如果同亞洲其他地區/國家比，香港鐵路服務質素如何？

前年去過大阪，搭過幾條地鐵線+私鐵+JR

地鐵就好明顯好舊，就算新車既車箱都只係好少少，但係同香港比，除左LED報站之外，無咩野可以同香港有得比，其他都好簡陋，月台更加只可以用殘舊去形容，通道/轉車唔方便，通道時上時落，間唔中仲會經過地下街/某建築物地庫

繁忙時間，車箱就只係逼過香港兩2-4倍咁多啦，真真正正無空位多嘅沙甸魚地鐵，沙甸到唔會有跌嘅可能，不過佢地係人手駕駛，D車穩過香港超多，有香港搭車嘅平衡能力嘅人，去到已經可以唔洗扶

準時方面，佢地的確好準時，但係地鐵好多時都係6分鐘一班，同香港1分鐘一班有好明顯差距

私鐵同JR，會比地鐵好多多，不過設施上一樣同香港無得比，但好欣賞佢地D特急車，飛站真係快好多

當然佢咩車都有梳化，對於好多香港人都覺得好舒服，不過梳化唔適合香港又係好明顯嘅事實(主要係天氣方面)

講真，講方便同設施，香港真係數一數二嘅好，但係氣氛同發展近年開始出現問題，新野起得慢出得慢，而且唔係為乘客著想，好大喜功為收益，思想停留唔進步，好多其他國家都開始追過香港鐵路，就好似台北/新加坡，早幾年去仲係差過香港，但再近D時間去就加左好多比香港好嘅地方，就好似新增對面月台轉車呢D新建設，香港嚟緊D站反而少用呢雒設計，有退步嘅感覺......

原帖由 053h4 於 2014-4-4 13:12 發表
啱啱先去完大阪/東京, 我就真係體會唔到, 大阪地鐵點樣迫過香港地鐵的2~4倍啦

轉乘方式就無得好講, 要就番城市發展同地下設施限制
而人地車站密度就高D

而咩簡陋啊, 殘舊啊, 起碼真係要搵洗手間, 相對就容易D啦

...

我係以8:30-9:30呢比較，其實就感覺到，香港最迫時間，人同人之間都有幾寸位，睇到手機，
而且除左門附近，都有鬆動，D人肯行/肯俾你行點都有得去個舒服嘅位，

喺大阪，機乎七日都係繁忙時間由心齋橋去梅田轉車，體會到男男女女都係背貼貼咁企，門口入面都無分別，
不過都只係繁忙時間地鐵感受到，私鐵/JR都唔迫

或者可能係我比較錯時間啦.....

[ 本帖最後由 waterboy1984 於 2014-4-4 15:04 編輯 ]

原帖由 053h4 於 2014-4-4 14:30 發表


只可以話, 香港睇到手機, 人地除時都摺著咁睇報紙啦

或者真係唔同時間啦, 荃灣線早繁尖沙咀四班車上唔到個陣, 我就唔係好覺得御堂筋線迫個陣, 荃灣線重有幾尺位咁勁LOR ...

打錯字，係幾寸位...(已改)sorr

原帖由 053h4 於 2014-4-4 01:52 發表 大阪新快速12卡2+2橫排，大阪地鐵十卡的御堂根線就迫唔過荃灣線

當啦，個別站友迫就同日本比最迫個程，車廂整潔度就同較差的比，票價唔考慮下收入，又或者好似日本咁有D60% discount 的定期票
咁香港自然世界第一啦

近畿差唔多二千萬人口，東京首都圈三千幾萬人口，但人地鐵路大多數路段，就無香港七百萬人咁迫啦
當然啦，沙中線要拖到港鐵認為過海段飽和先通重要減卡
港鐵票價有加無減又唔會有咩通勤優惠，專搶返工客錢，收入就袋袋平安啦
蟻民係咪等多幾班車lor

我之前咪提過大阪冇東京的嚴重擠迫問題，
但係咪冇香港咁迫？我唔覺，大阪平均混雜率都有150%，
部分路段達180%，咁已經同香港差唔多，
你有冇見過御堂筋線梅田站南行月台早繁的情況，
同金鐘站不遑多讓

東京範圍覆蓋方圓100公里，你咁計當然大部分路段都冇香港咁迫，
但大宮、橫浜以內就大部分都迫過香港，
呢個範圍已經係香港的總面積

另外，依家就講香港鐵路不足，我都講左N年喇，
但早幾年好多人話香港冇需要咁多鐵路喎，
當時金鐘不嬲都幾班車先上到喇，
西鐵/東涌綫當時繁時每平方米企3個人頗為鬆動，都比人剷話大白象浪費公帑，黎廣德仲話要塞高鐵客入西鐵，
到今日就人人想港鐵變佢地當年囗中狠批的大白象

所以話香港人思想只懂跟隨話題走，有咩就馬後炮，零前瞻性

[ 本帖最後由 Kaix 於 2014-4-4 18:47 編輯 ]

原帖由 4437 於 2014-4-4 11:38 發表
「可圈可點」係褒義詞，我細個果陣老師都係咁教，我自己都係當褒義詞用，
係唔知點解近年多左人用嚟做貶義。

個人中文冇朋友你咁好呢, 咁應該用 "值得斟酌", 改返先, 謝謝

依排上JR西日本網站發現，人地會將成個車站的結構同設施圖(包括百貨公司)擺上網，方便市民遊客查閱
但我睇港鐵網站，就唔覺有類似的版面，只係話呢個站有某樣特別設施，要行幾多米咁

而且細站都有
http://www.jr-odekake.net/eki/premises.php?id=0612202

原帖由 tonytsang_hk 於 2014-4-4 10:04 發表



可唔可以講下點理想法？

用番阪急京都線做例, 列出來既班次準時就一定係(應該全日本都係)
而京都線本身都幾密車, 三四分鐘左右就有一班車, 普通/準急車大部份時間有位坐, 去到大站可以無縫轉乘特急車
特急車由大阪去到京都只需40分鐘左右, 張凳舒適程度好過頭等MLR多多聲, 就算無位要企都算闊落
特急亦唔需要補錢, 咁既距離如果係MTR頭等相信都要廿幾三十蚊港紙, 所以我覺得阪急呢390 Yen性價比係好高

如果係搭京阪電車, 特急車既舒適度比阪急仲要高一個層次

至於市內地下鐵, 大阪既中央線我o係放工時間搭過, 的確迫過平時返工
不過中央線開得疏車, 要7,8分鐘一班
其他線雖然用車舊, 但班次密得多, 就算御堂筋線都唔算好迫

作為遊客, 我就覺得京阪神既私鐵地下鐵服務質素好高
車站指示充足, 班次頻密, 車廂舒適(即使通勤車都好舒服), 長途票價唔貴, 亦有多項日票同pass配合唔同用家需要
我自己就有其中三日用kansai thru pass, 一日用大阪地下鐵800 Yen日票, 維番條數其實只貴過香港少少