點解962系列重組唔用方案3?

原帖由 FBI2 於 2014-2-5 09:35 發表
其實而家青公想快既,有962B轉962X,61M轉960/961,想一程車既有962B,兩繁又有962,仲有個屯轉方便青公友轉車,仲想得一想二,係要搵962兜深井一事來嘈,有冇過份左D? ...

行車時間差8-12分鐘

昨日我搭962,1830開,1940到三聖
至於1825開的962B,則1945到三聖

原帖由 Sita1004-1017 於 2014-2-5 11:23 發表
要兜深井 垃圾

當屯門市中心加屯門西北都係得兩條全日過海線 (960+961)，天水圍加元朗都係得三條全日過海線 (967+969+968)，
單靠 962 系沿線 (屯門碼頭、置樂、青山灣、黃金海岸、深井) 根本係好難養活三條全日過海線，
如果搞到個別路線好疏車又有乜謂。

原帖由 Sita1004-1017 於 2014-2-5 11:25 發表
行車時間差8-12分鐘

昨日我搭962,1830開,1940到三聖
至於1825開的962B,則1945到三聖

想快的，請自行駕車，或乘搭的士。我相信這是你的經濟能力範圍內的！

其實城仔果堆大西北過海線
條條每個方向都有半日係冇乜客
新界方向係3點後先開始多人
港島方向係2點前先多人
當中以967情況最差
所以蝕錢係唔奇

反觀九巴968,960食正市中心
968非繁都成日坐滿
就賺大錢

日間兜深井足以應付需求，加上又唔係慢好多 (呢啲時段最多慢5-8分鐘，又唔係趕時間)，我又冇所謂，會照搭可也，班次同以前一樣都係15分鐘我覺得OK

但係宜家我最不滿的係深井客霸住哂架車的空間同埋下繁-晚間嚴重不足的服務，以前下繁西隧口962B例牌頂閘，但係962一定上到車，好彩的話仲有位坐，宜家望天打掛來一架有得企的962B   中環由有得坐變必企，灣仔特去到中環都要企，正常車係唔駛上，搞到深井客同青山灣客撈埋一堆，過左深井又好多位剩
下繁962得三班真係過分，仲要冇埋班cityflyer車，X962都有5班啦，開多兩班會死架? 只係識將青山灣倒埋落去已經滿瀉的962B，想我唔保鐵/保961/962X轉車都唔得
青山灣坐962X又係阻住真正要用962X返去的人，下繁搞到亂七八糟，同埋962特車個人認為依X962模式開中環起載車好過銅鑼灣開車，因為銅鑼灣開的話中上環唔會預到時間搭，同埋962下繁開到中央廣場就夠啦，屯碼搭番962C/X/X962都得，無謂影響真正要搭的青山灣居民，仲可以清客後轉右直接番屯廠
過左下繁你兜深井唔緊要，不過開15分鐘一班擺明玩野，以前8-10分鐘一班，足足疏50%不在話下，最大問題係晚間西隧口都要望車輕嘆，一係焗食屯轉西北風
12分鐘一班的962X又坐唔滿，一係齊齊開12，一係掉轉班次，B車開12，X車開15啦，行完街想一程車坐返屋企都搞到咁，真係離譜，好彩我夜晚通常銅鑼灣走啫，不過我替西隧口食西北風同埋皇后街OT完的打工仔慘啫，走左一班又要等多15分鐘，一係畀多啲錢搭九巴，一係上962X屯轉食風，15分鐘晚間班次絕對唔夠應付青公一帶，剩係個深井已經可以塞滿架車，呢點只係一個青山灣居民的小小希望。

原帖由 張偉沖 於 2014-2-5 09:20 發表
新年流流, 唔開你年都唔得.




哥仔, 962B 晚繁有特車開架,
仲有你唔係話過有962X962B 嗎? 唔係話過可以960,96152X,53,61M 咩?
係你將呢堆轉乘推崇備至喎.


你上唔到, 局長都話啦, 咪等多一班車囉駛死咩,  ...

晚繁特車咪一樣中環頂閘，問題係等多一班車冇人保證上到車喎，下繁由東區出發，反正都係地鐵轉車，去佐敦轉同中環轉一樣，都係轉一次車，但係962B上唔到車，分分鐘屯轉轉多次，你係打工仔會唔會搵自己笨先，有經濟能力的當然佐敦紅小，又或者九龍站park-and-ride啦，咁咪增加路面汽車數目，加劇汀九橋塞車，如果兩個人因為咁而park-and-ride，路面的車輛數目同開多班962冇分別

同埋你搭過佐敦紅小返屯門方向未? 我就搭過好多次啦，30分鐘到黃金海岸喎，佐敦上滿客行新填地街上西九龍走廊直飛汀九，汀九一定KEEP住70，深井先至停車落客，又唔駛站站停


962B非繁唔趕客，因為時間差只係8分鐘，下繁就唔同，根本上唔到車 (上環同西隧口)，等N班車仲要行深井喎，深井交匯處下繁例塞
有眼你睇，962B下繁青公客同非繁差唔多數量，以前962黃金海岸一個站落的客係宜家962B的一倍半

61M/52X轉車唔見得快，所以52X咪係冇選擇之下焗搭，你在青山灣等車出九龍，見到52X唔通唔上，屯轉轉60X又會有位嗎? 同埋52X係有一眾屯門X線沒有的獨市位 ─ 荔枝角道

今日8:13盧押道上962B，8:51分豪景落

西隧口有103人，豪景過後得40人，有5短途客，即深井68人，青山灣35人。

交匯處至豪景唔使7分鐘。估計深井交匯處去屯轉要11分鐘左右。



連繁時962B唔見得比962慢好多（五分鐘左右）。但如果勉強開大量962/962S客量似乎支撐唔到。962S就算做20分鐘一班我驚只得50%客量。但城巴要做最可能係抽962B資源（城巴唔會加大量資源落962系），結果當然係失去自己客倉

下繁已經係咁，非繁拆線仲有冇可能？

[ 本帖最後由 typhoon_york 於 2014-2-7 23:49 編輯 ]

原帖由 2076 於 2014-2-1 00:39 發表
宜家962B都唔夠載，下繁中環頂閘
晚間上環頂閘，城巴依然係X車12分鐘B車15分鐘
擺明玩野
同埋下繁塞汀九橋+深井+中環B車冇位坐，汀九橋慢慢塞慢慢企
搭鐵算數
原本由港島搬入去屯門就係睇到佢有頻密過海巴30分鐘通港島，宜家 ...

962B上下繁都有需要加車。就算上繁962B都係班班頂閘。但如果上下繁加班我都相信城巴唔會加落962，而係加落962B。起碼每個區都可以享受較密班次
962加班機會真係好細，鬼叫而家962無論上下繁客量都唔好

因為962上繁係唔會頂到閘，因為青山灣見冇位坐就會搭962B
所以962B就迫爆

962B下繁加到去收車都仲得，晚間銅鑼灣開15分鐘一班太疏，962X開12反而仲少客
銅鑼灣怡和街有時都上得滿窗口位

原帖由 typhoon_york 於 2014-2-7 23:48 發表
今日8:13盧押道上962B，8:51分豪景落

西隧口有103人，豪景過後得40人，有5短途客，即深井68人，青山灣35人。

交匯處至豪景唔使7分鐘。估計深井交匯處去屯轉要11分鐘左右。



連繁時962B唔見得比962慢好多（五分鐘左右）。但如果 ...

繁時962用4分鐘到屯轉

你成9點就緊係冇咁慢啦,係6,7點既時候係接近15分鐘先到屯轉(我試過)