和諧號列車點解淨係用一枝集電弓？

可能以前已經有人問過，但我爬文揾唔到，只好問多次內地和諧號一組列車中會有兩到三枝集電弓，但好多時
只會升起一枝取電，其餘就降下，跟香港既鐵路車輛全
部集電弓升起取電不同，想問是甚麼原因？有時見到
16節車廂只用一枝弓取電，會唔會唔夠電，行駛中如果
集電弓故障，整趟列車會否停電急停？

同列車設計 (幾多卡為一組) 有關, 通常每一組必須起一支弓受電
如果壞咗其中一組, 就由其他組繼續推拉,
好處是不會像單弓列車咁遇到牽引電源故障要全列車急停, 切電, 再起動

據聞大陸有些高鐵線路用上 25kv/1000A 受電弓, 而饋電線供電流達1000A
就可讓一組超過20000kw的十六節CRH380AL列車單弓上路

記得有人曾經解釋過因為交流電係電流方向不斷改變，所以用多過一枝弓取電，有機會
發生三相電既電流方向不同而撞相位，但點解
東西鐵線又可以同時多枝弓取電，所以都係唔
明白，我估計可能本港鐵路線係慢速，和諧號
就高速行駛，電流係短時間内需作多次方向轉變
，發生撞相位既機會較大，但我每次返內地搭
親不論和諧號動車定高鐵，不論多少節車廂，
都只用一枝弓取電，就會覺得好兒戲，一趟
16節車廂可能有過千乘客，高速行駛中如果
架空電䌫有物件纏繞，集電弓一掃過就可能整
趟車斷電。

其實日本E5/E6都係一支弓推全車，不過N700系就兩支..

E7而家就仲係試運轉中，未知做生意係用一支定兩支

我未搭過新幹線及台灣高鐵，所以不知是否也是一枝弓走天涯。基本上除内地和諧號外，未坐過外國高鐵，
所以係內地見到只用一枝弓就足以提供電力比一整趟列車
就覺得好詫異。港鐵系統內所有行駛中的列車只要有集電
弓一定升起取電。

原本有弓既電力車唔升弓，咁電力只能夠由另一卡有升弓
既電力車獲取，再經車廂內系統將電力由一卡傳去果卡無
升弓既電力卡，效率可能減低，果卡電力卡如果有升弓，
屬於有效載荷，可能對整趟列車加速有貢獻，而加唔升弓，
反變成負累，但當局仍然只用一枝弓，一定有箇中原因，
我估計可能升最少既弓可以減低高速行駛時既風阻，另外
可避免交流電撞相位，希望有高手可以知道原因。

純推斷﹐純靠估 : (無考究過任何問題/設計.....)

先講一支pan會唔會因為pan有問題而令全車無電﹐發生意外。

理論上唔會﹐因為車本身都有電池及穩定電壓的系統。
突然電壓不穩﹐或者突然斷電﹐都有電池做backup﹐列車點都會在授控的情況下慢慢停車 (可能係安全系統發揮作用﹐自動做緊急停車)。
如果列車本身有2支pan﹐同時唔係供電電纜問題﹐便可用另一支pan取電﹐繼續行程/駛去下一車站維修。


***************************************

港鐵同時用多支pan

會唔會因為車程短﹐加速/起步會比較頻繁﹐而加速/起步需要較大的電能﹐所以便要多支pan去提供電力推動。

而高速的鐵路﹐加速/起步少得多﹐車離站後加速一次達到指定車速後﹐只需保持車速﹐耗電較少﹐所以1支pan便可足夠提供電力所需。
最多﹐只是起步時因為電力叫做"有限"﹐減低了馬達的動力﹐加速時間較長。(但港鐵車站近﹐唔想因此而拉長車程)

收起1支pan﹐便可減少pan及電纜的損耗﹐同時當一支pan受損時(如行車期間撞雀/異物而損壞)﹐都有另一支後備pan頂上。

讓我來給大家一個較實質的答案吧.

先講香港本地的EMU, 由於集電弓跟本身的車組是單獨運作的, 牽引動力不能供應給其他車組, 如果該車組的集電弓下降, 就會即時失去牽引動力, 但該車組的空調, 照明, 儲電池等運作, 仍可維持一段時間, 也有部份列車車組可以提供相鄰電力供應, 把通風和照明供應一半給受影響的相鄰車組. 失去動力的車組就要由其他車組去推動, 會令列車的動力減少, 影響行車運作, 如在上斜路段或列車滿載起動時會較明顯. 而香港本地的EMU, 預設在運行時是所有集電弓都要升起的, 再透過列車跨接線. 令所有動力車組同步起動, 同步滑行.

其實MLR和SP1900, 司機都可以在駕駛室內去選擇那一支, 或那幾支集電弓升起, 又或隔離某一支集電弓, 但當正常升弓時, 列車的所有集電弓是同步升起.

至於和諧號列車只升起一支弓, 是因為在設計列車時, 已預設列車在運作時, 只升起一支集電弓, 以CRH1 8節編組的列車為例, 列車是3-2-3的分組, 每組都各有動力馬達, 而中間的一組更是沒有集電弓, 但只要其中一支集電弓升起, 再透過列車上的高壓母線供電, 其餘兩組動力車組都能得到高壓電供應, 就有牽引動力了. 除了動力, 車上的空調和照明, 儲電池運作等, 都能靠高壓母線供電, 所以沒有升弓的車組, 都能有空調和照明供應. 但是, 如果當預設的集電弓故障時, 司機也可以把故障的集電弓隔離, 升起另一支弓繼續行程.

另外, 我也曾問過內地的列車司機同樣的問題, 他們也說升弓一支集電弓, 可以減少集電弓的損耗, 延長集電弓的使用期限, 減少維修成本.

多謝解答。我仲以為用少一枝弓可以減低風阻。
另想問呢種用一枝弓透過高壓母線供電到其它車
廂是否和諧號獨有？新幹線及台灣高鐵是否都係
用一枝弓。