九巴26M調整班次

RE ATE271：23非繁轉唔到大單，我經常由西灣河坐船仔過觀塘再轉 23 上返順利/天返工。(回覆您完畢)

23/23M 最大問題係，兩部車到和樂邨的時間始終夾不來。周時我都坐 1330觀塘碼頭開出班次(兩點返工時間岩岩好，仲有十分鐘可以hea 陣至開工)，到和樂邨時候，如果是但一架車到站先，就會食左和樂邨站約 30-40個客，而且好多都係年老者，大單層要佢地企，您估碧珍姐姐會放過九巴嗎？唔好睇少呀伯呀婆，佢地個個都一袋二袋，冇乜邊個條褲或腳會願意與他們的新鮮食品親吻囉。

26M 呢條線，如果響順天唔想遊車河至落觀塘，坐佢會最快捷。因為我返順天的話，十點放工，跑上去順安邨個尾站，實會走左班23 (通常 22：05左右會去得到順安尾站)，無謂望車輕嘆，不如行落去慳番四元幾角。宜家改定點，其實一定程度上方便左我可以預計一下個到站時間，安排自己收工。

自己計過，十點準時離開步行落山，十時卅分左右就可到達觀塘站，一般而言，十時十分左右，23 會落到聯合醫院，坐到佢的話可以節省十分鐘步程。

講真，如果 23+26M 合併，而價錢可以不變，而乘客願意配合(機會不大)的話，合併是有可能的，但你如何指導乘客由利業樓轉去利康樓上車呢？我諗如果九巴試做預計抵站時間，部分乘客見對面差不多有車到，都會行過去既。

至於 29M，真係冇得彈！任何一個位置塞車都可以令佢玩 3卡以上拖住行，問你點預時間！有一個周末，彩虹道東行有道路工程只剩一線行車，就係咁樣，四美街站既車出入都受影響，入站要響迴旋處塞 10分鐘，出站都要塞咁多。點解？ 因為黃格被佔用埋嘛，咪冇得入冇得出囉。。。所以 29M 呢個時段，係玩 3拖卡出車，4拖卡返總站。

題外話, 26M 開線頭十五年都係行40分一轉,
估不到開線三十年後, 雖然兩邊總站遠左少少但行80分一轉!

(29M都只係由40分一轉變成48分一轉)

唔出奇既
呢加協和街比以前多左車 燈又多左
行幾步又一個燈位
清水灣道又比以前塞
又要經觀塘站迴旋處
自然要多d時間
btw 會唔會以前40分鐘係偏少

原帖由 kids 於 2014-2-3 00:05 發表
唔出奇既
呢加協和街比以前多左車 燈又多左
行幾步又一個燈位
清水灣道又比以前塞
又要經觀塘站迴旋處
自然要多d時間
btw 會唔會以前40分鐘係偏少 ...

而家九巴根本比大晒D行車時間啦

26M行晒成條協和街, 由秀茂坪道交界起計, 來回程一共有接近20組燈, 加上站位同燈位完全唔夾,
如果部車要停站, 大部份都要停埋燈, 撞o岩前面有部23 23M, 即使你唔駛停站, 都要等佢地埋站先郁得,
淨係呢條協和街, 來回程已經夠玩你半個鐘.

最近有一次坐23上山的經驗, 由成業街休憩公園上車, 冇塞車但有碌車, 協和街遇著前面有23M,
祥和苑有人落車, 曉光街支燈停左兩分鐘, 但都依然追得番行先一步, 在聯合醫院的23M, 盞盞燈都唔順,
直到過順天巴士總站, 因為冇燈緣故先分開番少少, 結果我呢程成業街公園至順利消防局搭左35分鐘,
我當然心諗, 同一個站上車, 坐80已經入到大圍, 89C去到石門啦!! 無疑, 呢個例子係比較極端,
但平時無緣無故都要25分鐘車程先上到順利, 真係好難頂!!

落山都唔好得幾多, 好多時行路落山, 聯合醫院同23 23M並排而(步)行, 去到翠屏道口都仲響我隔離,
你話... 停同樣站位的26M一樣有咁o既情況出現, 會唔會有四肢健全後生仔咁/敢搭呀, 行落去咪一樣!!

所以好難怪四順人對於重組23 23M 26M有外人難以明白的心態, 根本呢D線唔係冇人搭, 路線本身
問題亦唔大, 只係我會認為巴士公司重組路線時唔諗下逆走四順, 因觀塘市中心.協和街的交通延誤
為順利作出時間上的補償, 始終有冇必要好似現時咁, 三條路線由和樂邨上到順利消防局走線都一樣,
中途停站停燈都要一齊, 順燈可以算, 但係有幾可停完站又順燈呢, 一開始已經拖卡, 結果搞到... 唉,
真係講到火到黎, 619又係咁, 明明條線服務四順, 走去漫遊市中心.牛頭角道, 又係永遠唔識順燈,
停完站又要停燈, 有時行行下都要停下, 振華道呢個位真係... 好心, 做乜牛下重建唔順便擴闊少少啊,
只係擴闊半米, 已經幫到唔少!! 結果, 619東隧去到順利30-35分鐘走唔甩, 但有時順燈順到你唔信,
可以20分鐘搞掂, 上個禮拜某日試過, 在順天邨追到前車.

原帖由 cyrcheung 於 2014-2-1 11:09 發表
講真，如果 23+26M 合併，而價錢可以不變，而乘客願意配合(機會不大)的話，合併是有可能的，但你如何指導乘客由利業樓轉去利康樓上車呢？我諗如果九巴試做預計抵站時間，部分乘客見對面差不多有車到，都會行過去既。

至於 29M，真係冇得彈！任何一個位置塞車都可以令佢玩 3卡以上拖住行，問你點預時間！有一個周末，彩虹道東行有道路工程只剩一線行車，就係咁樣，四美街站既車出入都受影響，入站要響迴旋處塞 10分鐘，出站都要塞咁多。點解？ 因為黃格被佔用埋嘛，咪冇得入冇得出囉。。。所以 29M 呢個時段，係玩 3拖卡出車，4拖卡返總站。 ...

23出單層的建議, 擺到明九巴知道23 23M成日拖卡, 23迫到冚, 班客咪會上23M甚至上26M囉!

預計抵站時間, 可以嘗試在利明樓619巴士站前面擺一擺, 反正呢個位平時會有城巴擺, 唔會阻到交通,
更甚直程響度擺站, 不過呢個位比較隔涉, 但如果利業樓班客真係咁識do, 肯齊齊轉用利康樓上車,
到時就有機會令利康樓站擠塞, 需知呢個站好多(拖卡)路線停站, 如27 29M.

29M要拖卡容乜易啊, 根本佢班次已經超強, 前面行慢一盞燈, 後面行快一盞燈已經追番啦!!
就係因為咁, 四順-觀塘路線點樣重組, 都唔應該拉埋29M一齊, 一重組就大件事, 連帶往返新蒲崗和
所有往返順利的轉乘客, 只會有負面影響, 拖卡或脫班更嚴重.

四順往返觀塘真係好奇怪
好似好多線,但條條都各有缺點

23
九巴唔想做大佢
因為收得平,而且工業區非繁冇乜客
去到協和街就要同23M/26M搶客

23M
行車時間太長
牛頭角沿線唔算多客
去到協和街又同23/26M搶客

26M
冇乜獨市位,彩雲協和街唔夠養起條線
落山方向又同23/23M唔同路


個人都係覺得三條線當中26M取消機會最高
只需要加轉乘已經可以取替到
23M就可以考慮唔入樂華
反正樂華往返四順,坐綠小48/619都方便過佢

原帖由 JX9097 於 2014-2-3 03:05 發表
23M就可以考慮唔入樂華
反正樂華往返四順,坐綠小48/619都方便過佢

23M既存在意義主要唔係在樂華往返四順
23M，M既意義就係做地鐵駁腳
即係23M既角色其實係分別做緊：
樂華<>地鐵站
四順<>地鐵站
兩邊山上既地鐵駁腳用一條線搞掂

[ 本帖最後由 kmb71k 於 2014-2-3 06:17 編輯 ]

原帖由 kmb71k 於 2014-2-3 06:15 發表


23M既存在意義主要唔係在樂華往返四順
23M，M既意義就係做地鐵駁腳
即係23M既角色其實係分別做緊：
樂華 > 地鐵站
四順 > 地鐵站
兩邊山上既地鐵駁腳用一條線搞掂 ...

我 諗 斷 估 都 唔 會 坐 23M (樂 華 > 地 鐵 站) ,
又 唔 就 腳 , 又 貴 .

原帖由 kmb71k 於 2014-2-3 06:15 發表
23M既存在意義主要唔係在樂華往返四順
23M，M既意義就係做地鐵駁腳
即係23M既角色其實係分別做緊：
樂華地鐵站
四順地鐵站
兩邊山上既地鐵駁腳用一條線搞掂 ...

樂華去地鐵站?
老早坐哂小巴去觀塘站啦
點會等23M去九龍灣/牛頭角?
仲未計23M站位根本唔就腳

四順去地鐵站
正正就係呢個問題存在
落山方向都可以叫兩飛(23/23M)
上山方向就冇車喺市中心有站
搞到三條線不倫不類