如果同亞洲其他地區/國家比，香港鐵路服務質素如何？

原帖由 tonytsang_hk 於 2014-4-8 07:08 發表
隔離有個post 提及東鐵可以加側面顯示屏
除左台灣,日本,中國鐵路有依個設施外,仲有咩國家有呢?

中國鐵路都計既話甘其實ktt都有側牌

香港既鐵路都叫爆既話咁我想問日本既通勤五方面作戰果d叫咩

因為日本爆過香港 所以香港就唔稱得上爆 咩邏輯
香港真係唔迫嘅話，就唔使親愛嘅蘇局長出嚟呼籲何不等多班車啦

[ 本帖最後由 devilreborn 於 2014-4-8 15:47 編輯 ]

原帖由 Kaix 於 2014-4-3 22:52 發表


舒適度數一數二咁差??

你有冇搭過倫敦地鐵、巴黎地鐵、羅馬地鐵、紐約地鐵、繁時的東京鐵路,
歐洲/澳洲好多鐵路連最基本的車廂衛生都未搞掂, 香港人係唔會想像到污糟到幾恐怖,
成地垃圾已經小兒科, 成地痴立立的 ...

咁圖中情況真係未見過
之前搭過倫敦地鐵D人好鍾意睇完免費報紙又留係車，下個又執黎睇

不過我都仲未見過外國有地方個地鐵站/車廂咁多無謂廣播/出聲既廣告

原帖由 icecone 於 12/4/2014 22:04 發表

不過我都仲未見過外國有地方個地鐵站/車廂咁多無謂廣播/出聲既廣告

如果計香港，呢樣唔係港鐵專利，巴士同綠小隨時更過份；
如果計地鐵站，廣州、台北亦唔好得幾多；
港鐵 (市區線 + 唔計 C 車) 其實都唔算亂出廣播。

你對一樣嘢有成見的話，佢做成點你都會搵到問題。

原帖由 icecone 於 2014-4-12 22:04 發表

......不過我都仲未見過外國有地方個地鐵站/車廂咁多無謂廣播/出聲既廣告......

在香港的鐵路，其實在廣播/出聲既廣告方面都唔算做得太差。

例如近年深圳羅寶線報站的語速被拖慢，廣州的地鐵有些車站的報站空間被廣告佔用了太長時間而不能兼顧三語報站，至於重慶的地鐵更糟，睇到某人的blog提到在報站系統賣廣告出神入化到就連講站名的前後時間都唔放過的時候，難道這些是我們期望香港的鐵路應該做的嗎？

[ 本帖最後由 paul2357paul 於 2014-5-5 06:27 編輯 ]

原帖由 HE7921 於 2014-4-8 12:18 發表
香港既鐵路都叫爆既話咁我想問日本既通勤五方面作戰果d叫咩

諗起香港以外在繁忙時間都是將近超負荷的鐵路線，我會數例如在深圳的龍華線和龍崗線。

龍華線衰在夠膽用4卡列車和一條鐵路線走到深圳北部，龍崗線衰在一條鐵路線走到深圳東北部。

所以亦難怪龍崗線在繁忙時間要落力派職員在車門關閉前吹雞從而令乘客嚇到唔敢隨便迫上車。

不過深圳好在已經落實大搞「北環線」，反而香港在搞「北環線」方面仍然有阻滯。

相比起美國及歐洲，香港當然很好。但對於亞洲，如日本或新加坡，港鐵就平起平坐啦。

原帖由 238X 於 2014-4-12 22:41 發表


如果計香港，呢樣唔係港鐵專利，巴士同綠小隨時更過份；
如果計地鐵站，廣州、台北亦唔好得幾多；
港鐵 (市區線 + 唔計 C 車) 其實都唔算亂出廣播。

你對一樣嘢有成見的話，佢做成點你都會搵到問題。 ...

同大陸比就唔嘈
同其他地方比就好嘈啦
車站車廂太嘈乘客就更易懆
結果對公司都未必好

另外又係除左大陸
好多地方地鐵個座位都冇香港咁惡坐
其他野香港都算唔錯啦Q!

原帖由 paul2357paul 於 2014-5-5 06:56 發表
諗起香港以外在繁忙時間都是將近超負荷的鐵路線，我會數例如在深圳的龍華線和龍崗線。

龍華線衰在夠膽用4卡列車和一條鐵路線走到深圳北部，龍崗線衰在一條鐵路線走到深圳東北部。

所以亦難怪龍崗線在繁忙時間要落力派職員在車門關閉前吹雞從而令乘客嚇到唔敢隨便迫上車。

龍崗線一早應該響設計上整8卡啦
龍華線而家慢慢放緊6卡車啦

不過深圳好在已經落實大搞「北環線」，反而香港在搞「北環線」方面仍然有阻滯。

北環線根本解決唔到市區超負荷問題
唔好忘記日出康城同後面未來仲有唔少住宅入口，當港鐵加強康城服務時寶琳果邊班次會被拉疏，而觀塘線過海客亦因為將軍澳線多左人搭而更加上唔到車

[ 本帖最後由 jpoon 於 2014-5-6 15:10 編輯 ]