【討論】我們未來的鐵路 (#371附《鐵路發展策略2014》)

1：除左失望之外一早預左。龜記呢啲牟利公司，根本唔需要理咩方法便利最多乘客。反正交匯又唔會少幾個站起樓，興建費用又低啲，一早預左當年拋呢個方案會做左寵兒。邊度會輪到話你班乘客迫唔迫作關注點。
2：黃竹坑無左山形轉乘之後已經對呢條線無乜期望，佢點起都是但喇，反正我又唔係住港島，到時先睇東段點載客量200%。
3：到依家都唔明咁搞有乜意義，倒不如落馬州經錦上路落去接東西線，錦上路去屯門加長到去返荃灣西做屯門線

原帖由 053h4 於 2014-3-5 22:11 發表
而家港島線又唔係無人坐，去灣仔北又唔係少人
唔係話真係咁大問題wor

改左，港島線北角以東同炮台山去油尖旺，一樣可以投訴要轉多次車

另外南區有幾多客啊，洗集中咁多資源？
巴士都因為人口老化減班，新增人口有限下，西段分兩 ...

已經說過, 鐵路發展應盡量減低網絡既複雜程序, 以及令最多人可以減少轉車次數

如果真係採用交匯方案, 整大個會展站做多線轉乘好過啦..
搭南北走廊既人如果想去香港站/機場快線, 要轉兩次車(會展/添馬),

北環線本身都係奇怪
其實直接全部去古洞咪算囉
無謂分散班次, 削弱北環線分流東鐵的效果啦

北上果度,
屯元天去落馬州, 搭B1 咪得囉
你要人去錦上路轉車都已經無咩吸引力

九龍西去落馬州, 搭高鐵啦, 福田先係中心區

唯一係荃灣區居民受影響, 係古洞轉多次車其實都唔係過份啦..

[ 本帖最後由 JF1261 於 2014-3-6 00:01 編輯 ]

原帖由 timmylee 於 2014-3-5 22:58 發表
如果真係採用交匯方案, 整大個會展站做多線轉乘好過啦..
搭南北走廊既人如果想去香港站/機場快線, 要轉兩次車(會展/添馬),

我都認同
因為添馬再做轉車站真係太多轉車需要

[ 本帖最後由 hoising 於 2014-3-6 00:45 編輯 ]

原港島車站以南二百米已經係住宅區，反而被北港島線車站方圓五百米都是商業區。北港島線車站比較適合將軍澳線通勤乘客使用，北港島線換綫方案受惠乘客就一定比較多？減少轉車次數受惠乘客又有多少呢？

原帖由 egdeen 於 2014-3-6 00:47 發表
原港島車站以南二百米已經係住宅區，反而被北港島線車站方圓五百米都是商業區。北港島線車站比較適合將軍澳線通勤乘客使用，北港島線換綫方案受惠乘客就一定比較多？減少轉車次數受惠乘客又有多少呢？ ...

因為添馬呢個位真係好尷尬
未到中環

而且北港島線車站方圓五百米有三分之一去咗水入面
距離較入的港島線車站傳統商業區遠咗
呢個亦係「換線」方案的考慮因素--「打散原本固有人流」

減少轉車次數反而會有更大誘因令港島南、新界東、西乘客轉用北港島線
而將軍澳線則不過不失

減少轉車次數先起到分流作用
否則非前往靠近海岸線的地方都無法分薄港島線人流
乘客習慣換取更少轉綫時間及列車等候時間
可參考將軍澳綫同九龍南線例子

[ 本帖最後由 hoising 於 2014-3-6 01:23 編輯 ]

原帖由 hoising 於 2014-3-6 01:20 發表


因為添馬呢個位真係好尷尬
未到中環

而且北港島線車站方圓五百米有三分之一去咗水入面
距離較入的港島線車站傳統商業區遠咗
呢個亦係「換線」方案的考慮因素--「打散原本固有人流」

減少轉車次數反而會有更大誘 ...

最緊要新北港島線由北角-香港之間站數/車程會比原港島線少/快,
從而都可以吸引原港島線2端乘客可取用較快O既北港島線路段....

[ 本帖最後由 tkf_2005 於 2014-3-6 01:37 編輯 ]