旅客增加 港鐵候車數目將大增

原帖由 busfunfun 於 2014-3-4 01:10 發表
言下之意叫香港市民唔好返工？
遊客、水貨客早出門是常識吧

我呢兩個禮拜日日早繁7:50AM粉嶺出港島,
我上第三卡, 想搵個大陸人都難, 去到金鐘全程見到的大陸人一隻手數得哂

大陸自由行落黎高峰係9:00AM之後, 人地唔係住關口,
要9:00AM前落到市區就要6:00AM前起身, 咁早落到黎鋪頭又未開

唔係話早繁冇大陸人, 但一定唔多

[ 本帖最後由 Kaix 於 2014-3-4 14:56 編輯 ]

原帖由 JF1261 於 2014-3-4 00:06 發表
唔知你幾耐無搭過東鐵,
朝早8點, 車尾一樣有成堆拉喼戰士, 由其係星期五, 唔知d 中國旅客係未唔洗返工
星期六日唔洗講, 由8點-下午班班車都周地喼,
要上車就好似越野賽咁
車箱環境同深圳地鐵無分別, 想聽到 ...

我呢兩個禮拜番香港渡假, 日日搭東鐵,
都冇見到太多大陸人, 反而仲覺得擠迫程度下降,
早繁大圍竟然淸哂客, 下繁金鐘上到第一班

原帖由 053h4 於 2014-3-4 13:16 發表
部車本身100%(OH SORRY, 70%先啱), D乘客夾硬入, 點會唔洗重開啊?

100%只係每平方米4人, 每平方米4人的情況係人人之間仲有少量空間未貼住,
要入點會上唔到, 輕輕推一推都上到喇, 如果唔肯推就唔該等下班唔好阻住車門關閉

原帖由 053h4 於 2014-3-4 15:23 發表
試下先啦, 將軍澳線超過100%的客量, 倒落港島線到, 除左鰂魚涌班客, 唔知你覺得係咪真係咁"未貼著"啦
朝早港島線西行車廂乘客分佈就好平均, 入唔到就係入唔到 ...

開門個邊咪貼住囉, 另一邊門同車廂中間都360度貼住在香港係好罕見下的

我唔信我推入去會上唔到囉, 香港迫車經驗我一定豐富過好多人,
我要上第一班我一定上到, 以月台邊及車門借力用背脊壓入去係點迫都上到的方法(東京除外)

100%只係每平方米4人,
人地東京現時平均每平方米5-6人, 部分班次每平方米7-8人,
咩叫入唔到就係入唔到?? 你唔推就當然入唔到

[ 本帖最後由 Kaix 於 2014-3-4 15:51 編輯 ]

興建北港島線,

比將軍澳線由北角延長到香港站,擴建香港站,

假設新延線可以充當港島特快路線.
可以吸引原港島線前往港島中部的人流...
當中設站時,希望不需要與現時港島線站數相等,
建議當中設維園,會展,添馬艦後以香港站作總站...

[ 本帖最後由 tkf_2005 於 2014-3-4 19:22 編輯 ]

睇返歷史資料，當年規劃地鐵，係以1986年嘅乘客量為準。
即係話，港島線理論上一開已經 tap tap ham 。

傳統上香港鐵路以南北走向為主，如新界出九龍，九龍去港島等，所以多條鐵路線以中環金鐘一帶為終站。

但而家一方面要發展港島東及九龍東（鰂魚涌、觀塘），另一方面又要發展大嶼山（機場、東涌、迪士尼），鐵路車程由過往集中於南北走向發展至今日南北同東西車程同樣需求龐大，而且出現好多由西面穿過市中心再去東面嘅超長車程（如東涌去觀塘、元朗去鰂魚涌），所以令市中心路段更擠迫。以前東涌出港島可能中環散晒，而家就要再轉港島線去鰂魚涌，對中環至銅鑼灣一後一定有壓力。

要分散乘客，北港島線一定要盡快興建，並且採用換線方案，將呢D來往東西嘅長車程分流處理（新界西至港島東搭東涌北港島線，將軍澳去中環搭將軍澳港島線），咁先可以有效減少擠迫。

另外，長遠應及早規劃一條來往東西九龍嘅鐵路線，令新界西往九龍東嘅乘客無需使用市區地鐵系統，從而減少擠迫。

原帖由 Kaix 於 2014-3-4 15:04 發表


我呢兩個禮拜番香港渡假, 日日搭東鐵,
都冇見到太多大陸人, 反而仲覺得擠迫程度下降,
早繁大圍竟然淸哂客, 下繁金鐘上到第一班

因為你7:50 分搭, 我唔知你上次搭係改左時間表未
以前呢個鐘數會隔6分鐘先有班車 (7:46-> 7:52), 因為要就大埔特車
所以係好逼,
宜家改左之後兩班車無隔得咁遠

仲有車頭小中國大陸人係正常呀, 佢地集中係車尾,
但無理由為左避佢地, 而要係紅磡行一段長距離呀 (轉隧巴/返 polyu, 車尾一上就係)

下繁金鐘上到第一班都係正常, 因為荃灣線晚繁加密左車

原帖由 Kaix 於 2014-3-4 15:31 發表

100%只係每平方米4人,
人地東京現時平均每平方米5-6人, 部分班次每平方米7-8人,
咩叫入唔到就係入唔到?? 你唔推就當然入唔到

香港平均計的話就每平方米4人, 但單計門位應該都有5-6人
另一個Post 都講過宜家港鐵列車設計係不利逼車

同埋香港文化唔同
你係東京逼上車係正常, 但係香港逼上車係會被人用眼神問候, 甚至開口叫人唔好再逼 (常見於大圍站)
而月台助理不但唔協助人逼上車, 反而阻止人逼車,
我試過趕時間見車上仲有位, 就諗住行入車, 但竟被月台助理阻止, 話部車太多人叫我等下架, 咁我當然無理佢啦

[ 本帖最後由 JF1261 於 2014-3-4 22:34 編輯 ]

北港島線暫時未知政府屬意如何，我就之前都講過好多次應該換線。

東西九龍線，唔知會唔會在諮詢時收到意見後認真考慮，真係要等睇戲了。