

原帖由 Snoopy@FB8617 於 2014-1-21 02:46 PM 發表
咁除左親愛64K外
仲有冇鄉郊線係有特別既需要?
lee條線行返後門又問題不大
要偷雞而家都有得偷

聽講 77k 都係重災區之一。


我聽講炸﹐之前有舊文都講了情況﹐又好似上過報紙。
現時情況又係點﹐我唔知啦。

剛剛想起另一個問題。而家落車門安裝八達通機，其實佢地可以考慮做埋上車支付車資的功能，因為有時見到車頭迫滿人，但入面仲有好多空位。中門裝八達通機，除了做雙向分段外，在前門上唔到車的情況下可以改為中門上車，又可以用盡巴士的載客量。

原帖由 win350 於 2014-1-21 03:07 PM 發表
剛剛想起另一個問題。而家落車門安裝八達通機，其實佢地可以考慮做埋上車支付車資的功能，因為有時見到車頭迫滿人，但入面仲有好多空位。中門裝八達通機，除了做雙向分段外，在前門上唔到車的情況下可以改為中門上車，又可以用盡 ...

問題會係上車唔拍卡而途票。同埋現金客上車﹐在落車時誤拍卡的問題。

前者無了司機把關﹐真係上車唔拍卡﹐真係無得捉。當司機在cctv/反光鏡見到又點﹐因為車內太多人﹐影響了司機的判斷﹐同埋司機要埋都唔係易事。
這樣巴士公司真係會損失全程車費﹐但提早落車拍卡﹐極其量只是少收車費﹐損失會少一點的。

後者﹐在落車機只需程式會check到沒有同一車程的交易紀錄﹐便不會做任何交易﹐便可令到現金客誤拍卡而雙重收費。
但如果同時接受收費﹐這類客又錯手拍卡﹐便肯定會雙重收費。

你唔好講無人用現金付車費﹐有些人為了清埋家中的毫子﹐間中都會刻意用現金付車費的。

其實而家$2客已經搞到好多長途線拖慢哂

原帖由 MG9003 於 2014-1-20 18:48 發表

其實而家都會有 當過左 雙向分段既站 , 你再拍卡唔會有回贈 ,點解我知 因為被某車長較錯方向而試到
話說曾經我試過坐完 273A 轉 76K 返元朗 , 因為 76K 落車 要拍多次卡拎番個轉乘優惠 , 但當我落車再拍多次卡時竟 ...

其實呢個方法已經杜絕咗大部份落車唔泊卡既客，
因為係用錢迫人拍卡，
而唔係司機睇住人拍卡
而且司機只要捉拍咗卡但唔落車既客 (個難度比起落車先扣數個監察已經細咗)

不過照計同一部車兩部機都要有同一 SET 功能，
如果唔係閘長或者輪椅客就比較難拍到後面部機，而且裝咗部機喺後閘有助紅隧線前後門一齊上客

[ 本帖最後由 HF3204@243M 於 2014-1-21 19:48 編輯 ]

原帖由 win350 於 21-1-2014 03:07 PM 發表
剛剛想起另一個問題。而家落車門安裝八達通機，其實佢地可以考慮做埋上車支付車資的功能，因為有時見到車頭迫滿人，但入面仲有好多空位。中門裝八達通機，除了做雙向分段外，在前門上唔到車的情況下可以改為中門上車，又可以用盡 ...

你個方法可能真係做到「理想」，但好多長途線或真正多客的線，要塞真係已經塞滿哂，係d流水線，個個都恃住就黎落車而唔行入。

我反而對落車門裝八達通有個擔心︰
就係載客量會少左，因為好多乘客都放八達通在褲袋，如果逼到落部八達通機時，分分鐘嘟十幾次………(雖然可以set一分鐘後的交易才會再次確認，但長途線或者過一次紅隧都真係有機會狂扣錢，反而令到每個客不敢企得太近落車門，真正載客量可能少左)

原帖由 HF3204@243M 於 2014-1-21 19:46 發表

其實呢個方法已經杜絕咗大部份落車唔泊卡既客，
因為係用錢迫人拍卡，
而唔係司機睇住人拍卡
而且司機只要捉拍咗卡但唔落車既客 (個難度比起落車先扣數個監察已經細咗)

全線上落車強制拍卡, 唔理有冇分段, 落車唔拍卡罰錢, 咁就係用錢迫人拍卡既極致 (但當然係唔work)
至於拍左卡唔落車, 有心逃票既話根本捉唔到, 只可以話捉得一個得一個.......