(轉貼新聞) 張炳良話早晨特惠計劃值得深入研究

http://cablenews.i-cable.com/webapps/news_video/index.php?news_id=427495

運輸及房屋局局長張炳良又表示，在事前沒有通知港鐵下，星期四早上曾經親身由沙田圍乘搭港鐵到金鐘，亦在下班繁忙時間視察金鐘站，發現有等多一班車，才能上車的情況，認為值得深入研究早晨特惠計劃，把將上班繁忙時間的乘客分流到其他時段。

我覺得首先要說服老板肯俾打工仔彈性返工先囉

總會有人係睇錢做人，睇下平幾多，值唔值早出門口。

例如點都出街食早餐，而家會外賣返公司食，日後可能食完才返公司。

不過，人數我相信唔多。

最少應該重設繁忙時間附加費，放寛巴士公司車隊配額，讓巴士公司可以加強繁時巴士服務，分流鐵路乘客。

原帖由 dongfeng 於 2014-2-28 05:12 PM 發表
最少應該重設繁忙時間附加費，放寛巴士公司車隊配額，讓巴士公司可以加強繁時巴士服務，分流鐵路乘客。

附加費﹐今時今日好難行得通﹐亦是一項收唔到長期效果的措施。
1. 一講到加車費﹐各大政黨議員﹐一定會出來開聲﹐好難獲得支持。
2. 當市民習慣收費後﹐會對收費「麻目」﹐你收幾錢都會習慣成自然﹐都係改變唔到使用時間的。

新一點的方法﹐唔用 "罰" 的方式﹐用 "獎" 的方式﹐與新加坡一樣﹐某一個時間之前出閘﹐會有優惠車費﹐從而鼓勵早出門口。
而獎勵﹐唔可以用入閘時間去計算﹐上面已經有人講﹐人的居住位越來越遠﹐車程已經增長﹐平時都7點幾入閘﹐又有一些人車程會短的﹐8點幾才需要入閘﹐最終2批人都會在相同時間在最繁忙的路段出現﹐所以你定入閘時間已經好難。


至於巴士車隊問題
3個字 : 遠水不能夠救近火﹐只能是長遠的幫助方法。
巴士公司已經被CUT車CUT線多年﹐要重整車隊﹐便要加訂巴士﹐最快都2-3年。仲未計後勤配套(如車廠維修)﹐是否有能力提升。
而路面的交通流量﹐亦比以前下降﹐車程時間已經比以前為長。

比較可行的應該會係8:15前在都會優惠票有效範圍出閘4次就有1張免費單程票

其他純粹以時間限制提供優惠，可能受制於綫路、地點而未必有效減低擠迫情況。

相信日後觀塘綫延綫通車，有可能要開黃埔/何文田←→彩虹區間車來舒緩黃大仙至九龍塘難以登車問題，而何文田車清客後晚繁可能要不載客去太子起載。

原帖由 tongcf 於 28-2-2014 02:45 PM 發表
我覺得首先要說服老板肯俾打工仔彈性返工先囉

除左說服老闆，其實打工仔都有D野要自我說服
1. 早D瞓覺，早D起身，少D賴床
2. 早D返公司食早餐，培養番健康既食早餐習慣，唔好車上食早餐

其實彈性上班都冇乜用，相信有得揀，打工仔彈性上班都會揀遲D返工，而非早D。
而如果呢個早搭優惠真係咁吸引人，以香港人咁「適應環境既性格」，到時晨早既比較非繁忙時間就會變成繁忙時間，宜家既繁忙時間就會少D人，最終……

研究下全線九卡化啦....

原帖由 dongfeng 於 2014-2-28 17:12 發表
最少應該重設繁忙時間附加費，放寛巴士公司車隊配額，讓巴士公司可以加強繁時巴士服務，分流鐵路乘客。

若7:30 - 9:30停售特惠票，小童/學生/長者八達通在該時段入閘收全費，特惠單程票不能入閘。7:30前及9:30 -10:30間用八達通入閘，不論卡種，給八折，如何？

原帖由 mak5052 於 2014-2-28 21:11 發表
若7:30 - 9:30停售特惠票，小童/學生/長者八達通在該時段入閘收全費，特惠單程票不能入閘。7:30前及9:30 -10:30間用八達通入閘，不論卡種，給八折，如何？ ...

問題係7點半都有班學生先岩岩準備入閘
例如元朗/屯門番天水圍信義咁樣既例子
7點40入閘都趕到返學
各大專又係8點半第一堂
如果呢個鐘數學生/小童收全費咪俾人鏟到上天花板~?